Контакт

Европа

Фијон порача дека не се откажува, анкетите покажуваат дека Жипе би влегол во вториот круг

Објавено пред


 Мислат дека сум сам, но вие никогаш нема да се откажете, порача во неделата попладнето кандидатот на конзервативците на претстојните претседателски избори поранешниот премиер 63-годишниот Франсоа Фион, поздравен од повеќе илјади приврзаници во Париз, додека истовремено анкетите укажуваат дека неговиот противкандидат на партиските предизбори поранешен премиер и шеф на дипломатијата 71-годишниот Ален Жипе би влегол во вториот изборен круг.

 

„Мислам дека сум сам, сакаат да бидам сам, ви благодарам што дојдовте и покрај лошите временски услови, карикатурите а понекогаш и навреди“, изјави Франсоа Фијон на собирот одржан по силен дожд на кој сепак не вети дека ќе продолжи да се бори, пренесува AFP.

Овој „голем народен собир“ организиран во близина на париската знаменитост Ајфеловата кула, сепак, за аналитичарите изгледа како еден од последните обиди на Фијон да одговори на оние кои го бараат неговото повлекување поради скандалот за лажно вработување на својата сопруга Пенелопа и нивните две деца, за работи кои не ги вршеле, наводно злоупотребувајќи пари на даночните обврзници.

„Ви должам извинувања, па и извинување што морам да ја бранам својата чест и честа на мојата сопруга, а вам, како и на мене, најважно е да ја браниме нашата земја“, изјави конзервативниот кандидат кој се соочува со повлекување на поддршката во неговиот табор, 49 дена пред одржување на првиот круг од претседателските избори.

„Верувајте дека добри знам за што сум одговорен во ова искушение. Освен предавството, правосудниот календар и кампањата на валкање, оваа програма за којашто се залагам, на која ѝ верувам, на којашто ѝ верувате, наидува на големи пречки“, додаде Фијон признавајќи дека сторил „грешки“.

„Ја преиспитав својата совест“, рече Фијон повторувајќи дека критичарите нема да го принудат да се повлече.

„Фијон држи се, потребен си ѝ на Франција“, извикуваа според извештаите илјадници негови приврзаници, но нема процени колку луѓе присуствувале на овој собир.

Според досегашните анкети Фијон кој важеше за фаворит за конечниот исход до крајот на јануари, би испаднал уште во првиот круг на 23-ти април, додека во вториот круг би влегле кандидатката на крајната десница Марин Лепен и левиот центрист Емануел Макрон.

Истражувањето на јавното мнение објавено во неделата, пак, направено од институтот Kantar Sofres-Onepoint спроведено меѓу 2-ри и 4-ти март на примерок 1.027 испитаници, додека растат притисоците врз Фијон од неговата партија да се повлече од трката а на негово место да се кандидира Жипе.

Анкетата покажува дека Фијон добива само 17 отсто од гласовите, 3-процентни поени помалку отколку во анкетата од февруари, што е резултат кој го исклучува од вториот круг, во кој би се пласирале Лепен со 26 отсто и Макрон со 25 отсто од гласовите.

Меѓутоа, според сценариото со коешто Жипе би го заземал местото на Фијон, тој со 24,5 отсто би го истиснал Макрон од вториот круг кој во тој случај би освоил само 20 отсто, додека Лепен би се пласирала со 27 отсто.

Поранешниот премиер Алан Жипе, кој беше надмоќно победен од Франсоа Фијон во вториот круг од предизборите во партијата Републиканци односно на десницата и центарот во ноември 2016 година, истакна дека нема да „јуриша“, освен доколку „Фијон самиот не се повлече“.

Извори од партијата во неделата за медиумите изјавија дека раководството на партијата би можело да го повика фијон да се повлече а да го замени Жипе, особено по средбата на вториот во саботата вечерта со поранешниот претседател Николас Саркози кој го поддржа Фијон по првиот круг на предизборите.  Пратеникот Жан Леонети потврди за медиумите дека во текот на неделата попладнето дека еден од предисловите за „преземање“ на кандидатурата е да ја поддржи Фијон, како и целата партија да застане зад него./крај/мф/сн

Европа

Британија планира да ги забрани пластичните сламки и лажички

Објавено пред

Од

Британската премиерка, Тереза ​​Меј, објави дека Велика Британија планира да ја забрани продажбата на пластични сламки, пластични лажици и пластични стапчиња за уши и воедно ги повика и другите лидери на Комонвелтот да се приклучат во борбата против пластиката и загадувањето на околината.

Вакиот британски план е дел од поширока стратегија насочена кон намалување на загадувањето на животната средина. Во согласност со предлогот на министрите, за идејата ќе се дискутира со претставници од бизис-светот на кои ќе им се даде доволно време да се прилагодат на новите правила.

