Германската канцеларка Ангела Меркел изјави дека е силно емотивно погодена од големиот број смртни случаи во домовите за стари лица, за време на пандемијата од коронавирусот.

„Срцето ми се крши кога ќе видам колку луѓе… починаа таму во самотија“, изјави Меркел пред новинарите во Берлин. „Емотивно гледно, мене тоа ми падна многу тешко“, призна таа.

Бројот на смртни случаи во пандемијата во Германија е зголемен за три пати од почетокот на декември, искачувајќи се на речиси 50.000 смртни случаи, поврзани со инфекција од коронавирус.

Вториот бран на пандемијата од Ковид-19 особено ги погоди домовите за стари лица.

Канцеларката исто така ја бранеше одлуката на Германија да се приклучи на заедничката иницијатива за набавка на вакцини во Европската Унија и ги отфрли тврдењата дека нејзината земја не обезбедила доволно вакцини за свои потреби.

Меркел им изјави на новинарите дека би било навистина многу ужасно доколку Германија почнела со вакцинирање додека другите, економски послаби земји, само стојат отстрана и чекаат.

Најмалку 15 лица загинаа, а пет се повредени во пожар во приватен дом за стари лица во источниот украински град Харков, соопштија денеска службите за итни случаи. Деветмина луѓе успеале да се спасат.

Пожарот избувнал на вториот кат од двокатната зграда во 15:03 часот по локално време. Во објектот имало 33 лица, соопштија службите.

BREAKING – At least 15 people were killed and five injured in a fire in a nursing home in the town of #Kharkiv in eastern #Ukraine

Follow @newsistaan pic.twitter.com/hhCcgCy3Zw

— Newsistaan (@newsistaan) January 21, 2021

На фотографиите се гледа дека зградата има решетки на прозорците на првиот кат.

Пожарот бил изгаснат во 16:14 часот, а во гаснењето учествувале 28 пожарникари.

Украинскиот претседател Володимир Зеленски побара од министерот за внатрешни работи да отвори истрага за инцидентот.

Унгарската агенција за лекови даде прелиминарно одобрување за употреба на вакцините против коронавирусот на „Астра зенека“ и руската „спутник В“, изјави денеска Ѓерѓ Гулијаш, шеф на кабинетот на премиерот Виктор Орбан, потврдувајќи ги извештаите во медиумите.

Според него, унгарскиот министер за надворешни работи, Петер Сијарто, подоцна денес ќе отпатува за Москва да разговара за вакцината против коронавирусот.

Доколку обезбеди договор за пратка со Русија, Унгарија ќе биде првата земја членка на ЕУ што ќе ја добие вакцината „спутник В“ иако Европската агенција за лекови сè уште не ја одобрила руската вакцина.