Свет
Демонстрациите во Копенхаген ќе прераснеа во хаос
Протестот на околу три илјади демонстранти пред данското Министерство за одбрана во Копенхаген, в понеделник за малку не прераснаа во немири, но полицијата успеа да воспостави контрола без употреба на сила.
Протестот на околу три илјади демонстранти пред данското Министерство за одбрана во Копенхаген, в понеделник за малку не прераснаа во немири, но полицијата успеа да воспостави контрола без употреба на сила.
Во данската престолнина секојдневно се одржуваат протести за притисок на учесниците на конференцијата на Обединетите нации (ОН) што се одржува во Копенхаген од 7. до 18. декември и на која што претставници на 192 земји преговараат за договор за да се забави глобалното затоплување.
Неколку стотини, главно млади демонстранти, денеска ниту еден час по завршување на официјалниот дел на протестите не се разотидоа, туку во поголеми групи продолжија да демонстрираат по околните улици.
Тоа е местото каде што се наоѓаат некои од најважните дански државни институции, меѓу кои и парламентот и владата, така што полицијата ги обиколи овие групи и успеа повторно да ги собере во една голема група и да ги потисне на плоштадот кај парламентот.
Групата потоа опколена од полициските сили, продолжи да се движи кон централните улици во Копенхаген вклучувајќи и пароли, но нивната крајна цел е непозната./крај/бе/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.