Свет
Снежно невреме ја парализира Европа
Обилните снежни врнежи го отежнаа сообраќајот во Украина, Франција и Велика Британија, а на некои места владее вистински сообраќаен хаос.
Обилните снежни врнежи го отежнаа сообраќајот во Украина, Франција и Велика Британија, а на некои места владее вистински сообраќаен хаос. Во Украина, поради невремето, неколку илјади возачи останаа блокирани во своите возила,а неколку десетици населени места се без електрична енергија. Најлошо погоден е јужниот и источниот дел на земјата, каде наносите на снег на неколку локации изнесуваат над еден метар, објави украинското министерство за вонредни состојби, пренесува Хина. Меѓу пет и осум илјади автомобили и камиони се блокирани на автопатиштата кон градот Одеса, што ги принуди возачите да ги напуштат возилата и да побараат засолниште. Колоната на возила е долга дури шест километри. Проблеми има и во источните покраини Херсон и Доњецк. Околу 158 градови и села се без напојување со електрична енергија. Во Франција во петок се откажани третина од предвидените летови, а неколку стотина патници ја поминаа ноќта на аеродромот „Шарл де Гол“ во Париз. Неколку автопатишта во северна Франција се затворени за сообраќај. На автопат во Нормандија се блокирани неколку стотина камиони. Застој има и во железничкиот сообраќај. Метеоролозите најавуваат престанок на врнежите пред крајот на викендот. Во Велика Британија, снегот предизвика потешкотии во сообраќајот во југоисточна Англија. Неколку часа е затворен аеродромот „Гетвик“, а на аеродромот „Лутон“ се откажани сите летови предвидени за петок претпладне. Затворени се и училишта, а полицијата ги повика возачите да не ги користат возилата без поголема потреба. Проблеми со снегот има и во Белгија и Романија. /крај/хи/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.