Резултатите од една неодамнешна анкета покажале дека во Велика Британија секоја година се фрлаат околу 8,5 милијарди пластични сламки.

Меј рече дека владата ќе понуди финансиски средства за истражување и помош во износ од околу 61,4 милиони фунти со цел на земјите од целиот Комонвелт да им се помогне да го спречат фрлањето на штетен пластичен отпад во океаните.

„Британската јавност се покажа како многу кооперативна во врска со мерките за штетноста од пластичниот отпад, па тоа ни дава мотив денес да размислуваме за уште поамбициозни планови за намалување отпадот од пластика, како што е отстранувањето од употреба на пластичните сламки, лажици и чепкалки за уши“, рече Меј.

Секретарот за заштита на животната средина, Мајкл Гов, рече дека голем број британски трговци на мало, пабови и компании веќе работат заедно за да се заштити животната средина за идните генерации. Годишно во океаните завршуваат повеќе од 150 милиони тони пластичен отпад, што резултира со угинување на околу еден милион птици и 100.000 морски животни.

Прикажи повеќе...

Европа

Европарламент: Преку вакцините годишно се спречуваат 2,5 милиони смртни случаи

Објавено пред

Од

Опаѓањето на јавната доверба во вакцините е голем предизвик кој веќе влијае на здравјето, предупредија членовите на Европскиот парламент во резолуцијата усвоена денеска на пленарната седница во Стразбур.

Епидемиолошките податоци од земјите членки на ЕУ покажуваат значителни недостатоци во степенот на прифаќање на вакцините, односно стапка на недоволна вакцинација, се предупредува во резолуцијата.

Зголемениот отпор кон вакцинацијата од страна на луѓето доведе до зачестена појава на сипаници, а поради тоа зголемени се и смртните случаи во неколку европски земји.

Пратениците истакнаа дека вакцините во денешно време се подложени на ригорозни тестирања, со повеќе фази на испитувања. Исто така европскиот парламент ја повика Комисијата да продолжи да ја зајакнува својата поддршка за националните системи за вакцинација со цел да се зголеми свеста кај јавноста.

Европарламентарците повикаа и на дијалог со граѓанското општество со цел да се потиснат нерелевантните, погрешни и научно неприфатени информации за вакцинацијата.

ЕП побара и поголема транспарентност во производството на вакцини и во финансирањето на независните истражувања за можните несакани ефекти од вакцината, со цел да се придонесе за враќање на довербата во програмите за вакцинација.

Според објавените податоци, благодарение на вакцинацијата, на годишно ниво се спречуваат околу 2,5 милиони смртни случаи во светот, а се намалуваат и трошоците за лекување на одредени болести, вклучувајќи ги и третманите со антибиотици.

„Од 2008 до 2015 година во Европа имало 215 илјади случаи на болести кои можат да се спречат со вакцинација, притоа не сметајќи го грипот. Ова за жал, не е чудно доколку се знае дека скептицизмот кон вакцинација во Европа е меѓу највисоките во светот. Здравствената заштита е во одделна надлежност на земјите на ЕУ, но кажете им го тоа на вирусите и бактериите. Тие уживаат слобода во движењето во рамките на ЕУ и шенгенот за нив не значи ништо. Токму затоа ЕУ треба повеќе да се ангажира во врска со ова прашање“, оцени хрватската европарламентарка Билјана Борзан, чии амандмани беа вклучени во резолуцијата.

Прикажи повеќе...

Европа

Макрон во Берлин бара поддршка од Меркел

Објавено пред

Од

Францускиот претседател Емануел Макрон денеска стигна во Берлин на разговори со германската канцеларка Ангела Меркал, со цел од неа да добие поддршка за неговите амбициозни планови за реформи на Европската Унија.

Според информациите, овој состанок е последна можност за Меркел и Макрон за расправа за ставот на Европа кон сириската криза и судбината на нуклеарниот договор со Иран пред двајцата лидери да одат во Вашингтон следната недела на одделни средби со американскиот претседател Доналд Трамп.

Францускиот претседател пред два дена ги повика Европејците да се спротивстават на растечкиот авторитаризам и да ја обноват својата посветеност кон демократијата.

Прикажи повеќе...

Најново

Македонија6 часа

ЕЛЕМ: Децата на Грчев и Џафери се ангажирани оти имаа исклучителни биографии

По вработувањето на Димитар Грчев, син на архитектот Мирослав Грчев, и Бесијана Џафери, ќерка на собранискиот спикер Талат Џафери, од ЕЛЕМ за „Макфакс“...

