Земјотрес со јачина од 4,5 степени според Рихтеровата скала ја погоди Австрија утрово во 8:30 часот.

Земјотресот е регистриран на подрачјето на Корушка, на длабочина од осум километри.

Map of felt reports received so far following the #earthquake M4.5 in Austria 41 min ago pic.twitter.com/S4W1LhSghd

— EMSC (@LastQuake) January 20, 2021

Можни се мали оштетувања на некои згради, но засега нема информации за штетите.

Во последните 24 часа во Италија, 377 лица починаа од Ковид-19, а регистрирани се речиси 9.000 новозаразени со коронавирус.

Координаторот на владиниот научно-технички комитет, Агостино Миоко, тврди дека епидемиолошката состојба во Италија е под контрола, а карантинот што беше на сила во земјата за време на изминатите празници беше добар потег.

„Толку мал број новозаразени, 24 проценти помалку за една недела во споредба со претходната, не е забележан од октомври. Сепак, треба да се нагласи дека имунитетот на општеството ќе се воспостави само со масовна вакцинација“, рече Миоко.

Во моментот, вкупниот број на заразени лица во Италија е 547 илјади, од кои 20 илјади се во болница, а останатите се во домашна изолација.

Германската канцеларка Ангела Меркел сака да ги продолжи мерките за затворање поради епидемијата на коронавирусот до 15 февруари, објави германскиот весник „Билд“.

Весникот се повикува на нацрт-одлуката на Владата на Германија во извештајот.

Меркел денеска ќе се сретне со премиерите на покраините, а за време на состанокот ќе разговараат за можното продолжување на строгите мерки, во рамките на кои се затворени училиштата и повеќето продавници.

Се очекува Меркел да разговара за дополнителни мерки со премиерите.