Свет
Г8 – Невработеноста ќе расте
Невработеноста во сите земји членки на Г8 и на ОЕЦД, освен во Јапонија, до крајот на 2010 ќе се приближи до двоцифрена стапка
Невработеноста во сите земји членки на Г8 и на ОЕЦД, освен во Јапонија, до крајот на 2010 ќе се приближи до двоцифрена стапка.
Ова го предупреди групата седум најразвиени земји и Русија (Г8) на отворањето на Социјалниот самит на Г8 во Рим, посветен на „човечките последици“ на финансиската криза во недела во Рим.
Организацијата за економска соработка и развој (ОЕЦД) изрази стравување дека стапката на невработеност во нејзините 30 држави членки до крајот на 2010 година ќе се зголеми до 10 насто.
ОЕЦД наведе дека стапката на невработеност во јануари 2009 година достигна 6,9 насто, што е зголемување за еден процент во однос на истиот месец лани, што значи дека во зоната на оваа организација за една година без работа останале 7,2 милиони луѓе.
Министрите за социјални праша на седумте најразвиени земји на светот и на Русија во текот на тридневниот самит во Рим ќе разговараат за кризата, како и за начините на ублажување на нејзините социјални последици.
Самитот на Г8 веќе вообичаено е проследен со протести и демонстрации ширум светот. /крај/хр/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.