Свет
Гугл го претстави имејл сервисот на иднината Google Wave
Гугл(GOOGLE) го претстави имејл сервисот на иднината Google Wave (http://wave.google.com), што уште е во развојна фаза
Гугл(GOOGLE) го претстави имејл сервисот на иднината Google Wave (http://wave.google.com), што уште е во развојна фаза и уште извесно време нема да биде достапен за широката јавност.
Кога точно Google Wave ќе биде покренат не се знае, но во Гугл велат дека тоа ќе биде „оваа година“.
Google Wave е комбинација на имејл и чет, со што ќе им овозможува на корисниците брза размена на текст, фотографии, видео и датотеки. Сета комуникација ќе се одвива во реално време.
Имејл сервисот на иднината го смислиле творците на Гугл мапите, Ларс и Јенс Расмусен, кои наведуваат дека Google Wave е „обид за комбинирање на виртуелниот разговор и соработката“.
Креаторите тврдат дека овој сервис ќе биде рај за оние што заеднички работат на големи проекти, а оддалечени се илјадници километри.
За изработка на Google Wave „се позајмени“ некои елементи од Gmail, Twitter и Facebook, а Гугл уверува дека овој производ ќе биде нешто најдобро што светот го видел. /крај/ин/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.