Контакт

Европа

Немате платено ниту евро, ние ви ги чуваме границите-Франција со потсетување до Велика Британија

Објавено пред

Францускиот министер за внатрешни работи Жералд Дарманен повика на поголема координација на Европската Унија за мигрантските прашања и го потсети Лондон да го исполни ветувањето во врска со финансирањето на борбата против илегалната миграција.

„Британската влада досега не платила ниту едно евро. Ги повикуваме Британците да ги исполнат своите финансиски ветувања бидејќи ние ја чуваме нивната граница“, рече францускиот министер, пренесуваат агенциите.

Дарманен истакна дека притисокот од мигрантите се вратил по ковид-пандемијата и дека Франција неодамна значително ги зголемила напорите да го спречи тоа.

Министерот рече дека француските поморски власти сега запираат 75% од бродовите со мигранти кои се обидуваат да го преминат Ламанш, но дека тие би можеле да постигнат 100% доколку Велика Британија ги обезбеди 63 -те милиони евра ветени на средбата со британскиот министер за внатрешни работи во јули.

На крајот на јули, Лондон се обврза и даде на Франција близу 63 милиони евра за периодот 2021-2022 година со цел да ја засили борбата против илегалната имиграција на брегот на Франција.

Дарманен, исто така, повика на поголема координација со другите земји на ЕУ за да се запре илегалната миграција, бидејќи, како што рече, половина од оние што се обидуваат да преминат од Франција во Британија пристигнуваат од Белгија и најави дека Париз ќе го разгледа прашањето од 1. јануари, кога ќе го преземе шестмесечно претседателство со ЕУ.

Европа

„Гринпис“: Да се забранат летовите за кои има железнички линии пократки од 6 часа

Објавено пред

Третина од најчестите летови во ЕУ може да се заменат со возење со воз, кое трае помалку од шест часа, а забраната за такви летови ќе заштеди 3,5 милиони тони јаглероден диоксид, објави денеска „Гринпис“.

Организацијата за заштита на животната средина во објавената студија повикува на радикална промена во начинот на кој патуваме.

Фреквенцијата на авиосообраќајот треба да се намали за да се ограничи глобалното затоплување на 1,5 Целзиусов степен, соопшти невладината организација повикувајќи на подобрување и зајакнување на железничкиот транспорт.

Летовите пократки од 1.500 километри сочинуваат четвртина од емисиите на европскиот воздушен сектор, наведува „Гринпис“ во студија изработена од тинк-тенкот OBC Transeuropa.

Од 150 лета на кратки релации, кои најчесто се користат во Европската Унија (со исклучок на летовите до островите), 51 имаат железничка алтернатива (34 отсто), а патувањето со воз трае помалку од шест часа.

Трите линии што најмногу се користат во Европската Унија се Париз – Тулуз, Париз – Ница и Атина – Солун.

Во студијата не е наведен процентот на патници што летаат на овие линии.

Во извештајот се наведува дека 21 авиолинија веќе имаат железничка алтернатива пократка од четири часа, а меѓу нив се и меѓународните линии Амстердам – Париз, Амстердам – Франкфурт, Брисел – Франкфурт и Париз – Франкфурт.

Повеќе од четвртина (27 отсто) од тие 150 најфреквентни летови имаат алтернатива со директниот ноќен воз во 2021 година, стои во истражувањето.

„Се емитува 10 пати повеќе јаглероден диоксид кога летате од Париз до Амстердам во споредба со патување со воз, а тоа патување трае помалку од 3 часа и 30 минути“, вели Сара Фајол, одговорна за транспортниот сектор во францускиот разгранок на „Гринпис“.

„Намалувањето на фреквенцијата на воздушниот сообраќај е неизбежен начин за постигнување на целите од Парискиот климатски договор и укинувањето на пократките летови е првиот чекор во таа насока“, се вели во соопштението.

Одлуката на Франција да ги забрани домашните воздушни летови доколку постои алтернатива со воз пократка од 2 часа и 30 минути е премногу ограничена, вели „Гринпис“.

Прикажи повеќе...

Европа

Рекордни бројки на новозаразени и починати во источна Европа

Објавено пред

Земјите од источна Европа бележат висок број на нови инфекции со коронавирус, при што Русија има рекорден број смртни случаи како последица на инфекцијата, а Бугарија најголем дневен пораст, со мал број вакцинирани, објави денеска агенцијата „Ројтерс“.

Русија, Бугарија, Чешка, Унгарија, Романија и Полска се тешко погодени од новиот бран на вирусот.

Русија денеска забележа 1.123 нови смртни случаи, најмногу во еден ден од почетокот на пандемијата, а властите одлучија да воведат мерки за делумно затворање.

