Европа
Крим главна цел: Пентагон откри за што Украина ќе ги користи моќните ракети АТАКМС

Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
„Украина во НАТО би значела трета светска војна“: остри зборови од министерот на Фицо

Словачкиот министер за надворешни работи Јурај Бланар изјави дека членството на Украина во НАТО би значело трета светска војна.
Тој директно го отфрли украинското членство во НАТО и рече дека се согласил на тоа за време на разговорите со неговиот руски колега, Сергеј Лавров, во Москва.
„Ние како влада, ако имаме мнозинство во парламентот, ќе бидеме против членството на Украина во НАТО бидејќи тоа би бил почеток на апсолутна дестабилизирачка, а можеби дури и трета светска војна“, нагласи тој.
Од друга страна, што се однесува до членството на Украина во ЕУ, тие го поддржуваат.
„Кога станува збор за членството на Украина во Европската Унија, ние имаме сосема поинаква позиција бидејќи целосно ја поддржуваме“, додаде тој.
Бланар истакна дека Словачка ќе ја продолжи соработката со Киев.
„Го чекаме четвртиот состанок на заедничките влади на Украина и Словачка, каде што работиме на конкретни проекти бидејќи веруваме дека на Украина ѝ е потребна хуманитарна помош“, рече министерот наведувајќи ја особено соработката во енергетскиот сектор.
Бланар нагласи дека сметаат оти снабдувањето со оружје не помага за решавање на овој конфликт и оти тој треба да се реши дипломатски преку мировни преговори.
Словачкиот премиер Роберт Фицо привлече критики во Европа и од својот народ по ненадејната посета на Москва и разговорите лице в лице со рускиот претседател Владимир Путин во декември минатата година.
Роберт Фицо е третиот лидер на ЕУ што го посети Путин во Москва откога рускиот лидер нареди инвазија на Украина во февруари 2022 година.
Европа
(Видео) Се отвори џиновска дупка среде улица во Британија, жителите евакуирани, стравуваат од експлозија

Жителите на Сари, Велика Британија, ги напуштаат своите домови откако се отворила дупка на главната улица. Властите го прекинаа водоснабдувањето на селото Годстон откако 20-метарска дупка проголта градина.
Жителите на Сари се евакуирани поради страв од експлозија, додека дупката продолжува да се шири. Дупката се појави во понеделникот вечерта и до вторник попладне порасна на најмалку 20 метри, предизвикувајќи прекин на водоснабдувањето и уривање на градина.
Советот на округот Сари прогласи вонредна состојба и на локалните жители им беше препорачано да ја избегнуваат областа додека се вршат поправки. Полицијата евакуираше неколку згради и постави безбедносен кордон во радиус од сто метри, пишува Гардијан.
На жителите на улицата Вилијам Веј во Годстоун им беше кажано да ги напуштат своите домови што е можно поскоро рано наутро во вторникот поради стравувањата дека изложените кабли може да предизвикаат експлозија. Жителите ги опишаа сцените од евакуацијата како застрашувачки.
„Не знам што ќе се случи следно, никој не може да ми даде никакви информации. Тие рекоа дека може да помине до една недела пред да се вратиме. Мислам дека не знаат каква е состојбата на гасните и електричните инсталации, така што постои ризик од експлозија, пожар, колапс“, изјави жител за Би-би-си.
„Преплашени сме. Сега треба да размислиме каде да живееме. Училиштето започнува следната недела и мора да најдеме нешто во близина“, велат други.
Полицијата потврди дека неколку згради се евакуирани како мерка на претпазливост и дека работата на патот најверојатно ќе потрае.
Европа
(Видео) Гори руска рафинерија по украински напад: црн чад го покрива небото, пожарот беснее

Украина во текот на ноќта нападна нафтена рафинерија во градот Сизран во руската област Самара, изјави во средата регионалниот гувернер, пренесува Ројтерс.
„Службите за итни случаи работат на погодената територија. Според прелиминарните информации, нема жртви“, напиша Вјачеслав Федоришчев на апликацијата за пораки Телеграм.
💥 Russia: Syzran Oil Refinery struck by Ukrainian drones. 900km from Ukraine in Samara region.
The facility refined 8.5 million tons of crude oil annually – 170,000 barrels per day, accounting for 2.6% of Russia's total capacity. pic.twitter.com/7fngd5FCtN— Igor Sushko (@igorsushko) February 19, 2025
Тој не прецизираше дали рафинеријата е оштетена. Каналите на Телеграм, База и Маш објавија дека по нападот избувнал пожар.
Руското Министерство за одбрана соопшти дека системите за воздушна одбрана уништиле девет украински беспилотни летала во текот на ноќта, над регионите Брјанск, Татарстан и Тула и Црното Море.