Кина евакуираше повеќе од 600.000 луѓе пред налетот на тајфунот Бави, кој во саботата се приближи кон источниот дел на земјата и кон градот Венџоу, јавија кинеските државни медиуми.

Тајфунот претходно донесе обилни врнежи и силни ветрови во јужниот јапонски островски синџир Сакишима, а помина и покрај северниот дел на Тајван.

Над половина милион евакуирани во провинцијата Џеџијанг

Иако Бави постепено забавува и слабее додека се движи кон северозапад преку постудени морски области, метеоролозите предупредуваат дека сè уште претставува опасност поради огромната количина влага што ја носи во своите дождовни појаси.

Според проценките, облачниот систем на тајфунот зафаќа површина приближно колку Франција.

Се очекува Бави да стигне до копното во раните утрински часови во недела, во близина на Венџоу – град со околу 10 милиони жители.

Од кинеската провинција Џеџијанг, каде што се наоѓа Венџоу, биле евакуирани повеќе од 500.000 луѓе, додека во соседната провинција Фуџијан уште над 100.000 жители биле преместени на побезбедни локации.

Heavy flooding is being reported in areas along the Youluo River as water levels are rapidly rising due to Typhoon Bavi in Hengshan Township, Hsinchu County, Taiwan. pic.twitter.com/VQZdUKE3QH

— Weather Monitor (@WeatherMonitors) July 11, 2026

Жителите се снабдија со резерви

Жител на Венџоу, 50-годишниот Хуанг Ксингхуан, изјавил дека е загрижен, но верува дека градот ќе го помине невремето без поголеми последици.

„Веќе поминавме низ многу тајфуни. Ќе го надминеме и овој“, рекол тој додека купувал намирници пред затворањето на локалните пазари.

Хуанг додал дека неговото семејство обезбедило вода и резерви за два до три дена, но дека нема потреба од паника и прекумерно складирање храна.

This is Super #Typhoon #Bavi smashing into Rota island, #UnitedStates🇺🇸 creating 150 mph ground winds and wind gusts between 180-215 mph. this shows the catastrophic winds occurring. it is expected for all homes to experience significant damage or is completely destroyed. pic.twitter.com/4H8RjsO50n

— Skellitor Titan (@Skellitor_Titan) July 6, 2026

Без жртви во Јапонија и Тајван, 17 загинати на Филипини

Засега нема пријавени смртни случаи во Јапонија и Тајван поради последиците од тајфунот.

Тајванските противпожарни служби соопштија дека 87 лица биле повредени, најчесто поради падови од велосипеди и мотори, лизгање или удари од предмети носени од силниот ветер.

На Филипините, пак, 17 лица загинаа поради последиците од обилните дождови предизвикани од засилениот југозападен монсун, кој бил дополнително влошен под влијание на Бави.

Властите во погодените региони продолжуваат со следење на состојбата, а жителите се предупредени да избегнуваат движење во најризичните периоди додека трае невремето.

Украинските одбранбени сили соопштија дека во ноќта меѓу 10 и 11 јули извршиле напад врз руски пловила во Азовското Море, при што бил погоден 21 руски танкер што, според Киев, се користел за транспорт на нафта и нафтени деривати.

Според Генералштабот на вооружените сили на Украина, танкерите биле дел од логистичката мрежа преку која Русија ги заобиколува меѓународните санкции и обезбедува приходи за финансирање на воените операции во Украина.

Погодени и други бродови

Украинската војска соопшти дека во нападот биле погодени и четири влечни бродови, два товарни брода за сув товар и еден багер-јаружар.

Според украинските власти, овие пловила се користеле за воена логистика, транспорт на товар и одржување на пристанишната инфраструктура.

Засега не се познати последиците од нападот, ниту степенот на оштетување на пловилата.

⚡️ Russia has suspended the acceptance of applications for ship passage through the Kerch Strait, which connects the Sea of Azov and the Black Sea, and has also suspended navigation on the Don-Sea of Azov Canal — Reuters.

The restrictions were introduced after attacks by… pic.twitter.com/0HuPNyJLNM

— Cloooud |🇺🇦 (@GloOouD) July 11, 2026

Украински командант тврди дека бројката е поголема

Командантот на украинските сили за беспилотни системи, Роберт „Маѓар“ Бровди, подоцна изјави дека во нападот биле погодени вкупно 28 руски пловила.

Претходно, аналитичарите од ОСИНТ-групата CyberBoroshno објавија анализа во која наведуваат дека во нападите врз руската нафтена инфраструктура биле погодени пловила од таканаречената „флота во сенка“, како и пристаништа и една рафинерија за нафта.

Русија ја запре пловидбата низ каналот Дон–Азов

По украинските напади, Русија ја прекинала пловидбата низ каналот Дон–Азов, кој ја поврзува реката Дон со Азовското Море.