Македонија9 часа

Мицкоски појадуваше со Могерини – „Постои сомнеж дека власта е вмешана во криминал“

Претседателот на ВМРО-ДПМНЕ, Христијан Мицкоски, денеска оствари работен појадок со високата претставничка на ЕУ за надворешна политика и безбедност, Федерика Могерини,...

Македонија10 часа

Судењето за „Насилство во Центар“ одложено за 1 јуни

Судењето за предметот „Насилство во Центар“ е прекинато и одложено за 1 јуни поради неможноста на претседателот на кривичниот суд,...

Регион10 часа

Харадинај побара од Хан визна либерализација за Косово

Косовскиот премиер, Рамуш Харадинај, побара од Европскиот комесар за проширување и добрососедство, Јоханес Хан, да ја вклучи Приштина во европскиот...

Македонија10 часа

Могерини: Да се продлабочат реформите за да има позитивни вести во јуни

Високата претставничка на Европската Унија за надворешна политика, Федерика Могерини, во обраќањето пред пратениците во Собранието забележа дека треба да...

Македонија11 час

Кривична пријава за основките што претепаа соученичка во Неготино

Полицијата поднесе кривична пријава за насилство против трите ученички во основното училиште „Гоце Делчев“ во Неготино, кои истепаа своја соученичка....

Свет11 час

Трамп: Никој не е поостар од мене кон Русија

Американскиот претседател Доналд Трамп изјави дека никоја не е остар кон Русија како што е тој и порача дека на...

Македонија1 ден

(Фото) Премиерите од Западен Балкан вечераа во Скопје

Претседателот на Владата на Република Македонија, Зоран Заев, и високата претставничка за надворешни работи и безбедносна политика на ЕУ и...

Македонија1 ден

(Видео) Могерини: Може да славите половина ден, а потоа да се вратите на работа

Се вративте назад на патеката. Може да славите половина ден, а потоа да се вратите на работа. Ова го порача високата...

Македонија1 ден

(Видео) Заев: Препораката со години беше условена поради кризата и назадувањето со реформите

Македонските граѓани заслужуваат да бидат дел од Европската Унија, порача претседателот на Владата, Зоран Заев, на заедничката прес-конференција со високата...

Македонија1 ден

(Видео) ВМРО-ДПМНЕ: Позитивниот извештај од Европската комисија не е новина

„Корупцијата останува распространета во многу области и продолжува да претставува сериозен проблем. Политичкото мешање останува ризик“. „Се крие опсегот на...

Македонија1 ден

(Видео) Ахмети: Јас не сум препродавач на Бит-пазар за да давам или земам министерства

Јас не сум препродавач на Бит-пазар за да давам или земам министерства, вели Али Ахмети, одговарајќи на прашање дали ќе...

Македонија1 ден

На Јанкулоска ќе ѝ се суди одвоено за „Тенк“ поради потврдата за ризична бременост

На поранешната министерка за внатрешни работи, Гордана Јанкулоска, ќе ѝ се суди одвоено за случајот „Тенк“, кој се однесува на...

Свет1 ден

Директорот на ЦИА се сретнал со Ким Џонг-ун

Директорот на ЦИА, Мајк Помпео, отпатувал за Пјонгјанг на таен состанок со севернокорејскиот лидер Ким Џонг-ун, пренесуваат американските медиуми. Според...

Македонија1 ден

(Видео) Заев: Датум за почеток на преговорите во јуни е нашата следна цел

Безусловната препорака од Европската комисија е мотив за следната цел, а тоа е одлука за почеток на преговорите со Европската...

Македонија1 ден

Уапсен Фејзи Азири обвинет во случајот „Монструм”

Фејзи Азири, кој е еден од обвинетите во случајот „Монструм“, вчера бил пронајден и уапсен со правосилна судска пресуда за...

Македонија1 ден

(Видео) Хан: Македонија се врати на европскиот пат, но има уште многу да се работи

Македонија се врати на европскиот пат, но има уште многу да се работи, изјави еврокомесарот Јоханес Хан на заедничката прес-конференција...

Македонија1 ден

Во кривичниот суд продолжуваат судењата за „Тенк“ и „Тарифа“

Во кривичниот суд денеска се очекува да продолжат судењата за предметите „Тенк“ и „Тарифа“ на специјалното јавно обвинителство. Во денешното...

Македонија2 дена

Откриени 38 мигранти во комбе кај тунелите кај Демир Капија

Триесет и осум мигранти биле откриени вчера на регионалниот пат Гевгелија-Скопје во товарно моторно возило „форд транзит“ во близина на базата...

Македонија2 дена

Хан и Могерини денеска во Скопје

Денеска во официјална посета на Република Македонија пристигнува делегација на Европската Унија предводена од комесарот за европска соседска политика и...

Досие