За 24 часа има 36.582 нови случаи, од кои 5.789 во Москва.

Русија ќе има национално затворање во првата недела од ноември кога работниците нема да одат на работа. Москва таа мерка ја воведува веќе од утре. Ќе работат само основните услуги, како што се аптеки и супермаркети.

Бугарија забележа 6.813 нови случаи во последните 24 часа, што е рекорден дневен пораст во најмалку вакцинираната земја во ЕУ, покажуваат денешните податоци.

Починале 124 лица, така што вкупниот број на починати како последица од Ковид-19 сега изнесува 23.440.

Привремената бугарска влада наметна ковид-сертификати за влез во повеќето затворени простори за да се спречи ширењето на позаразната делта-варијанта и за да се поттикне вакцинацијата. Само четвртина од возрасните примиле барем една доза од вакцината во соседната земја.

Властите велат дека вакцинацијата, сепак, е забрзана откога ковид-сертификатот стана задолжителен минатиот четврток. Во последните 24 часа се употребени повеќе од 26.000 дози.

Сепак, многу Бугари остануваат скептични за вакцината поради недовербата во државните институции, дезинформациите и контрадикторните пораки од политичарите и експертите пред третите парламентарни избори закажани за оваа година на 14 ноември, пишува „Ројтерс“.

Чешка, земја со 10,7 милиони жители, денеска пријави најмногу нови случаи од април – 6.274, речиси двојно повеќе пред една недела.

И покрај ваквиот раст, бројот на заболени и хоспитализирани сè уште е под разгорот на заразата на почетокот на оваа и на крајот на минатата година.

Вакцинацијата во земјата се забрзува и 6,06 милиони луѓе сега се целосно вакцинирани.

Унгарија денеска забележа 3.125 нови случаи, исто така најмногу од април, а луѓето се повикуваат на вакцинација.

Иако и во таа земја бројките растат, сепак тие се помали во споредба со другите земји од централна и источна Европа, истакнува „Ројтерс“.

Романија е најтешко погодена од новиот бран на Ковид-19 и има една од највисоките стапки на смртност во светот.

Полска денеска има 8.361 нов случај на инфекција со коронавирус и 133 смртни случаи.

Од почетокот на пандемијата, во таа земја со приближно 38 милиони луѓе, речиси три милиони се заразени, а има 76.672 смртни случаја.

Прикажи повеќе...

Европа

Франција затвора уште седум џамии и здруженија за промовирање радикален исламизам

Објавено пред

Франција ќе затвори уште седум џамии и здруженија осомничени дека промовираат радикален исламизам до крајот на оваа година, објави министерот за внатрешни работи на земјата, Жералд Дарманин.

Дарманин ја поздрави одлуката за затворање на џамијата во градот Алон на шест месеци под обвинение за одбрана од радикалниот ислам, објавија агенциите.

Францускиот министер рече дека е запленета и банкарската сметка на управителот на џамијата додавајќи дека 13 здруженија се затворени во земјата откако претседателот Емануел Макрон ја презеде функцијата.

Истакнувајќи дека 92 од 2.500 џамии во земјата се затворени како резултат на инспекциите, Дарманин рече дека од септември 2020 година на 36.000 странци им се одземени дозволите за престој бидејќи тие лица го загрозуваат јавниот ред.

Уставниот совет на Франција во август оваа година го одобри контроверзниот закон за антисепаратизам, кој беше критикуван за маргинализирање на муслиманите.

Законот беше усвоен од Националното собрание во јули и покрај силното противење на пратениците од десницата и левицата.

Владата тврди дека законот има цел да го зајакне секуларниот систем на Франција, но критичарите велат дека тој ја ограничува верската слобода и ги маргинализира муслиманите.

Законот им дозволува на службениците да интервенираат во џамиите и здруженијата одговорни за нивната администрација, како и да ги контролираат финансиите на муслиманските здруженија и невладините организации.

Според законот, на пациентите им е забрането да избираат лекар врз основа на пол од верски или други причини, а секуларното образование стана задолжително за сите државни службеници.

Франција беше критикувана од меѓународни и невладини организации, особено од Обединетите нации, за маргинализирање на муслиманите.

Прикажи повеќе...

Најново

Свет1 час

Шпанија ќе им ги врати парите на граѓаните казнети за прекршување на карантинот

На сите шпански државјани што беа казнети поради прекршување на мерките за време на минатогодишното тримесечно заклучување ќе им бидат...

Македонија3 часа

(Видео) Петровска: Данела Арсовска има и бугарска лична карта

Данела Арсовска, освен бугарско државјанство, има и бугарска лична карта, издадена во 2017 година, тврди пратеничката од СДСМ, Славјанка Петровска....