Според украинските извори, руските власти привремено ја суспендирале и обработката на барањата за премин низ Керчкиот Теснец, кој ги поврзува Азовското и Црното Море.

Независна потврда за бројот на погодените пловила и за обемот на штетата засега нема.

Фотографија од 61-годишниот српски државјанин кој за малку ќе го загубел животот за време на летот на авиокомпанијата „Рајанер“ е објавена во грчките медиуми. Мажот, чие име сè уште не е соопштено, се наоѓа во болница во Солун, каде се опоравува од повредите и шокот по драматичниот инцидент.

Несреќата се случила на летот на релација Солун – Минхен, кога за време на летот дошло до пукање на прозорец во кабината. Српскиот патник седел до прозорецот, а поради наглата декомпресија, половина од неговото тело било извлечено надвор од авионот.

Неговиот живот бил спасен благодарение на брзата реакција на сопругата, која веднаш го фатила и го држела додека авионот сè уште бил во воздух. Во помош пристигнале и друга сопатничка и уште еден патник.

„Сè се случи во дел од секунда“ – сведоштво на сопругата

Сопругата на повредениот патник во интервју за грчката телевизија „Мега“ ги опишала драматичните моменти во авионот.

„Летавме веќе 30 до 40 минути кога одеднаш пукна прозорецот. Мојот сопруг седеше до прозорецот. Сè се случи во дел од секунда. Поради разликата во притисокот, половина од неговото тело заврши надвор. Сè леташе низ кабината. Паднаа маските за кислород, а никој не знаеше што да прави. Сите плачеа“, раскажала таа.

Таа објаснила дека среќна околност било тоа што нејзиниот сопруг бил врзан со сигурносен појас, но дека пресудна била и реакцијата на луѓето околу него.

„Ние две го држевме, а потоа дојде господинот од редот до нас и заедно го влечевме за раката додека половина тело му беше надвор од авионот“, изјавила сопругата.

Авионот безбедно слетал во Солун

По драмата во воздухот, авионот го променил курсот и безбедно слетал на аеродромот „Македонија“ во Солун.

По слетувањето, патниците биле евакуирани, а повредениот 61-годишник, како и лицата кои му помогнале во критичниот момент, биле пренесени во болница.

Според грчките медиуми, меѓу кои и „Катимерини“, се истражува можноста дека за време на спуштањето на авионот дел од оштетениот мотор се одвоил и удрил во прозорецот на кабината, што предизвикало негово кршење.

Фотографиите по слетувањето покажуваат сериозно оштетување на десниот мотор на авионот, додека снимки од кабината покажуваат скршен прозорец и активирани маски за кислород. Сепак, истражителите треба да утврдат што точно се случило.

Српскиот конзулат: Патникот не е животно загрозен

Од Генералниот конзулат на Србија во Солун информирале дека лекарите го следат здравјето на повредениот државјанин и дека тој не е животно загрозен.

„Генералниот конзул на Република Србија во Солун, Јелена Вујиќ-Обрадовиќ, веднаш по сознанието за инцидентот го посетила повредениот државјанин во болницата и разговарала со управата на здравствената установа и надлежните лекари, како и со сопругата на повредениот“, соопштија од конзулатот.

Македонија ќе ја води истрагата за инцидентот

Иако авионот на „Рајанер“ со сериозно оштетен десен мотор и скршен прозорец безбедно слетал во Солун, истрагата за инцидентот ја водат македонските надлежни органи, бидејќи настанот се случил во македонскиот воздушен простор, објави Aero.rs.

Според правилата на Меѓународната организација за цивилно воздухопловство (ИЦАО) и Анекс 13, истрагата ја води државата над чија територија или воздушен простор се случил сериозниот инцидент.

Во истрагата ќе бидат вклучени експерти од повеќе држави. Грција ќе учествува бидејќи авионот се наоѓа во Солун, каде ќе се вршат детални технички проверки на моторот, оштетениот прозорец, трупот и податоците од летот.

Малта ќе биде вклучена како држава на регистрација на авионот и држава на операторот, бидејќи летот го извршувала „Малта Ер“, компанија од групацијата „Рајанер“.

САД, преку Националниот одбор за безбедност во сообраќајот (НТСБ), ќе обезбедат техничка поддршка бидејќи станува збор за авион „Боинг 737“, произведен во САД. Во анализата ќе учествуваат и производителот „Боинг“ и компанијата „ЦФМ Интернешнл“, која го произведува моторот.

Ќе се анализираат сите детали од летот

Истражителите треба да утврдат што точно се случило за време на летот – дали прво дошло до дефект на моторот, кој дел се одвоил, како дошло до оштетување на авионот и поради што се скршил прозорецот во патничката кабина.

Ќе бидат анализирани податоците од црните кутии, разговорите во пилотската кабина, документацијата за одржување на авионот и моторот, како и сите пронајдени делови.