Контакт

Европа

Во Австрија без полициски час, Турција ги олеснува мерките против Ковид-19

Објавено пред

Од денеска во Австрија повеќе не е во сила повеќемесечниот полициски час, што беше воведен како епидемиолошка мерка во борбата против коронавирусот.

Министерството за здравство издаде указ според кој веќе нема полициски час.

Во Австрија, заклучно со 3 ноември, со исклучок на периодот околу католичкиот Божиќ, во сила беше полицискиот час од 20 до 6 часот наутро.

За време на тој период, граѓаните требаше да останат дома и да излегуваат надвор само ако треба да одат на работа, да купуваат, да им помагаат на другите или да шетаат без придружба на луѓе од друго домаќинство.

Укинувањето на полицискиот час е подготовка за големото олеснување на мерките што ќе следат од среда, кога повторно ќе се отворат гастрономијата, хотелите, културните институции и спортот.

По 35 дена, можноста за зараза со коронавирус е намалена за 80% кај вакцинираните лица против Ковид-19, шансите вакцинирано лице да заврши во болница поради инфекција се намалуваат за 90%, додека стапката на смртност се намалува за 95%, покажува нова студија спроведена во Италија.

Од друга страна шпанската полиција интервенираше за да спречи собир на илјадници луѓе, кои се собраа во центарот на Барселона и на блиската плажа, за време на првиот викенд по укинувањето на ограничувањата поради Ковид-19.

Шпанската влада ја укина шестмесечната вонредна состојба на 9 мај на полноќ, па ова е прв викенд без ограничувања, потсетува агенцијата.

Ограничувачките мерки сè уште се на сила во некои делови на земјата, како на пример во Каталонија, каде што баровите и рестораните се отворени до 23 часот, а максималниот број на луѓе на маса е четири лица.

Турција ќе започне со олеснување на строгите мерки воведени поради коронавирусот во понеделник, дозволувајќи движење во текот на денот, додека полицискиот час ќе остане на сила преку ноќ и за време на викендите, објави денеска Министерството за внатрешни работи на Турција.

Турскиот претседател Реџеп Таип Ердоган во петокот објави дека Турција постепено ќе започне со олеснување на мерките што беа воведени пред две и пол недели и значително ќе ги ублажи во јуни, објави Ројтерс.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Големо невреме во Крим, поројот носи сè пред себе

Објавено пред

Едно лице загина во невремето што го погоди црноморскиот полуостров Крим. Водата од обилните поројни дождови се слева по планинските области на југот, патиштата се поплавени и повеќе од 1.500 луѓе се евакуирани.

Туристичката мека Јалта и областа околу пристаништето Севастопол во раните утрински часови биле облеани со количини на дожд што обично паѓаат за два месеца, наведуваат властите, а пренесува агенцијата ДПА.

Патиштата се блокирани на јужниот брег поради надојдената каллива вода.

Властите соопштија дека млад човек бил прва жртва на бурата. Руската агенција ТАСС објави дека тој бил однесен од поројот. Неколку лица се повредени.

Во источниот дел на полуостровот, водата се повлекува во градот Керч, по обилните дождови во четвртокот.

Обилните дождови што паднаа вчера принудија стотици луѓе да ги напуштат своите домови, оставајќи десетици илјади без електрична енергија.

Нејасно е колку дождот помогнал во надополнување на резервите на вода. Откако Русија го присвои полуостровот во 2014 година, Украина постепено го блокираше Севернокримскиот канал, кој обезбедува вода од Днепар и покрива 80 проценти од потребите за вода на Крим.

Поради постојаната суша и прекумерната употреба на подземните извори, вода се штеди со месеци, особено во јужниот дел на Крим, кој е популарна туристичка дестинација.

Прикажи повеќе...

Европа

Русија ќе се повлече од договорот за отворено небо на 18 декември

Објавено пред

Русија ги известила своите партнери од спогодбата Отворено небо за контрола на оружјето дека ќе ја напушти групата на 18 декември, соопшти денеска руското Министерство за надворешни работи.

