Свет
Конференцијата за Авганистан го одобри планот на Карзаи
Конференцијата за Авганистан, која се одржува во Лондон, четврток се согласи со предлогот на Кабул за помирување со Талибанците, пренесувајќи ја одговорноста во подрачјето на безбедноста во следните пет години и борбата против корупцијата, се вели во текстот на завршното соопштенение.
Конференцијата за Авганистан, која се одржува во Лондон, четврток се согласи со предлогот на Кабул за помирување со Талибанците, пренесувајќи ја одговорноста во подрачјето на безбедноста во следните пет години и борбата против корупцијата, се вели во текстот на завршното соопштенение.
Повеќе од 140 милиони долари се предвидени за финансирање во првата година за оваа програма за реинтеграција на Талибанците, изјави британскиот министер за надворешни работи, Дејвид Милибанд на затворањето на конференцијата.
Финансиските ветувања ќе ги пополни меѓународниот фонд посебно наменет за финансирање на програмата во рамките на која би требало да им се даде работа и пари на талибанците кои се покајале, но под услов да се откажат од насилство.Според германски дипломатски извори, фондот би содржел вкупно 500 милиони долари.
„Учесниците на конференцијата позитивно реагираа на плановите на авганистанската влада околу понудата за чесни места во општеството на оние кои се подготвени да се откажат од насилство“ рекоа учесниците на конференцијата за предлогот на авганистанскиот претседател Хамид Карзаи да им се пружи рака на талибанците.
Но, бунтовниците ќе мораат да ги почитуваат начелата напишани во авганистанскиот устав, да ја прекинат врската со Ал Каеда и другите терористички организации и да се обидат да дојдат до својата цел на мирен начин, се вели во текстот.
„Околу 70 нации собрани во Лондон исто така ја поздравија целта на авганистанската влада, авганистанските воени сили да ја преземат контролата над повеќето операции во нестабилните зони за три години и да ја сносат одговорноста за физичката безбедност за пет години“ се вели во завршниот текст. /крај/хи/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото по петти пат од почетокот на ескалацијата во Газа, тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе ширум светот. Во земјите кои доставуваат оружје за Западен Ерусалим се почесто се слушаат гласовите на оние кои се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: Нема штета на иранските нуклеарни постројки
Нема штета на иранските нуклеарни постројки, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024
Свет
Америка го ограничи движењето на својот дипломатски персонал во Израел
САД го ограничија патувањето за персоналот на нивната амбасада во Израел и членовите на нивните семејства „од претпазливост“ по извештаите за израелски одмазднички напад врз Иран.
Амбасадата соопшти дека на персоналот им било кажано да не патуваат надвор од поширокиот регион на Тел Авив – вклучувајќи ги Херцлија, Нетања и Дури Јехуда – и областите Ерусалим и Беер Шева до понатамошно известување.
„Безбедносната средина останува сложена и може брзо да се менува во зависност од политичката ситуација и неодамнешните настани“, се вели во соопштението објавено утрово.