Свет
„Ербасот“ би требало да се наоѓа на 300 км. од бразилски архипелаг
Авионот на „Ер Франс“, што исчезна денеска за време на лет над Атлантскиот Океан, би требало да се наоѓа на 300 километри од бразилскиот архипелаг
Авионот на „Ер Франс“, што исчезна денеска за време на лет над Атлантскиот Океан, би требало да се наоѓа на 300 километри од бразилскиот архипелаг Фернандо де Норохна.
Авионот што полетал од Рио де Женеиро кон Париз со 228 патници, „се наоѓа на максимум 300 километри источно од архипелагот Фернандо де Норохна во насока на Дакар“, изјави Густаво Адолфо Франко Ферејра, поранешен полковник од бразилската армија.
Тој посочи дека водите во таа област не се замрзнати и не ја исклучи можноста да има преживеани патници, ако пилотот успеал да слета во вода во близина на архипелагот, чиј што најисточни делови се наоѓаат на околу 500 километри од бразилскиот брег.
Во меѓувреме, францускиот заменик министер за транспорт изјави дека „секоја хипотеза ќе биде погрешна во врска со исчезнувањето на авионот.
Инцидентот со авионот Ербас А330 на француската компанија „Ер Франс“ е втора несреќа во која што учествувал тој тип на авион од кога е вклучен во комерцијална употреба.
Авионот кој што денеска исчезна од екраните на радарите во употреба бил пуштен во 2005 година, а последниот ремонт бил извршен на 16. април. Имал околу 2.500 летови, а во воздух поминал околу 18.800 часа.
Претходниот инцидент во кој што учествувал Ербас А330 се случи на 7. октомври 2008 година кога леталото на линија од Сингапур до Перт во Австралија принудно слета на аеродромот кај градот Ексмут, на 1.100 километри подалеку од првобитната цел./крај/бг/бе/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.