Македонија3 часа

(Видео) „Името го добив по дедо ми Дане“ – Арсовска тврди дека не го менувала своето име и нема бугарско државјанство

Независната кандидатка за градоначалник на Скопје, поддржана од ВМРО-ДПМНЕ, Данела Арсовска, и денеска на прес-конференција ги негира обвинувањата дека поседува...

Македонија4 часа

Италија забрани туристички патувања за нашите државјани, Данска ги олесни ковид-правилата за влез

Со најновата одлука на италијанските власти Република Северна Македонија се преместува од листата Д во листата Е, со што не...

Свет5 часа

Два процента од богатството на Илон Маск ќе го реши гладот ​​во светот

Мала група исклучително богати поединци може да помогнат во справувањето со гладот ​​во светот само со мал дел од нивното...

Регион6 часа

САД размислуваат за укинување на визите за Бугарија

Бугарија е една од земјите за кои американскиот министер за внатрешна  безбедност, Алехандро Мајоркас, изјави дека САД размислуваат да ги...

Македонија6 часа

Бројот на заразени од коронавирус од почетокот на пандeмијата во Македонија надмина 200.000 лица

Вкупната бројка на ковид-дијагностицирани лица во нашата земја од почетокот на епидемијата веќе изнесува 200.412 по вчерашните потврдени нови 511...

Македонија7 часа

Заев: Куманово повторно ќе држи лекции, сочувајте го социјалдемократскиот дух на Куманово

„Куманово и на овие избори ќе одржи лекција по социјалдемократија по прогресивност и, секако, по обединување и ќе даде пример...

Свет7 часа

Вакцината на „Фајзер“ за деца од 5 до 11 години одобрена од експерти на американската агенција за лекови

Советодавниот одбор на американската Администрација за храна и лекови (ФДА), составен од реномирани американски здравствени експерти, ја одобри употребата на...

Македонија17 часа

Од 15 ноември во ресторани, молови и клубови со потврда за примени две дози вакцина

Владата донесе одлука со која се дозволува влез во секаков вид објекти од отворен и затворен тип, угостителските објекти (кафетерии,...

Македонија17 часа

Дозволено организирање настани во затворено до 50 проценти исполнетост

Владата на денешната редовна 115-та седница, на предлог на Комисијата за заразни болести донесе одлука со која се дозволува организирање...

Македонија18 часа

Шилегов: Во моментов Скопје работи на три најсложени инфраструктурни проекти во својата историја

Скопје по повеќе децении добива нов мост кој овозможува брза врска на најнаселената општина во Скопје, Аеродром, со Гази Баба,...

Македонија18 часа

(Видео) Мицкоски: Кај Шилегов единствено нешто што му се гледа повеќе од ароганцијата е стравот дека ќе загуби

Одговорот на Заев и Шилегов на дебаклот што им се случи во првиот круг од изборите било да донесат струмичка...

Свет18 часа

Меркел формално разрешена од должноста канцелар

Официјално заврши мандатот на Ангела Меркел како канцелар на Германија, а претседателот на Републиката Франк-Валтер Штајнмаер ѝ се заблагодари за...

Македонија20 часа

(Видео) Шилегов: Со брзата реакција на хероите на градот се спречи поголема материјална штета од пожарот

Денес имаше пожар кај старите бараки на Основен суд Скопје 1 и благодарение на брзата и навремена интервенција на противпожарната...

Македонија23 часа

Владата ја стопира изградбата на прифатниот центар за странци во Бардовци

Владата на денешната седница донесе одлука за стопирање на изградбата на прифатниот центар за странци во Бардовци и негово преместување...

Македонија1 ден

За една недела починале 124 лица од коронавирус, 97 од нив не биле вакцинирани

Во периодот од 15 до 21 октомври починале 124 пациенти од Ковид-19, од нив над 78 % биле невакцинирани. Од...

Македонија1 ден

Регистрирани 511 нови случаи на Ковид-19, пријавени 10 починати лица

Министерството за здравство информира, во согласност со податоците од Институтот за јавно здравје, дека во последните 24 часа направени се...

Економија1 ден

Бектеши: Нема зголемување на цената на струјата до крајот на годината

До крајот на годината ќе има доволно количина електрична енергија и сакам да ги уверам сите граѓани дека до крајот...

Македонија1 ден

Кај нас има 400 Авганистанци со привремен претстој, седуммина заминаа во Португалија

Северна Македонија во моментот им дава прибежиште на 400 граѓани од Авганистан, информираат од Владата. Oд таму додаваат дека Авганистанците...

Досие