Подмладокот на националистичката партија Нова фламанска алијанса му предложи на американскиот претседател Доналд Трамп да ја купи Валонија – за едно евро.

„Драг претседателе Трамп, едно евро и Валонија е ваша. Јавете ни се“, напишаа на твитер-профилот на оваа партија.

Dear President @realDonaldTrump, one euro and Wallonia is yours. Call us. #GreenlandIsNotForSale pic.twitter.com/jcghgrTuRa

— Jong N-VA (@Jongnva) August 21, 2019

Објавена е и фотографија од градот Дурбуј, на кој е додадена фотографија на њујоршкиот облакодер „Трамп тауер“.

Претходно беше објавено дека американската администрација разговарала за можноста на Данска да ѝ се предложи годишна исплата од 600 милиони долари за предавање на Гренланд во неограничена употреба.

Опозициската партија Форца Италија е за одржување избори доколку не е можно да се формира влада на десниот центар, рече лидерот на партијата, Силвио Берлускони.

Поранешниот премиер и медиумски тајкун Берлускони се обрати по повод падот на владата на коалицијата меѓу Пет ѕвезди и Лига, пренесува „Ројтерс“.

Берлускони се состана со италијанскиот претседател Серхио Матарел, кој по консултациите со политичките лидери, треба да одлучи дали да свика предвремени избори или некому да му довери мандат да формира нова влада.

Заменик-министерот за внатрешни работи на Полска, Јарослав Зелински, денеска соопшти дека спасувачите го пронашле телото на исчезнатиот бизнисмен и филмски продуцент Пјотр Вознијак-Старак.

Старак (39) беше одговорен за некои од најпопуларните филмови во Полска, а исчезна во саботата, пренесува АП.

Потрагата по неговото тело почна уште во неделата кога минувачите забележале празен чамец на површината на езерото Кисајно во североисточна Полска.

„Сè покажува дека неговото тело е пронајдено“, рече заменик-министерот изразувајќи сочувство до семејството.