Европа
Франција повторно се отвора за странски државјани, услов е вакцинација или ПЦР тест против Ковид-19

Европјаните кои се вакцинирани против коронавирусот и сакаат да ја посетат Франција како туристи ќе можат да влезат во оваа земја од 9 јуни, без обврска да покажат негативен ПЦР тест, објави францускиот министер за транспорт.
Земјата, која генерираше големи приходи со децении, благодарение на туризмот, по паузата што траеше 15 месеци, има план да го започне туризмот со странци. Во овој поглед, ќе бидат укинати условите за влез во врска со тестирањето за Европејците кои биле целосно вакцинирани. Исто така, ќе им биде овозможено на вакцинираните туристи од повеќето други делови на светот да ја посетат земјата, иако за нив е потребен негативен ПЦР тест.
Кодираниот модел со бои во Франција се користи за класифицирање на земји на чии граѓани ќе им биде дозволен или нема да им биде дозволен влез во земјата, пренесува Травелпулс.
Земјите обележани со зелена боја не покажуваат активно ширење на зараза или појава на новите видови на коронавирус кои предизвикуваат загриженост. Освен Австралија и Јужна Кореја, во оваа група во моментов спаѓаат Израел, Јапонија, Либан, Сингапур и Нов Зеланд.
Портокаловите бои укажуваат на земји во кои е забележан активен пренос на заразата, но во контролиран обем. Не е пријавено ширење на загрижувачки видови на инфекција во овие земји. Повеќето земји во светот припаѓаат на оваа група.
Категоријата земји обележани со црвена боја ги вклучува оние во кои е забележана активна циркулација на вирусот и присуство на нови видови. Во групата се Бразил, Аргентина, Бангладеш, Бахреин, Индија, Чиле, Костарика, Уругвај, Колумбија, Боливија, Непал, Уругвај, Шри Ланка, Турција, Јужна Африка, Пакистан и Суринам.
Сите оние кои се правилно вакцинирани и доаѓаат од „зелени“ земји, веќе немаат обврска да одат во карантин или да бидат тестирани при влегувањето во земјата. Ако не се вакцинирани, тие мора да направат ПЦР или тест за антиген, не постар од 72 часа, а исто така не мора да бидат ставени во карантин.
Посетителите од „портокаловите“ земји не мора да бидат ставени во карантин, ниту пак треба да се правдаат зошто сакаат да влезат во земјата. Но, без оглед на тоа дали се вакцинирани или не, тие мора да имаат или негативен ПЦР тест не постар од 72 часа или тест за антиген не постар од 48 часа. Исто така, за невакцинираните жители на земјите од таа група, се применува обврската за седумдневна самоизолација.
На сите оние кои доаѓаат од „црвените“ земји, дури и оние кои биле вакцинирани, им е забрането да влегуваат во Франција, освен ако не ја наведат „неопходната причина“ за посетата, не достават негативен ПЦР или тест за антиген направен во рок од 48 часа по пристигнувањето и се придржуваат на обврската за седумдневен карантин ако биле вакцинирани или карантин за 10 дена ако не биле вакцинирани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Сменет украинскиот министер за одбрана

Олексеј Резников повеќе не е министер за одбрана на Украина. Како што соопшти вечерва АФП, на негово место ќе дојде поранешниот директор на воената разузнавачка агенција Кирило Буданов.
#BREAKING Ukraine's Defence Minister Reznikov to be replaced by head of military intelligence Budanov pic.twitter.com/Qq3ggxSPK2
— AFP News Agency (@AFP) February 5, 2023
За потсетување, украинските медиуми денеска објавија дека украинскиот министер за одбрана Олексеј Резников наскоро ќе мора да ја напушти функцијата, а со министерството најверојатно ќе раководи Кирило Буданов, шеф на Разузнавачката служба на Украина, пренесе Индекс.хр.
Европа
„Туркиш ерлајнс“ откажа над 200 летови од и до аеродромот во Истанбул

Турската национална авиокомпанија Туркиш ерлајнс соопшти дека вкупно 238 летови, планирани за денеска и утре во Истанбул, се откажани поради предвиденото невреме, придружено со снежни врнежи.
Во соопштението се наведува дека одлуките за откажување се донесени во согласност со заклучокот на Метеоролошкиот комитет за вонредни состојби (МАДКОМ), а граѓаните се предупредуваат да го проверат статусот на нивните летови пред да пристигнат на аеродромот, пишува истанбулскиот весник „Дејли Сабах“.
„Поради очекуваните врнежи од снег во Истанбул и според одлуката на МАДКОМ, летовите од аеродромот во Истанбул се откажани на 5 и 6 февруари. Откажани се вкупно 238 летови до и од аеродромот во Истанбул – 72 домашни и 166 меѓународни. Можно е дека ќе се зголеми бројот на откажани летови“, се наведува во соопштението, пренесе Б92.
Европа
Шолц: Путин никогаш не ми се заканувал ниту мене ниту на Германија

Германскиот канцелар Олаф Шолц изјави дека рускиот претседател Владимир Путин не му се заканувал на него ниту на Германија во нивните телефонски разговори, пренесува денеска германскиот весник „Билд ам Зонтаг“.
Последен пат разговарале на телефон на почетокот на декември, пренесува Ал Џезира.
Шолц, исто така, рече дека јасно му кажал на Путин дека има многу различни ставови за војната во Украина.
„Јасно му ставам до знаење на Путин дека Русија е одговорна за војната. „Русија го нападна својот сосед без причина за да стави под своја контрола делови од Украина или целата земја“, рече Шолц.
Тој додаде дека Германија смета дека рускиот напад ја прекршил европската мировна рамка и дека Берлин обезбедува финансиска, хуманитарна и воена помош за Украина.
Има договор со украинскиот претседател Володимир Зеленски дека оружјето што го испорачува Запад може да се користи само на украинска, а не на руска територија, нагласи Шолц,пренесе Денес.рс.