Кремљ овој месец соопшти дека одлуката на САД да се повлечат од договорот, што овозможуваше невооружени летови за набљудување над земјите членки, значително го нарушила балансот на интереси меѓу членките во договорот и дека Русија исто така е принудена да се повлече.

Москва се надеваше дека претседателот Џо Бајден ќе ја поништи одлуката на неговиот претходник, Доналд Трамп.

Но, администрацијата на Бајден не го смени ставот, обвинувајќи ја Русија за кршење на договорот, што Москва го негира.

Во јануари Русија најави свои планови да се откаже од договорот, додека владата минатиот месец започна постапка за официјализирање на излегувањето.

Договорот за отворено небо е склучен во 1992 година и стапи на сила во 2002 година. Потпишан е од 35 земји и им овозможува на земјите потписнички да вршат набљудувачки летови над териториите на останатите земји опфатени со спогодбата.

Договорот придонесува за транспарентност, што треба да ја зајакне довербата на земјите потписнички во соработката за безбедносните прашања. Од неговото стапување во сила, регистрирани се над 1.500 летови за набљудување.

Прикажи повеќе...

Европа

Турција сака да стане вселенска сила, ги откри плановите за свој ракетен мотор

Објавено пред

Турција има намера до крајот на оваа деценија да испрати ровер на Месечината, користејќи ракетен мотор од домашно производство, кој би требало да се тестира во 2023 година на пробен лет.

Претседателот на Турската вселенска агенција (ТУА), Сердар Хусеин Јилдирим, во вторникот во Санкт Петербург говореше на Глобалната конференција за истражување на вселената (ГЛЕКС) 2021, за плановите на неговата вселенска програма.

Роверот, според Јилдирим, би требало да биде лансиран во 2028 или 2029 година, да слета на Месечината и да спроведе истражување на нејзината површина, пишува Space.com.

Ракетата што ќе го однесе роверот на Месечината треба да биде од домашно производство, односно ќе има мотор кој во моментов се развива во Турција. Со цел властите да ја осигурат исправноста на моторот, тие ќе испратат прототип ракета на Месечината на крајот на 2023 година, доколку сè оди според планот.

„Имаме намера да стигнеме до Месечината со сопствен мотор. Но, во првата фаза, со меѓународна соработка, ќе го однесме леталото во ниската орбита на Земјата“, рече Јилдирим.

Според турската новинска агенција „Анадолија“, со мисијата во 2023 година ќе се изврши тврдо слетување, што ќе им овозможи на турските инженери да соберат податоци за успешно спроведување на мекото слетување кон крајот на деценијата.

Терминот „тврдо слетување“ се однесува на слетување на земја, што предизвикува значителна штета на леталото и што често резултира со губење на контакт. Овој тип на слетување може да биде намерен или планиран, но може да биде и неуспешен обид за меко слетување.

Турција, исто така, планира да испрати 30 астронаути на Меѓународната вселенска станица (ISS) во наредните години за таму да спроведат научни експерименти.

Прикажи повеќе...

Најново

Македонија2 часа

Еден починат и четири нови случаи на коронавирус во Македонија

Во последните 24 часа во Македонија се потврдени четири нови случаи на коронавирус, едно лице почина, а 68 оздравеа, соопшти...

Македонија2 часа

Филипче: Не е вистина дека пациенти не се оперираат и дека скопските клиники се во колапс

Не е вистина дека пациенти не се оперираат и системот на скопските клиники е во колапс, тврди министерот за здравство,...

Македонија3 часа

Пендаровски и Вселенскиот Патријарх разговараа за решавање на статусот на МПЦ

Претседателот Стево Пендаровски, денеска во Истанбул, Турција, се сретна со Неговата Сесветост Вартоломеј, Архиепископ Цариградски – Нов Рим и Вселенски...

Спорт6 часа

Македонците за четири дена го „испиле целото пиво“ во Букурешт

Фудбалската репрезентација на Македонија, во четвртокот, го напушти Букурешт и се пресели во Амстердам, каде ќе го одигра последниот натпревар...

