Интернетот троши многу струја, нагласи потпретседателката на Европската комисија, Маргарет Вестагер, укажувајќи на негативните ефекти од оваа потрошувачка врз климата на Земјата.

Понатамошната дигитализација ќе бара уште повеќе струја, вели данската политичарка во интервју за медиумската групација „Функе“.

„Стримингот на филмови троши многу електрична енергија. Имено, замислете за момент колку трошоци се прават за климатизација на сервисните центри на овие платформи“, додава Вестагер.

Тоа ќе биде огромен предизвик за зацртаната климатска неутралност која земјите на ЕУ се договорија да ја постигнат до 2050 година, смета функционерката.

„Ќе мора да развиеме технологии за да ја минимизираме потрошувачката на енергија и да ја подобриме енергетската ефикасност“, смета таа, осврнувајќи се притоа на новата еколошка програма на блокот.

Низ целиот свет, платформите како „Нетфликс“ и „Јутјуб“ и услугите за видео-конференции како „Скајп“ трошат 200 милијарди киловат-часови електрична енергија на годишно ниво, според податоците објавени од германската компанија „Еон“.

Тимот на британскиот премиер Борис Џонсон сè уште е во славеничка атмосфера откако Конзервативната партија извојува голема изборна победа, освојувајќи мнозинство во парламентот.

Исходот од изборите бил толку неочекуван што тие морале да нарачаат дополнителни 50 шишиња вино бидејќи Џонсон освоил повеќе места во парламентот отколку што очекувале, објави британски „Сан“.

До такво сознание се дошло кога се појавиле фотографии од прославата, откако бројките на гласањето во четвртокот навечер ја посочиле неговата јасна победа.

Џонсон и неговата Конзервативна партија го освоија мнозинството во парламентот и добија дури 365 места.

Австралиските пожарникари предупредуваат за можен голем пожар во период кога напорите за справување со повеќе од 100 пожари во Нов Јужен Велс спектакуларно пропаднаа. Огнот се прошири преку линијата на одбрана, а земјата се подготвува за својот веројатно најжежок ден во историјата, пренесува Раша тудеј.

Најмалку 20 куќи се уништени недалеку од Сиднеј, над 400.000 хектари се изгорени, а пожарот се движи кон Сините Планини, популарна туристичка дестинација западно од градот.

Video footage shows a bushfire moving from treetop to treetop in a phenomenon known as ‘crowning,’ in Australia’s Blue Mountains pic.twitter.com/VSwAww0quT

— Reuters (@Reuters) December 15, 2019

Жителите се подготвуваат за уште поекстремни температури оваа недела, бидејќи се предвидува историски жешко време. Ова е голем проблем за пожарникарите кои веќе се борат со огромен број пожари во очекување на екстремните температури. Снимките од Сиднеј покажуваат сериозна загаденост на воздухот од пожарите.

Властите се обидоа да ги искористат пониските температури за да предизвикаат „контролиран пожар“ т.е. мали пожари за отстранување на вегетацијата пред главните пожари и на тој начин да го запрат нивното ширење, но се чини дека тактиката не успеа бидејќи екипите изгубија контрола врз нив, а пламенот се шири подалеку од линиите за одбрана, достигнувајќи дури 70 метри височина.

„Во овие услови на суша што и да се обидуваме не помага“, рече заменик-комесарот на Руралната противпожарна служба на Нов Јужен Велс, Роб Роџерс.

Emergency Warning for Gospers Mountain fire. Fire activity & smoke increasing. People in Wallerawang, Lidsdale & Blackmans Flat area should seek shelter as fire approaches. #nswrfs #nswfires pic.twitter.com/ueYLY6rgGw

— NSW RFS (@NSWRFS) December 16, 2019

Претстојниот топлотен бран може да доведе до најжешкиот ден во пишаната историја на Австралија, надминувајќи го сегашниот рекорд од 50,7 степени Целзиусови, поставен во 1960 година.

Од септември досега во пожарите загинаа шест лица, а повеќе од 700 домови се уништени, додека градовите се гушат во штетниот чад од пожарите. Квалитетот на воздухот во Сиднеј сега е полош од Пекинг и Њу Делхи.