Свет
Отворањето на зимската олимпијада затемнетo од смртта на спортистот
Смртта на грузискиот лизгач со санка, Нодар Кумириташвили само неколку часа пред официјалното отворање на 21-те Зимски олимписки игри во ВанкуверМакедонија на Зимската олимпијада е преставувана од тројца спортисти, Антонио Ристевски, Росана Кировска и Дарко Дамјановски./крај/снн/сл
Смртта на грузискиот лизгач со санка, Нодар Кумириташвили само неколку часа пред официјалното отворање на 21-те Зимски олимписки игри во Ванкувер, фрли темна дамка на самата олимпијада.
Кумириташвили на тренингот изгубил контрола над санката и се удрил со голема брзина во металната шипка пред самиот крај на патеката. Медицинските екипи не успеале да го спасат 21-годишниот спортист и тој починал во болница.
Седумчлената делегација на Грузија на самото отворање на олимпијадата носеше црна лента на рацете а исто така и црна лента беше поставена и на грузиското знаме во дефилето.
Грузиската делегација доби громогласен аплауз од 60 илјадната публика во БС плејс, а некои од нациите кои учествуваат, во знак на солидарност исто така носеа црна лента.
На огромните видео бимови беше испишано дека церемонијата е посветена на Кумириташвили Отворањето на Зимската олимпијада започна со сноубордер кој скокаше низ огромните олимписки кругови во првиот затворен стадион за дна олимпијада.
Канадските пејачи Нели Фуртадо и Брајан Адамс а Сара Меклхахан заедно со танчерите од балетот во Алберта направија спектакл. Додека делегациите дефилираа, индогените малцинства кои живеат во Канада, танцуваа на музиката, да на самиот крај хокеј легендата Вејн Грецки го запали олимпискиот оган и со тоа да го означи почетокот на зимската олимпијада во Ванкувер.
Имаше мал пропуст во организацијата при палењето на огнот, кога едно од четирите џиновски дрва од олимпискиот оган кое требаше да го запали Катриона Лимеј Дома не сакаше да се запали.
Новитет на оваа олимпијада беше што дефилето на нациите се случи на самиот почеток на церемонијата а не во вториот дел од манифестацијата.
Македонија на Зимската олимпијада е преставувана од тројца спортисти, Антонио Ристевски, Росана Кировска и Дарко Дамјановски./крај/снн/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Свет
Родителите на Кејт Мидлтон се нејзиниот темел додека таа бори во најтешката животна битка
Во петокот, принцезата од Велс го шокираше светот со веста за нејзината болест.
„Таа има навистина тесен круг на пријатели, особено во Норфолк, таму има многу блиски пријатели“, изјави за странските медиуми за принцезата Кејт Мидлтон, кралскиот експерт Кејти Никол. Таа неодамна и откри на јавноста дека и е дијагностициран рак, по неколкумесечни шпекулации дека нејзината здравствена состојба не е добра, но и дека се повлече од јавноста затоа што нејзиниот сопруг Вилијам ја изневерил.
Никол појасни кој всушност претставува основа на се, во животот на принцезата.
„Нејзиното безбедно пристаниште дефинитивно се нејзините родители, братот Џејмс и сестрата Пипа. Иако не ги гледаме често на заеднички фотографии, тие речиси секогаш се некаде блиску до неа. Тие се апсолутно нејзиниот темел”, рекол тој. Со неговата изјава се согласија и следбениците на социјалните мрежи кои раскажаа како Кејт се дружела со мајка си откако дознала за тешката дијагноза, бидејќи знаела дека може да и каже такви информации, но и дека ќе добие утеха и совет. Нејзините родители ја поддржувале во веројатно најтешките моменти од нејзиниот живот.
Керол и Мајкл Мидлтон добиле олеснување кога слушнале дека ракот е откриен во рана фаза и се чувствувале безбедно бидејќи нивната ќерка е на превентивна хемотерапија.
„Кетрин ќе ги има најдобрите доктори на светот кои ќе ја чуваат, така што таа е во сигурни раце. Керол и Мајкл отсекогаш биле силна двојка и многу приземни. Она што сега го прават е да се здружат и да ја поддржуваат неа, и не само Вилијам и Кејт, туку и нивните внуци“.
Братот Џејмс испрати порака за поддршка на својата постара сестра. Тој објави фотографија кога биле деца и и посвети прекрасни зборови:
„Искачивме многу планини заедно низ годините. Како семејство, оваа ќе ја искачиме со вас.
Свет
ИДФ: 200 членови на Хамас убиени во болницата Ал-Шифа, ги евакуиравме пациентите и персоналот
Израелските одбранбени сили (ИДФ) соопштија дека повеќе од 200 вооружени лица биле убиени за време на операцијата против Хамас во болницата Ал-Шифа во градот Газа.
Во текот на изминатиот ден, напаѓачите на Хамас излегоа од собата за итни случаи во Ал-Шифа, каде што се криеја, и отворија оган врз израелските војници, тврди ИДФ, додавајќи дека неколку слични инциденти се случиле во последните денови.
Во текот на борбите, армијата вели дека војниците евакуирале цивили, пациенти и медицински персонал во друг дел од болницата „која ИДФ ја подготви и ја постави за да овозможи продолжување на соодветниот медицински третман“, пишува „Тајмс оф Израел“.
Истовремено, ИДФ тврди дека уште десетици оперативци на Хамас биле убиени за време на операциите во изминатиот ден во градот Ал-Карара во јужниот дел на Газа и во квартот Кан Јунис Ал-Амал.
Војниците кои дејствуваат во јужниот дел на Газа, исто така, лоцирале и уништиле складишта за оружје, а во централниот дел на Појасот, ИДФ вели дека неколку противнички оперативци биле убиени во текот на изминатиот ден од војниците на бригадата Нахал и во воздушните напади.