Свет
CNN: Разузнавањето добило потврда за дел од компромитирачкото досие за Трамп
Американските разузнавачки агенции првпат добиле потврда за некои од податоците од ткн досие кое наводно го правела Русија со компромитирачки информации за актуелниот американски претседател Доналд Трамп, тврди телевизијата CNN повикувајќи се на извори во разузнавачката заедница.
Во извештајот се наведува дека новите информации „не се однесуваат на непристојните обвиненија“ во ткн досие, но се однесуваат „на десетици разговори меѓу руски функционери и обични руски граѓани“. Изворите одбиле за CNN да ги откријат темите и содржините на тие разговори, датумите и учесниците, коишто според нив се совпаѓаат со описите во досието. Тоа било можно да се утврди врз основа на транскриптите од прислушувањето на телефонските разговори и други комуникации, се прецизира во прилогот на CNN.
Се додава и дека според американските разузнавачи потврдено е дека „Русите зборувале меѓу себе за споменатиот извештај, но не можело да се утврди дека тие разговарале токму за Трамп“. Притоа, неименуваните Руси, наводно „учествувале во собирањето на информациите, кои можеле да им наштетат и на Хилари Клинтон и на Доналд Трамп“. Но, сепак, според изворите на телевизијата американските разузнавачи не можеле да заклучат дали Русија поседува навистина инкриминирачки докази за Трамп, како што категорично се тврди во претходниот извештај.
Портпаролот на Белата куќа, Шон Спајсер во петокот на барање на CNN да ги коментира новите информации рече дека „Репортажите на CNN со фабрикувани вести и натаму предизвикуваат чувство на гадење“.
Оваа телевизија претходно во јануари, повикувајќи се на информации кои наводно биле добиени од американски функционери, објави дека на специјалниот брифинг во Њујорк шефовите на американските разузнавачки агенции тогаш сé уште неинаугурираниот претседател Доналд Трамп го запознале со наводно постоечки докази дека руското разузнавање поседува информации од лична и финансиска природа, кои може да го дискредитираат како претседател на САД.
Според CNN, за време на брифингот на тогаш новоизбраниот претседател бил направен обид да му се укаже дека Москва собирала компромитирачки материјали за членовите на двете водечки партии во САД, но оти до јавноста станале познати само оние за демократската кандидатка Хилари Клинтон, бидејќи како што претходно се тврдеше во Вашингтон, Кремљ го фаворизирал и преку хакерски упади и медиумите му помогнал на републиканскиот кандидат Доналд Трамп да победи на ноемвриските избори.
Потоа порталот BuzzFeed објави триесетина страници од „досието“ во кое се наведува дека руските служби поседуваат информации за „валканиците“ на Трамп.
Подоцна весникот The Wall Street Journal објави дека споменатиот извештај претставен на брифингот во Њујорк бил направен од приватната компанија „Оrbis Business Intelligence Ltd.“ со седиште во Лондон која е во сопственост на поранешен британски разузнавач кој работел во Брисел и Москва, а работи деликатни доверливи задачи за приватни клиенти и компании.
Самиот Трамп овие објави и нарече „лажни и тотален политички лов на вештерки“ и ги спореди со „дејствувањето на нацистичка Германија“. .
Шефот на 17-те американски разузнавачки агенции Џејмс Клапер изјави дека споменатото досие не е направено од разузнавањето на САД, но дека со Трамп разговарал за руските хакерски напади врз американски политички институции во периодот на кампањата. Специјалната комисија на Сенатот за разузнавање одби да ги истражува изложените во споменатото досие „шпекулации за контактите“ меѓу предизборниот штаб на Трамп и високи личности во Русија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Финска на чекор до воведување на трет пол
Финска се движи кон законско регулирање на третиот пол, односно законско признавање дека постојат небинарни и интерсексуални луѓе кои не се сметаат себеси ниту за жени ниту за мажи. Доколку законот биде усвоен во финскиот парламент, секое лице ќе може слободно да избере дали да се регистрира кај државните органи како жена, маж или како трета опција.
Граѓанската иницијатива „Постоиме“ собра повеќе од 55.000 потписи, што е доволно за финскиот парламент да отвори дебата за законот за законско воведување на трет пол, а потоа да спроведе гласање. Во претходните анкети и јавни дебати, конзервативните партии го покажаа своето противење на иницијативата за трет пол, која е поддржана и од левиот центар, вклучувајќи ја и Националната коалициска партија на актуелниот премиер Петери Орп.
Гласањето за овој предлог мора да се одржи во тековниот парламентарен мандат, односно до април 2027 година. Доколку пратениците го поддржат воведувањето на третиот пол, тоа ќе биде видливо во сите јавни и лични документи, како и во личниот идентификациски број (финската верзија на OIB).
Небинарното лице не се идентификува ниту како маж ниту како жена, но треба да се додаде дека небинарните луѓе го доживуваат својот идентитет на различни начини. Небинарно лице може да биде целосно без пол или да спаѓа помеѓу два бинарни рода.
Интерсексуалните лица се раѓаат со физички варијации кои не се вклопуваат совршено во медицинските или законските дефиниции за машки или женски. Терминот опишува широка категорија на природно настанати варијации.
