Свет
Африканските земји го оспоруваат именувањето на експертот на ОН за ЛГБТ задницата

Африканските земји бараа во петокот укинување на неодамнешното именување на еден експерт на Обединетите нации за човекови права за ЛГБТ заедницата и тврдат дека неговиот мандат нема поврзаност со човековите права.
Советот за човекови права на ОН кон крајот на септември го именуваше на тригодишен мандат на професорот по меѓународно право Витито Минарборно од Тајланд за да ги истражува дискриминациите и насилствата на коишто се изложени хомосексуалците, лезбејките, бисексуалците и трансродовите лица.
Во името на 54 африкансите земји членки на ОН, амбасадорот на Боцвана Чарлс Н’ваага изјави пред една комисија на Генералното собрание дека Советот не би требало да се занимава со прашањата на сексуалната ориентација и идентитетот.
„Овие два поима не се и не би требало да бидат поврзани со постојните меѓународни инструменти за заштита на човековите права“, појасни амбасадорот на Боцвана и побара суспендирање на мандатот на експертот.
Африканската група земји претстави резолуција во оваа смисла за којашто ќе се гласа во вторник. Со резолуцијата се бараат консултации за законитоста на мандатот на стручњак за ЛГТ заедницата
Од 193 земји членки на ОН, 73 земји од кои 33 африкански имаат законодавства според кои хомосексуалноста е злосторство, меѓу кои се Уганда, Нигерија, Судан и Мавртианија.
За Генералниот секретар на ОН, Бан Ки-мун промоцијата на правата на ЛГБТ заедницата беше еден од приоритетите. Русија своевремено го критикуваше бидејќи на службениците на ОН им дозволи истополови бракови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Ердоган: Злосторствата извршени од Израел не треба да останат неказнети

Турскиот претседател Реџеп Таип Ердоган денеска изјави дека злосторствата извршени од Израел во Газа не треба да останат неказнети.
„Израелските воени злосторства, злосторствата против човештвото во Газа не треба да останат без одговор. Наш приоритет во моментов е да прогласиме траен прекин на огнот и да обезбедиме проток на хуманитарна помош“, рече Ердоган на 44-от самит на Советот за соработка во Заливот (ГЦЦ) во главниот град на Катар, Доха, пренесува „Дејли Сабах“.
Ердоган нагласи дека е неопходно да се спречи злосторствата во Газа да се претворат во регионална војна која ја опфаќа и Сирија, пренесува Танјуг.
Тој додаде дека администрацијата на премиерот Бенјамин Нетанјаху „ја загрозува безбедноста и иднината на целиот наш регион со цел да го продолжи неговиот политички животен век“.
Регион
(Видео) Хрватските навивачи донесени во суд во Атина, еден од нив извика: Пленковиќ извади не надвор

Денеска, во судот во Атина продолжи распитот на Бeд Блу Бојс, осомничени за навивачките нереди во август во кои беше убиен еден навивач на АЕК.
Првата група од 38 навивачи вчера доби можност да ја дополни одбраната откако во истрагата беа извршени ДНК и дактилоскопски вештачења во кои не беа пронајдени нови докази против нив.
Денеска пред суд беше изведена уште една група.
На снимката од пристигнувањето на Бeд Блу Бојс во судот објавена од хрватската Н1, се слуша како еден од навивачите вика: „Пленковиќ, извади не надвор“.
Европа
Путин патува надвор од Русија, Песков: Ќе го нема само 24 часа

Рускиот претседател Владимир Путин планира утре да ги посети Обединетите Арапски Емирати и Саудиска Арабија, изјави денеска неговиот портпарол, без да ги потврди гласините за можна посета на климатската конференција COP28 во Дубаи.
Еден ден подоцна, во четврток, Путин ќе биде домаќин на иранскиот претседател Ебрахим Раиси во Москва, објави портпаролот на Кремљ, Дмитриј Песков. „Патувањето ќе трае само 24 часа“, изјави Песков за руската новинска агенција Интерфакс.
Работните посети на двете земји ќе бидат фокусирани на билатералните односи, но ќе се разговара и за натамошна координација на пазарот на нафта, додаде Песков. Советникот на Путин за надворешна политика Јуриј Ушаков вчера ги најави работните посети на Путин, но не го прецизираше денот, ниту пак даде дополнителни детали.
Неодамна, Организацијата на земјите извознички на нафта, чиј член е Русија, одлучи дополнително да го намали производството на нафта со цел да ги одржи високите цени. Но, и покрај таа одлука, цената на нафтата продолжува да паѓа. Запрашан за тоа, Песков објасни дека е можно потоа да се види ефектот од таквите одлуки. Координацијата на мерките за стабилизирање на пазарот секако ќе продолжи, рече тој.