Свет
СЗО: Четврт степен на тревога
Светската здравствена организација (СЗО) го подигна нивото на мобилност, од трет на четврти степен на тревога поради можна пандемија на свински грип
Светската здравствена организација (СЗО) го подигна нивото на мобилност, од трет на четврти степен на тревога поради можна пандемија на свински грип.
Вршителот на должност заменик-генерален директор на СЗО Кеиџи Фукуда изјави дека оваа одлука е донесена на состанокот на комитетот за итни случаи, поради потврдениот пораст на бројот на заболени од свински грип.
Подигнување на нивото на тревога на четврт степен означува дека СЗО ја потврдува епидемијата во ограничен број на области, дека веројатноста од појава на пандемија се зголемува, но оти пандемијата не е неизбежна, јавуваат светските агенции.
Нивото на тревога пет значи дека СЗО признава оти епидемијата зафатила многу поширока област.
Оваа организација не препорачува затворање на границите или ограничување на патувањата, но ги повикува сите држави зајакнато да се подготвуваат за евентуална пандемија на грип.
Веројатниот број на починати како последица на свинскиот грип во Мексико се искачи меѓу 149 и 152 лица, соопшти изутрината мексиканскиот министер за здравство Хозе Анхел Кордоба.
Претходно тој за прв пат соопшти дека можеби има знаци на забавување на ширењето на епидемијата, наведувајќи дека бројот на починати се намалил од шестмина во саботата на петмина во неделата и тројца во понеделникот.
Властите во Нов Зеланд соопштија дека тестираат 56 потенцијални случаи на заболени од свински грип, лица кои неодамна се вратиле од Мексико и САД.
Во Швајцарија, патнички воз синоќа беше сопрен, а патниците евакуирани, откако се скршил специјален контејнер во кои имало тестови со вирус на свинскиот грип.
Контејнерот со тројна обвивка од пластмаса и картон содржел тестови од животни, кои не можеле да бидат заразни за луѓето../крај/ме/ис/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.