Контакт

Европа

Европа старее, 20 проценти од населението е над 65 години

Објавено пред

Европскиот парламент усвои извештај за стареењето на Европа, во кој повикува Комисијата да почне пилот-проекти за квалитетна грижа за стари лица и да ги поддржи земјите членки во спроведувањето на политиките за грижа за старите лица.

Во извештајот „Стареење на стариот континент – можности и предизвици поврзани со политиката на стареење по 2020 година“, усвоен од Европскиот парламент со 479 гласа „за“, 103 „против“ и 113 воздржани, се наведува дека вреднувањето на старите лица и борбата против дискриминација кон нив е можна само преку политики што се темелат на меѓугенерациска солидарност.

Исто така, се повикува на попозитивна перцепција на староста, поправични пензии и мерки за решавање на разликите во пензиите на мажите и жените.

Европскиот парламент ја повика Комисијата да ги поддржи земјите членки и нивните региони во спроведувањето здрави политики за стареење.

Земјите членки треба да се охрабрат подобро да ги користат средствата на Европската Унија, како што се Европскиот социјален фонд плус и Европскиот фонд за регионален развој, за приспособување на инфраструктурата и јавните простори според потребите на постарите луѓе, велат европратениците.

Ваквите мерки вклучуваат отворање дневни центри во близина на училишта и градинки за да помогнат во градењето врски меѓу генерациите и да се спречи осаменоста.

Независниот европратеник Адам Коса даде пример за тоа како постарите луѓе може да ѝ помогнат на следната генерација да воспитува деца. „Во мојата земја, Унгарија, бабите и дедовците, кои сè уште работат и добиваат внуци, добиваат дополнителни пет дена одмор за секое внуче. Исто така, можно е бабите и дедовците да останат дома со новороденчето“, рече тој сугерирајќи дека вакви права треба да воведуваат и други земји.

На 27 јануари Европската комисија презентира зелена книга, со која почна широка дебата за прашањето на стареењето. Таму е опишано влијанието на овој демографски тренд и се повикува јавноста да ги искаже своите ставови за тоа како да одговори на овој тренд.

Во напишаното е наведено дека во текот на последните 50 години очекуваниот животен век е зголемен приближно 10 години.

Денес, 20 проценти од населението е над 65 години, се предвидува дека до 2070 година 30 проценти од населението ќе бидат во таа возрасна група, а учеството на граѓаните над 80 години до 2070 година се очекува да достигне 13 проценти, забележуваат познавачите на оваа состојба.

„Стареењето не е проблем само за постарите луѓе, туку влијае на сите нас и ние мора да ги балансираме нашите политики за сите граѓани и да гарантираме дека нема да оставиме никого настрана“, посочуват тие.

Бројот на луѓе на кои можеби ќе им треба долготрајна нега може да се зголеми од 19,5 милиони во 2016 година на 23,6 милиони во 2030 година и 30,5 милиони во 2050 година, според официјалната веб-страница на Европската Унија.

Европа

Германија ги заостри мерките за пристигнување на невакцинирани лица од две европски земји

Објавено пред

Германија ги класифицираше Шпанија и Холандија во зони со висока инциденца за коронавирус, а невакцинираните ќе мора да бидат изолирани најмалку пет дена по пристигнувањето од тие земји.

Одлуката се совпаѓа со летните одмори што многу германски семејства ги минуваат на сончевите медитерански плажи на Шпанија или на брегот на Северното Море во Холандија.

Речиси половина од Германците не треба да одат во изолација затоа што ги примиле и двете дози на вакцина против ковид, но само два проценти од населението на возраст под 18 години ги примило тие две дози.

Во Шпанија во последните неколку недели беше забележан брз пораст на бројот на новозаразени. Така, од средината на јуни до средината на јули, бројот на заразени се зголеми за пет пати.

Според шпанските власти, со вакцинирањето на населението и бројот на хоспитализации којшто е под контрола, инциденцата повеќе не е вистински показател за епидемиолошката состојба.

Германија има 17 нови инфекции на 100.000 жители во последните две недели, а во истиот период Шпанија има 624 и Холандија 670 нови случаи на Ковид-19, според Европскиот центар за превенција и контрола на болести.

