Свет
Три жртви на маратонот во Детроит
Три лица починаа за време на маратонот во Детроит, соопштија во понеделник американските организатори на трката.
Три лица починаа за време на маратонот во Детроит, соопштија во понеделник американските организатори на трката.
Трите смртни случаи, кои не се меѓусебно поврзани, се случиле во период од 16 минути, по речиси два часа трчање.
Засега е потврдено дека двајца од починатите се мажи, на возраст од 36 и 65 години. За третата жртва на маратонот не се соопштени податоци.
Врз сите три тела ќе биде извршена обдукција.
Станува збор за први жртви на маратонот во Детроит од 1994 година.
Според овогодишната студија на кардиолозите од Минеаполис, стапката на смртност на маратоните е 0,8 на 100,000 учесници.
Најмногу жртви имаше минатата година на британскиот полумаратон „Great North Run“, кога по исклучително топло време починаа четири учесници во трката. /крај/х/ег/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Апсења во Пакистан по снимка во која брат ја убива сестрата, таткото гледал сè
Пакистанската полиција уапси татко и брат, откако видеото од провинцијата Пенџаб на кое брат ја дави својата сестра додека таткото гледа, стана вирална, соопштија официјални лица.
Настанот предизвика шок и бес во нацијата која се бори со бранот насилство врз жените. 22-годишна девојка била убиена од нејзиниот брат додека нејзиниот татко гледал, а непознато трето лице го снимило злосторството, изјави за ДПА претставник на локалната полиција Рана Акмал.
Инцидентот се случил во градот Тоба Тек Синг минатата недела. Семејството ја закопало жената тврдејќи дека умрела од колера.
И таткото и братот ѝ кажале на полицијата дека со години ја силувале жената и ја убиле за да го сокријат своето злосторство, изјави полицискиот службеник Мохамед Имран.
Се спроведуваат рации за апсење на лицето кое наводно го снимило злосторството.
Регион
Родителите на двегодишната Данка во полиција во Бор: мајката одбила полиграф
Родителите на исчезнатата двегодишна Данка Илиќ се донесени во полициската станица во Бор, објави „Телеграф.рс“.
Тие не се осомничени, но со нив се врши информативен разговор.
Ивана и Милош вчера дадоа исказ во присуство на Центарот за социјална работа.
Како што објави српски „Телеграф“, мајката го одбила полиграфскиот тест бидејќи е бремена.
„Девојчето Данка Илиќ сè уште не е пронајдено. Апелираме до сите луѓе да не објавуваат информации што не се проверени. Со тоа се нарушува и се загрозува истрагата, во која е инволвиран и Одделот за криминалистичка полиција“, изјавиле за „Телеграф.рс“ од српската полиција.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.