Свет
„Самсунг“ ја претстави својата еколошка линија вредна 4,29 млрд долари
Јужнокорејскиот произведувач на електронски уреди „Самсунг“ денеска го претстави планот за развој на еколошки производи вреден 4,29 милијарди долари
Јужнокорејскиот произведувач на електронски уреди „Самсунг“ денеска го претстави планот за развој на еколошки производи вреден 4,29 милијарди долари.
Проектот „Планет Фрст“ предвидува намалување на емисите на CO2 од фабриките на Самсунг за 50 отсто и намалување на вкупните штетни емисии од сите производи на Самсунг за 84 милиони тони во периодот до 2013 година.
Намалувањето на штетните емисии на гасови ќе биде постигнато преку подобрена енергетска ефикасност на сите производите, вклучувајќи ги телевизорите, фрижидерите, клима-уредите.
Предвидените средства ќе бидат издвоени за развој на еколошки прифатливи производи, како и за техологија која ќе штеди енергија и ќе влијае врз намалување на неповолно влијание на погоните на Самсунг врз човековата околина. /крај/х/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.