Европа
Флери: Швајцарија разгледува можност да го затвори воздушниот простор за време на самитот меѓу Путин и Бајден

Швајцарија ја разгледува можноста за затворање на воздушниот простор над Женева за време на самитот на рускиот и американскиот претседател, Владимир Путин и Џозеф Бајден.
Ова денеска го изјави портпаролот на швајцарското Министерство за одбрана, Миреј Флери.
„Можно е воздушниот простор да биде затворен и следен. Засега конечната одлука за ова прашање сè уште не е донесена“, рече Флери додавајќи дека подготовките продолжуваат.
Покрај затворањето на воздушниот простор, се разгледуваат и мерките за распоредување дополнителни сили за противвоздушна одбрана, како и борбени авиони, со цел поголема безбедност на претседателите.
Предвидено е Путин и Бајден да се состанат во Женева на 16 јуни, што ќе биде прва руско-американска средба по онаа на Доналд Трамп во Хелсинки во јули 2018 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Лавров по посетата на Африка: Русија останува посветена на извозот на храна во сиромашните земји

Рускиот министер за надворешни работи, Сергеј Лавров по посетата на Еритреја потврди дека Москва останува посветена на извозот на храна во сиромашните африкански земји, соопшти денеска руското Министерство за надворешни работи.
„Лавров ја потврди цврстата посветеност на Русија во исполнувањето на обврските во однос на испораката на клучните прехранбени производи за африканските земји, вклучително и пакетите помош од договорите потпишани со посредство на ОН“ – се наведува во соопштението на министерството, пренесува ТАСС.
Европа
Путин: Русија е категорично против заборавање на нацистичките злосторства

Рускиот претседател Владимир Путин денеска, во пресрет на Меѓународниот ден на сеќавање на холокаустот, изјави дека Русија категорично се противи на заборавањето на нацистичките злосторства и спроведува политика која гарантира злосторствата како Холокаустот да не се повторат.
„Русија е категорично против заборавање на злосторствата од овој тип, кои немаат застареност“, рече Путин, а пренесува РИА Новости.
Тој нагласи дека Москва води таква политика која гарантира дека никогаш повеќе нема да се случи ништо слично во историјата на човештвото.
Меѓународниот ден на сеќавање на холокаустот се одбележува утре, на денот кога советските војници го ослободија нацистичкиот камп Аушвиц, каде беа убиени 1,1 милион луѓе, соопшти агенцијата.
Европа
Европската комисија ги тужи Бугарија и Словачка

Европската комисија објави дека одлучила да ги тужи Бугарија и Словачка за нетранспонирање на Директивата на ЕУ за обновлива енергија во националното законодавство.
Во соопштението се наведува дека Комисијата ја тужела и Унгарија поради ограничување на извозот на градежни материјали.
Комисијата ја тужеше Ирска за нетранспонирање на Рамковната директива за води во националното законодавство, пренесе „Танјуг“.