Едно од најпознатите интерсексуални лица е јужноафриканската атлетичарка Кастер Семења. Станува збор за атлетичарка која е правно и социјално третирана како жена од раѓање, но има покачено природно ниво на тестостерон поврзано со разлики во сексуалниот развој. Семења е забранета од женски натпревари во голем број дисциплини од страна на Светската атлетска федерација (WAT) сè додека не се согласи медицински да го намали тестостеронот.
фото/Depositphotos
Свет
Првата хуманитарна помош од почетокот на војната пристигна во Иран
Првата пратка медицински материјали за спасување животи и друга помош пристигна во Иран, првпат од почетокот на војната, објави денес Црвениот крст. Меѓународната федерација на друштвата на Црвениот крст и Црвената полумесечина (IFRC) соопшти дека пратката влегла во земјата во недела, додека Меѓународниот комитет на Црвениот крст (ICRC) ја доставил својата помош вчера, објавува Euronews.
Конвојот камиони, кој тргна од турската престолнина Анкара во петокот, претставува „една од првите прекугранични пратки медицински материјали“ од која било организација од почетокот на конфликтот на 28 февруари со израелските и американските напади врз Иран, изјави портпаролот на IFRC, Томасо Дела Лонга, за новинарите во Женева.
Војната досега одзеде најмалку 3.000 животи во Иран, 2.020 во Либан, 23 во Израел и повеќе од десетина во арапските земји од Заливот. Конфликтот, исто така, предизвика трајна штета на инфраструктурата во шест земји од Блискиот Исток.
Контролата на Иран врз Ормутскиот теснец во голема мера го отсече Персискиот Залив и неговиот извоз на нафта и гас од глобалната економија, што доведе до нагло зголемување на цените на енергијата.
фото/Depositphotos
Свет
(Видео) Инцидент во полскиот парламент, пратеник го покажа израелското знаме со свастика
Пратеникот од крајната десница Конрад Беркович предизвика инцидент во полскиот парламент кога покажа израелско знаме за време на својот говор на кој Давидовата ѕвезда беше заменета со нацистичка свастика. Беркович го обвини Израел дека е „нов Трет рајх“ и дека извршил геноцид во Газа, пишува Notes from Poland.
Беркович е член на Конфедерацијата (Konfederacja), крајно десничарска опозициска група која има 16 од 460 членови во долниот дом на парламентот.
Зборувајќи од парламентарната говорница, тој потврди дека „бројот на деца што загинаа во Газа е десет пати поголем отколку за време на целата војна во Украина“. Тој рече дека „Евреите користат фосфорна муниција“ против цивилите, предизвикувајќи им огромно страдање.
Polish MP Konrad Berkowicz compares Israel’s crimes against humanity to those of the Third Reich and displays an Israeli flag with a swastika.
Israel is the new Third Reich! pic.twitter.com/Uo8GBcgQcc
— Sławomir Mentzen (@SlawomirMentzen) April 14, 2026
„Израел врши геноцид пред нашите очи со посебна суровост. Израел е новиот Трет Рајх и неговото знаме треба да изгледа точно вака“, рече Беркович, по што разви модифицирано израелско знаме со свастика.
Исечоци од говорот на Беркович беа споделени на социјалните мрежи од официјалните профили на Конфедерацијата, како и Славомир Менцен, еден од лидерите на партијата, кој напиша на англиски јазик: „Израел е новиот Трет Рајх!“
Финска на чекор до воведување на трет пол
Финска се движи кон законско регулирање на третиот пол, односно законско признавање дека постојат небинарни и интерсексуални луѓе кои не...
Првата хуманитарна помош од почетокот на војната пристигна во Иран
Првата пратка медицински материјали за спасување животи и друга помош пристигна во Иран, првпат од почетокот на војната, објави денес...
(Видео) Инцидент во полскиот парламент, пратеник го покажа израелското знаме со свастика
Пратеникот од крајната десница Конрад Беркович предизвика инцидент во полскиот парламент кога покажа израелско знаме за време на својот говор...
Трамп: Европските лидери би сакале да ја решат војната во Иран, но едноставно не знаат како
САД нема да се вратат во Пакистан за идните мировни преговори со Иран, изјави претседателот Доналд Трамп денес за „Њујорк...
СДСМ: Би сакале ЗНМ да реагира и кога претседател на партија се споредува со убиец на деца
Би сакале ЗНМ да реагира и кога претседател на партија се споредува со убиец на деца, реагира СДСМ на соопштението...
Цените на нафтата паднаа под 96 долари
Цените на нафтата паднаа под 96 долари на меѓународните пазари денес, бидејќи инвеститорите беа уверени од сигналите за нова рунда...
Американска војска: Ниту еден брод не ја проби нашата блокада во Ормутскиот теснец
Американската војска тврди дека во првите 24 часа од почетокот на поморската блокада на Ормутскиот теснец, ниту еден брод не...
Шефот на Мосад: Опериравме во срцето на Техеран, но мисијата продолжува
Израелската разузнавачка агенција Мосад работеше „во срцето на Техеран“ за време на неодамнешната заедничка американско-израелска кампања против Иран, изјави директорот...
Утре претежно облачно време со повремени локални врнежи од дожд
Времето утре ќе биде претежно облачно со повремени локални врнежи од дожд. Ќе дува слаб до умерен ветер од југоисточен...