Свет
Денот што го промени светот
Уривањето на кулите близначки во Њујорк светот ќе го памети како дата на започнување на глобалната борба против тероризмот
Уривањето на кулите близначки во Њујорк светот ќе го памети како дата на започнување на глобалната борба против тероризмот, а Америка како ден кога станаа свесна дека е ранлива Ал Каеда нападна на 11. септември 2001 година со четири киднапирани патнички авиони. Првиот од нив неколку минути пред 9 часот со полна брзина удри во северната кула на Светскиот трговски центар во Њујорк, заедно со патниците.Менхетен го зафати паника, телевизиските екипи брзаа во финансискиот кварт за да ја снимат необичната несреќа. Само 15-тина минути подоцна стана јасно дека не се работи за несреќа. Пред очите на светската јавност и во живо на ТВ станиците уште еден авион удри во втората кула близначка на Светскиот трговски центар.Тогаш започна битка со времето. Кај кулите близначки пристигнаа над 10 илјади полицајци, пожарникари и спасувачи кои ги вадеа заробените во Светскиот трговски центар за да ги преместат на безбедно .Снема време бидејќи за помалку од два часа кулите се урнаа до темел, при што загинаа речиси три илјади луѓе, меѓу кои и бројни спасувачи. Уште околу шест илјади беа повредени. Долго потоа парчиња од урнатините паѓаа по улиците, а спасувачите не можеа да дојдат поблиску од две улици до местото на страотната трагедија.Драмата не заврши тука. Нападнат беше Пентагон, симболот на моќта на Америка. Патнички авион кој полета од Вашингтон, наместо во Лос Анѓелес, заврши во едно од крилата на Пентагон. Авионот со 58 патници и шестчлен екипаж удри во зградата на министерството за одбрана, каде загинаа уште 125 вработени во Пентагон.Четвртиот киднапиран авион, терористите го наменија за напад на Белата куќа или на Капитол. Но плановите им ги расипаа патниците, кои се обидоа да го спречат нападот и леталото се урна во Пенсилванија.По нападите во целиот свет станаа познати Ал Каеда и Осама бин Ладен. Таа, речиси непознатата терористичка организација и нејзиниот лидер станаа синоним за тероризам и непријателство кон западот.По најстрашниот терористички напад во американската историја започна глобалната војната против тероризмот на чело со САД. Притоа беше урнат талибанскиот режим во Авганистан, а од ирачкиот престол беше симнат Садам Хусеин.Осум години по трагедијата местото каде некогаш стоеја кулите близначки се уште е празно. Властите планираат изградба на 4 кули во кои ќе има деловни простории, како и спомен парк со музеј посветен на трагедијата. Се очекува првата кула да биде завршена 2013 година, заедно со спомен паркот и музејот. /крај/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.