Свет
Абас-Нема преговори со Израел ако не запре колонизацијата
Палестинскиот претседател Махмуд Абас нема намера да ги обнови преговорите со Израел, доколку не запре еврејската колонизација на окупираните палестински територии.
Палестинскиот претседател Махмуд Абас нема намера да ги обнови преговорите со Израел, доколку не запре еврејската колонизација на окупираните палестински територии.
Оваа информација Абас во сабота ја соопштил на американската државна секретарка Хилари Клинтон, со која се сретнаа во Абу Даби.
Посетата на Клинтон е резултат на напорите на САД да ги седне на маса двете завојувани страни, откако преговорите беа блокирани пред повеќе од една година после израелската офанзива.
На средбата државниот секретар на САД му дала ветување на Абас дека американската администрација ќе направи сè што е во нејзина моќ за да се обноват преговорите.
Таа го изразила и својот оптимизам за формирање на независна палестинска држава најдоцна за две години.
„Израел треба да си ги одржи ветувањата во врска со населувањето на пограничните области и целосно да го замрзне“, рекол Абас, нагласувајќи дека без тоа не се можни преговори. /крај/бг/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.