Белоруската полиција уапси најмалку 250 лица за време на протестите, откако властите одбија да ја прифатат кандидатурата на двајцата главни опоненти на претседателот Александар Лукашенко за претседателските избори, соопшти групата за човекови права „Весна 96“.

Организацијата објави список на сите оние за кои се смета дека биле затворени во вторникот, по одлуката за одбивање на кандидатурите донесени од Централната изборна комисија. Полицијата сè уште не го коментирала ова.

Лукашенко, кој не дозволи поинакво мислење за време на своето 26-годишно владеење, е уверен во победата на изборите на 9 август, и покрај тоа што се соочи со масовни протести оваа година.

Неколку стотици луѓе излегоа на улиците на главниот град Минск, откако во вторникот донесе одлука Централната изборна комисија, а објавите на социјалните мрежи соопштија дека имало протести и во други белоруски градови.

Во центарот на Минск демонстрантите повремено аплаудираа, што е заштитен знак на нивните неодамнешни протести. Сведоците, исто така, видоа дека полицијата ги блокира главните улици и ги затвора демонстрантите.

Делегацијата на Европската Унија во Белорусија соопшти дека одлуката на изборната комисија го поткопува целокупниот интегритет и демократска природа на изборите.

Виктор Бабарико, банкар уапсен во јуни, беше исклучен од изборите поради кривично дело што се води против него, соопшти комисијата. Валериј Цепкало, поранешен амбасадор и сега претставник на технолошки компании, исто така беше одбиен откако беа поништени потписите на петицијата во негова корист.

Двајцата се идентификуваат како последни кандидати кои имаат шанса да го поразат Лукашенко, кој се соочува со растечка фрустрација на јавноста поради економијата, човековите права и непридавањето важност на пандемијата на Ковид-19 во оваа поранешна советска република.

Во Австрија, во последните 24 часа има драстично зголемување на бројот на новозаразени со коронавирус, дури 133.

Најголем број случаи, 46, се регистрирани во Виена, потоа следуваат Горна Австрија со 30, Долна Австрија со 25 и Штаерска со 20 нови случаи.

Во Долна Австрија појавата на жариште во една кланица предизвика скок на бројот на новозаразени.

Само во провинцијата Форарлберг нема ниту едно новозаразено лице.

Во моментов, според Министерството, има 1.175 активни заболени во Австрија.

Од тој број, 96 се хоспитализирани, 13 повеќе од вчера, а 10 се на интензивна нега.

Забележан е еден смртен случај, така што бројот на починати се зголемил на 710.

Во последните 24 часа беа извршени 7.512 тестирања.

Од почетокот на епидемијата во Австрија, 19.077 луѓе се позитивно тестирани на коронавирус, а 17.175 се излечиле.

Германската полиција изврши рација во 20 куќи и компании во Берлин, поради сомнение за поврзаност со исламски тероризам.

Во рацијата биле ангажирани околу 450 припадници на полицијата, пренесува германската новинска агенција ДПА.

Берлинското обвинителство објави на „Твитер“ дека се издадени 20 налози за претрес на 12 осомничени кои припаѓаат на исламистички групи и се осомничени за разни злосторства, вклучително и финансирање на тероризам.