Свет
Најмалку 48 лица загинаа во поплава во Саудиска Арабија
Најмалку 48 лица загинаа во поплава во саудискиот пристанишен град Џеда, предизвикана од најобилните дождови во изминатите неколку години, соопштија властите во Саудиска Арабија.Надојдените води поплавија улици и згради во Џеда, урнаа два моста на автопатот за Мека..
Најмалку 48 лица загинаа во поплава во саудискиот пристанишен град Џеда, предизвикана од најобилните дождови во изминатите неколку години, соопштија властите во Саудиска Арабија.
Според истите извори дел од жртвите се удавиле, а други загинале во уривањето на мостови или во сообраќајни незгоди, предизвикани од поплавите.
Околу 900 лица останаа заробени во поплавите, во обилните дождови, кои претставуваат невообичаена појава во оваа пустинска земја.
Надојдените води поплавија улици и згради во Џеда, урнаа два моста на автопатот за Мека, во делови од градот нема струја, а системот за канализација е во лоша состојба.
Дождот почна да паѓа на првиот ден од аџилакот во Мека, што се одржува секоја година и заради празникот во Саудиска Арабија пристигнаа околу 1,6 муслимански верници од целиот свет.
Според саудиските власти, нема жртви меѓу аџиите, но автопатот што води во светиот град Мека мораше да биде затворен, атака што дел од нив не успеаја да го завршат патувањето./крај/тн/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.