Свет6 часа

(Видео) Трамп се огласи за спремните одговори на Бајден: Затоа државата оди по ѓаволите

Поранешниот претседател на САД, Доналд Трамп, се огласи за видеото на кое се гледа неговиот наследник, Џо Бајден, со спремни...

Македонија6 часа

За еден ден казнети 627 возачи за брзо возење

Полицијата за еден ден казни 627 возачи за брзо возење на територија на целата држава, соопшти Министерството за внатрешни работи....

Регион7 часа

САД ја поздравија Резолуцијата за Сребреница усвоена во Парламентот на Црна Гора

Американскиот Стејт департмент ја поздрави Резолуцијата за Сребреница усвоена во Парламентот на Црна Гора во петокот. „Позицијата на САД во...

Топ20 часа

300 килограми кокаин во пакувања од „Чикаго булс“ и ПСЖ, македонски државјанин уапсен во Драч

Околу 300 килограми кокаин во пакувања со амблемите на спортските тимови „Чикаго Булс“ и „Париз Сен Жермен“, но и луксузниот...

Свет22 часа

Во Русија откриена нова опасна мутација на Ковид-19

Руската Федерална медицинско-биолошка служба (ФМБА) открила нова мутација на коронавирусот, способна да ја намали ефикасноста на медицинските третмани и превентивните...

Спорт1 ден

Премиерот најави промена на името на Фудбалската федерација на Македонија

Премиерот Зоран Заев во интервју за грчката „ЕРТ“ изјави дека по жалбата на Атина на логото на Фудбалската федерација на...

Македонија1 ден

(Видео) Заев: Направен е голем исчекор во македонско-бугарскиот пријателски дијалог

Премиерот Зоран Заев денеска одржа прес-конференција на завршницата од Самитот на ЕУ за Западен Балкан во Виена, каде присуствуваше на...

Македонија1 ден

Во Македонија 19 нови случаи на коронавирус, починаа две лица

Во последните 24 часа во Македонија се регистрирани 19 нови случаи на Ковид 19, оздравени се 14 пациенти, а две...

Регион1 ден

Црногорски министер сменет од функцијата, одбил да го нарече злосторството во Сребреница геноцид

Министерот за правда на Црна Гора, Владимир Лепосавиќ, е сменет од функцијата затоа што одби да го нарече злосторството во...

Македонија1 ден

Кривична пријава за едно лице кое се заканувало на новинари на „Фејсбук“, ЗНМ очекува судска разрешница

МВР поднесе кривична пријава против едно лице од тетовско Теарце за кривично дело загрозување на сигурноста против новинари, соопшти Здружението...

Регион1 ден

Во Србија целосно вакцинирани 40 проценти од населението

Во Србија досега се дадени вкупно 5.058.165 дози вакцини против коронавирус. Првата доза ја примиле 2.673.634 лица, а 2.384.531 граѓани...

Спорт1 ден

Ангеловски и Пандев ги прекршиле ковид-протоколите

Селекторот и капитенот на фудбалската репрезентација на Македонија, Игор Ангеловски и Горан Пандев, по вечерашниот натпревар на ЕУРО 2020, против...

Спорт2 дена

Холанѓаните ја „решија“ Австрија и ја потврдија елиминацијата на Македонија

Холандија се пласираше во осминафиналето на ЕУРО 2020 по 2:0 победата над Австрија, резултат кој дефинитивно ги заврши и теоретските...

Регион2 дена

Курц: Западен Балкан да се врати високо на агендата на ЕУ

Во организација на австриската влада утре во Виена ќе се одржи конференција за Западен Балкан. Домаќинот на состанокот, австрискиот канцелар...

Европа2 дена

(Видео) Тепачка во украинскиот парламент, пратеник изјавил дека опозиционерите треба да бидат застрелани

За време на разгледувањето на измените и дополнувањата на предлог законот за реформа на Националниот совет за телевизиски и радио...

Македонија2 дена

Пендаровски-Борел: Се очекува исчекор за пристапните преговори со ЕУ

Претседателот Стево Пендаровски, во рамки на работната посета на Република Турција, денеска оствари средба со потпретседателот на Европската Комисија и...

Досие