Патниците од земјите со голема инциденца нема да мораат да бидат во итна изолација во Германија доколку имале Ковид-19 во последните шест месеци.

Новите мерки на германските власти за патниците кои пристигнуваат од Шпанија и Холандија стапуваат на сила во вторник, на 27 јули.

Прикажи повеќе...

Европа

Огромен педофилски синџир сузбиен во Германија, осомничени се над 1.600 лица

Објавено пред

Полицијата на југот во Германија ја заврши истрагата за случајот со размената на педофилски содржини и го предаде истражниот материјал со податоците за над 1.600 осомничени до Државното обвинителство, соопшти полицијата во Амберг, Баварија.

„Дигитални форензичари ја следат размената на педофилски материјали преку платформа за испраќање пораки веќе пет месеци“, рече Доминик Штиглер од локалната полиција.

Врз основа на собраните податоци, над 1.600 лица во Германија, Швајцарија, Франција, Австрија и САД се осомничени за размена на педофилски материјал. Тие се соочуваат со затворски казни од најмалку една година. Според соопштението на полицијата, многу од учесниците во затворените групи за споделување материјали се малолетни.

„Покрај луѓето склони кон педофилија, ова се често деца и млади кои безгрижно испраќаат слични фотографии преку групи за комуникација и со тоа прават кривични дела“, рече Питер Кремер од полицијата.

Германија беше потресена во последните месеци од неколку големи скандали поврзани со сексуална злоупотреба на деца и дистрибуција на педофилски материјал.

Прикажи повеќе...

Европа

Делта-варијантата на коронавирус е доминантна во 19 европски држави

Објавено пред

Позаразна делта-варијанта на коронавирус сега доминира во голем дел на Европа, објавија Европскиот центар за превенција и контрола на болести и Светската здравствена организација.

Податоците собрани помеѓу 28 јуни и 11 јули покажуваат дека варијантата делта е доминантна во 19 од вкупно 28 земји.

Просечното учество на анализираните случаи на делта варијантата во овие 19 земји е 68,3 проценти. Претходно доминантната алфа варијанта достигна учество од 22,3 проценти.

Брз раст кај помладите луѓе

Бројот на потврдени случаи се зголеми во Европа во последните четири недели, со особено брз пораст кај помладите луѓе.

Според сегашните трендови, во следните месеци делта ќе стане доминантна варијанта на коронавирус во светот.

„Далеку сме од ставање крај на пандемијата и, за жал, во многу земји од нашиот регион бележиме значително зголемување на случаите поврзани со ширењето на варијантата делта со голема преносливост“, рече регионалниот директор на СЗО Ханс Клуж.

„Добрата вест е дека податоците јасно покажуваат оти приемот на вакцини значително го намалува ризикот од сериозни болести и смрт. Кога ќе бидат повикани да го сторат тоа, луѓето треба да се вакцинираат“, рече директорот на СЗО за Европа.

Прикажи повеќе...

Најново

Македонија7 часа

Димитров: Влогот е огромен, ЕУ да нѐ третира со достоинството што го заслужуваме

Заменик-претседателот на Владата задолжен за европски прашања Никола Димитров денеска, на вториот ден од неформалниот состанок на министри за европски...

Македонија8 часа

И Катица Јанева е спроведена во „Идризово“

Поранешната специјална јавна обвинителка Катица Јанева е спроведена од домашен притвор кој го издржуваше во Гевгелија во затворот „Идризово“, каде...

Македонија8 часа

Регистрирани нови 36 случаи на Ковид-19

Министерството за здравство информира дека во последните 24 часа се направени 3.569 тестирања, а регистрирани се 36 нови случаи на...

Спорт8 часа

Македонското знаме се развиори на олимпискиот стадион во Токио

Македонската олимписка експедиција со осум спортисти и се претстави на светската спортска јавност при претставувањето на свеченоста на отворањето на...

Македонија10 часа

(Видео) Горан Стефановски, Зафир Хаџиманов, Ремзи Несими и Живко Мукаетов одликувани со Орден за заслуги

Претседателот Стево Пендаровски ги одликува Горан Стефановски, Зафир Хаџиманов, Ремзи Несими, постхумно, и Живко Мукаетов со Орден за заслуги за...

