Европа
(ВИДЕО+ФОТО) Лукашенко: Провокаторите во Белорусија се спонзорирани од американски и германски фондови
Претседателот на Белорусија Александар Лукашенко изјави дека американски и германски фондови одвојуваат пари за провокациите во неговата земја. Од прес-службата на претседателот истакнаа дека финансирањето на соодветната незаконска активност “генерално е изработена во Литванија и Полска”.
Лукашенко посочи дека оние луѓе кои излегоа на протести, „сакале да си решат свои прашања“.
Претходно беше соопштено дека Комитетот за државна безбедност на Белорусија поднесол кривични пријави против 26 приведени лица во врска со обука и подготовка за учество во масовни немири. Специјалните служби не ја исклучуваат можноста дека кај активистите имало оружје кое би можело да биде искористено во протестните маршеви кои беа одржани на 25 март.
Покрај тоа, службите располагаат и со информации дека провокаторите планирале пристигнување на криминалци од Украина. Утврдено е дека приведените се “активисти на младински организации” , кои се тесно поврзани со Уна-УНСО.
Според белоруските медиуми, уапсени се 26 лица. Сите се “активисти” на белоруското младинско националистичко обединување “Бела легија” на чело со Мирослав Лозовски, како и на “Младинскиот фронт” на чело со Дмитриј Дашкевич.
“Во случајот со” Белата легија “имаме дело со професионално подготвени бандити на возраст меѓу 23 и 43 години”, вели извор од силите за безбедност на Белорусија, цитиран во понеделникот од агенцијата БелТА.
Претходно вработените во силите за безбедност уапсија неколку десетици учесници во „незаконска акција на опозицијата, посветена на т.н. Ден на волјата„. Се збележува дека целта била блокирање булеварот во центарот на главниот град Минск.крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.