Европа
Британската влада наскоро со „јасен“ закон за Брегзит
Британската влада во следните неколку дена ќе претстави „јасен“ закон за да побара одобрување од парламентот за покренување на постапката за излегување од Европската унија, изјави во вторникот Дејвид Дејвис, министер за британското излегување од ЕУ.
Претходно во вторникот британскиот Врховен суд пресуди дека премиерката Тереза Меј мора да добие одобрување од парламентот пред да го започне процесот на формално излегување на Обединетото Кралство од Европската унија, а владата, иако разочарана, кусо соопшти дека ќе ја прифати донесената одлука.
На оваа највисока британска судска истанца, отфрлени беа, меѓутоа, аргументите дека парламентите во Северна Ирска и Шкотска, каде што гласачите во мнозинство гласаа за останување во ЕУ, како и во Велс каде што заедно со Англија всушност ја донесоа разликата во позла на излегувањето, би требало да дадат своја согласност за активирањето на членот 50 од Лисабонскиот договор со кој се регулираат условите за истапување од блокот.
„За неколку дена ќе донесеме закон за владата да добие правна основа и да го активира членот 50. Тоа ќе биде најјасниот можен закон со кој ќе се спроведе одлуката на народот и со кој ќе се испочитува одлуката на Врховниот суд“, изјави Дејвис.
Премиерката Меј во повеќе наврати изјави дека членот 50 ќе го активира до крајот на март, но сега прво мора да бара согласност од законодавците. Тоа нејзината намера би можело да ја забави или промени, иако опозициската Лабуристичка партија порача дека нема да го забавува нејзиниот распоред.
Лабуристите соопштија дека Врховниот суд во вторникот ја натерал владата да го прифати суверенитетот на парламентот, но дека го прифаќаат исходот од референдумот одржан на 23-ти јуни 2016 година.
„Лабуристичката партија го почитува исходот од референдумот и волјата на британските гласачи и нема да го попречува активирањето на членот 50“, изјави челникот на лабуристите Џереми Корбин.
Порача, меѓутоа, дека лабуристите измена на предлог законот за членот 50, за да бидат попречени конзервативците да го искористат Брегзитот и да ја претворат Велика Британија во багателно даночно засолниште на спротивниот брег од европскиот континент.
„Лабуристите од владата бараат план кој ќе гарантира дека владата е договорна пред парламентот во текот на целата постапка на преговарањето, исто така, бара и смислено гласање за да се гарантира дека конечниот договор ќе добие потврда во парламентот“, одаде Корбин.
Минатата седмица Меј ја престави својата преговарачка рамка, ветувајќи „чисто“ разијдување од најголемиот светски трговски блок. Во планот кој содржи 12 точки и кој го отвори патот кон ткн „тврд Брегзит“, главниот фокус е ставен на глобалните договори за слободната трговија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Автобус повторно се преврте на автопат во Германија, патниците биле средношколци
Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа. Во сообраќајката се повредени над 20 лица, извести полицијата синоќа.
Да потсетиме, ден претходно слична несреќа се случи во Германија кога автобус на „Фликсбас“ се преврте на автопатот во близина на градот Лајпциг на истокот од земјата. Во таа несреќа загинаа четири лица, а над 20 се повредени.
Автобусот излетал од патот и се превртел на страна во близина на градот Верл, 100 километри источно од Дизелдорф. Целосно е затворен делот од 20 километри од автопатот А44 од излезот Уна Ост до Верл во правец на Касел. На местото на несреќата пристигнале полицајци, пожарникари и спасувачки хеликоптер.
Полицијата првично соопшти дека 21 лице е полесно повредено, а едно е тешко. Подоцна, тие ја ревидираат бројката на 20 полесно повредени и еден тешко повреден. Портпаролот на полицијата изјави дека автобусот превезувал ученици од стручно училиште во Варбург кои се враќале од патување во Англија.
Се уште не е јасна причината за несреќата. Полицијата соопшти дека никој не е во животна опасност и дека во несреќата не учествувале други возила. Несреќата се случи само еден ден откако четири лица загинаа во автобуска несреќа во близина на Лајпциг во источна Германија.
Европа
Украина се обидува да ја убеди Индија да застане на страната на Киев, а не на Москва
Украинскиот министер за надворешни работи Дмитро Кулеба ја повика Индија да застане со Киев, велејќи дека блиските врски на Индија со Русија се засноваат на избледеното советско наследство, објави денеска Фајненшл тајмс.
Кулеба вчера пристигна во Њу Делхи со цел да ги зајакне врските со Индија, како и да ја промовира визијата на Киев за пат кон мирот во Украина.
Според Ројтерс, Индија традиционално има блиски економски и одбранбени врски со Москва и се воздржува да ја критикува Русија поради нејзината инвазија на Украина. Згора на тоа, купувањето на руска нафта од Индија е на рекордно ниво во последно време.
Кулеба рече дека Индија има многу да добие од проширувањето на трговските и технолошките врски со Украина, поставувајќи го прашањето за улогата на индиските компании во повоената обнова на Украина.
Украина сака да ја „врати трговијата“ со Индија, во форма на извоз на земјоделски производи како што е сончогледовото масло, а самата сака да купи повеќе индиски стоки. „Ние сме заинтересирани да увеземе дел од тешката машинерија што ја произведува Индија“, рече Кулеба.
Украина се надева дека во наредните месеци ќе одржи самит на светските лидери без учество на Русија, со цел да го промовира и зајакне својот план за мир, кој меѓу другото повикува на повлекување на руските трупи од нејзината територија.
Русија ја отфрли таа украинска дипломатска иницијатива.
Европа
Лавров: Украинскиот план е бесмислен, вклучува повлекување на нашата армија од освоените територии
Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на неприфатливи идеи како што е повлекувањето на Москва од териториите што ги окупирала.
Во интервју за московскиот весник „Известија“, Лавров рече дека мировниот самит предложен од Украина нема да успее додека не се променат неговите основни постулати, вклучително и тоа дека на него треба да биде дозволено учество на Русија.
„Во секој случај, ние сме подготвени да разговараме, но не врз основа на „мирната формула“ на Зеленски“, рече Лавров.
Тој, исто така, се прашуваше како некој сериозен политичар во Вашингтон, Брисел, Лондон, Париз или Берлин „може да каже дека нема алтернатива за формулата на Зеленски“.
Лавров ги отфрли како неприфатливи одредбите од украинскиот мировен план, со кои, меѓу другото, се бара Русија да се повлече од териториите што ги окупираше, вклучувајќи го и Крим, анектиран во 2014 година.
Украинскиот претседател Володимир Зеленски отфрла каква било помисла за преговори со Москва на која било основа освен мировен план, забележува Ројтерс.
Лавров рече дека се сретнал со официјални претставници и дипломати од Швајцарија кои го увериле дека мировниот самит, на кој Берн се согласи да биде домаќин, ќе ја вклучи Русија и ќе се одржи под „реални услови“.
„Ние разбираме дека ништо не може да се реши без вас, тоа е неправедно“, ги цитира Лавров зборовите на швајцарските претставници.