Македонија11 час

Судот ги ослободи Мијалков и поранешните „алфи“, нема доволно докази дека го малтретирале Бошкоски

Кривичниот суд ги ослободи од обвинение поранешниот директор на УБК, Сашо Мијалков, и шестемина припадници на поранешната полициска единица „Алфа“...

Свет12 часа

ЕУ досега донира само три проценти од ветените вакцини, повеќето се од „Астра зенека“

Членките на Европската Унија досега донираа само мал дел од вишокот вакцини против Ковид-19 на сиромашните земји, претежно од „Астра...

Европа14 часа

Француски професор: Враќањето во нормала можеби ќе биде дури во 2023 година

Враќањето во нормалa поради пандемијата на коронавирусот може да се очекува во 2022 година, но дури и во 2023, изјави...

Спорт14 часа

Денеска официјално започнуваат 32. Олимписки игри во Токио – Македонија со 8 претставници

Во Токио денеска во 13 часот по средноевропско време ќе бидат отворени 32. Олимписки игри кои е планирано да траат...

Топ14 часа

Запленета марихуана вредна речиси 150.000 евра, уапсени двајца поранешни вработени во МВР

Полицијата заплени марихуана вредна речиси 150.000 евра. Дрогата од Албанија преку Македонија требало да стигне во Грција, а организатор на...

Македонија15 часа

Пендаровски ќе ги одликува Стефановски, Хаџиманов, Несими и Мукаетов со Орден за заслуги

Претседателот Стево Пендаровски ќе ги одликува Горан Стефановски, Зафир Хаџиманов и Ремзи Несими, постхумно, и Живко Мукаетов со Орден за...

Македонија1 ден

Бојан Јовановски спроведен во „Идризово“ за да ја издржува казната од девет години затвор

Осудениот во случајот „Рекет“, Бојан Јовановски, попладнево од домашен притвор бил спроведен во затворот „Идризово“ на издржување на затворската казна...

Топ1 ден

Стрелиште во Гази Баба нелегално продавало муниција, кај негови клиенти пронајдени 300 куршуми

Секторот за оружје при МВР извршил контрола во цивилно стрелиште во Гази Баба, за кое е утврдено дека вршело неовластена...

Македонија1 ден

Заев: СДСМ и ДУИ заедно ќе настапат на локалните избори

Претседателот на СДСМ, Зоран Заев, попладнево преку социјалните мрежи потврди дека со лидерот на ДУИ, Али Ахмети, се договориле СДСМ...

Македонија1 ден

Антикорупциската бара градоначалникот Мерко да одговара кривично за финансиски малверзации

Градоначалникот на Струга, Рамиз Мерко, треба кривично да одговара за финансиски злоупотреби во Општината, оцени Државната комисија за спречување на...

Топ1 ден

Загина 21-годишно момче, со камион паднало во Вардар

Момче на 21-годишна возраст загина кога товарното возило што го управувал паднало во Вардар. Возилото е сопственост на фирма од Куманово. Момчето...

Топ2 дена

Ресенец испраќал пораки дека има бомби на повеќе локации во Охрид

Четириесет и шестгодишен ресенец е осомничен дека испраќал пораки во кои лажел дека на неколку локации во Охрид има поставено...

Македонија2 дена

Заев: Пописот нема да влијае врз правата на граѓаните од етничките малцинства

Во интервјуто за емисијата „Конфликт зоун“ премиерот Зоран Заев зборуваше за исходот од претстојниот попис за кој изрази уверување дека...

Македонија2 дена

(Видео) Заев: Сѐ уште ги истражуваме сите легални начини како Груевски да биде вратен во земјата

Северна Македонија и понатаму ги истражува сите легални начини како поранешниот премиер Груевски да биде вратен назад со цел да...

Регион2 дена

(Видео) Протести против вакцинацијата во Грција, полицијата употреби солзавец и водни топови

Грчката полиција употреби солзавец и водни топови во Атина за да ја растера толпата што протестира против вакцинацијата против коронавирусот....

Досие