Возачки испит во Австрија бил запрен откако инструкторите откриле дека една од кандидатките се обидува да ги заобиколи правилата.

Школа за возење во градот Инсбрук контактирала со полицијата откако 40-годишната жена започнала да се однесува чудно додека полагала писмен испит, изјави полицискиот портпарол.

Според него, жената сторила сé за да се осигура дека ќе ја добие возачката дозвола, таа на себе имала слушалки со „Блутут“ и скриена камера зашиени во нејзиниот џемпер.

Додека полицијата ја испрашувала, нејзиниот сопруг се појавил и сакал да ја напушти автошколата со неа. Ситуацијата на крајот ескалирала кога тој го гризнал за рамо сопственикот на автошколата.

Полицијата ја обвини жената за мамење на возачки испит а нејзниот сопруг за напад, но тие сепак не завршија во притвор.

Чешка може да протера околу 60 члена на руската амбасада во Прага, ако Русија до пладне не се реши да ја повлече одлуката за протерување на чешките дипломати кои се прогласени за персона нон грата, изјави денеска чешкиот министер за надворешни работи, Јакуб Кулханек за „Лидовe новине“.

Станува збор за околу 60 луѓе.

„Целта е овој број на руски персонал да одговара со капацитетите на персоналот што сега се наоѓа во нашата амбасада во Москва“, рече чешкиот министер, а пренесе агенцијата ТАСС.

Прага тврди дека Русија е вмешана во експлозија во складиштето за муниција во чешкото село Врбетице во 2014 година, поради што чешките власти протераа 18 руски дипломати, тврдејќи дека тие се дел од воената разузнавачка служба.

Владата во Москва реагираше веднаш и прилично остро. Министерството за надворешни работи ги нарече обвинувањата „апсурдни“ и од своја страна протера дваесет чешки дипломати од Русија, односно речиси целиот персонал во амбасадата на Чешка.

Германските пратеници го одобрија предлогот на владата на канцеларката Ангела Меркел за воведување унифицирани ограничувања во областите каде што коронавирусот се шири пребргу.

Преку законите што доследно се применуваат како кочница за итни случаи во областите со голема стапка на новозаразени од коронавирус има цел да се воведат низа мерки како одговор на пандемијата на Ковид-19 во 16 германски сојузни држави, пренесува АП.

Долниот дом на парламентот денеска гласаше за планот со 342 гласа „за“ и 250 „против“, а 64 беа воздржани. Горниот дом, во кој се претставени државните влади, треба да ги разгледа законите в четврток.

Предлогот содржи планови за воведување полициски час од 22 часот до 5 часот наутро, ограничување на личните контакти, затворање објекти за забава и спорт, како и затворање и ограничување на пристапот до многу продавници.