Европа
(Видео) Големи пожари во Грција, силните ветрови го шират огнот, населението се евакуира
Во грчката област Атика беснее голем пожар, а гори и во Евија, Илија и Месинија.
Утрово, во раните утрински часови, жителите на Капандрити, Полидендрија и областите Агиос Стефанос, Пефкофито и на населбата Понтија добиле порака да ги напуштат своите домови, пренесува грчки „Етнос“.
Во четвртокот, околу 23 часот, жителите почнаа да ги напуштаат Агиос Стефанос, Капандрити и Полидендри.
Сите напори се оперативно насочени да се спречи ширењето кон високонапонскиот центар во Агиос Стефанос, кој, како што пренесуваат медиумите, е загрозен и кој ги снабдува Атика и Кикладите со електрична енергија. Според пишувањата, доколку огнот го зафати овој центар, тоа би значело непроценлива катастрофа.
Како што нагласи премиерот на Грција, Мицотакис, во своето итно обраќање, „тешкотиите се пред нас и ноќта е закана“, а во исто време објави прогласување вонредна состојба во шест региони, вклучувајќи ја и Атика.
Непосредно пред полноќ почна евакуацијата со брод на жителите на загрозените села во Евија.
Големиот пожар што гори во Евија од вторникот сѐ уште не е под контрола, а според последните информации, пламенот стигнува до селата Скепасти и Куркули. Агонијата трае и во селата Амелантес и Керамеја.
Градоначалникот Мантуди рече дека 25 села се евакуирани и дека огнот гори веќе три дена. Како што беше речено, сите села свртени кон Егејското Море беа изгорени. Пожарот, поради ветровите, се движи со голема брзина и силите на противпожарните бригади и пешадиските единици вложуваат големи напори да го држат пламенот подалеку од куќите.
Исто така, е наредена евакуација на три населени места лоцирани во Аркадија поради големиот пожар што гори од средата во Месинија. Тоа се населбите Васта, Исарис и Чранои.
Во вонредното обраќање до граѓаните премиерот Мицотакис предупреди за тешките часови што доаѓаат во текот на ноќта поради катастрофалните пожари што беснеат во земјата, особено во областите Атика, Евија и Илија.
Тој упати важна порака до граѓаните нагласувајќи дека „сите мора да останат обединети“. Исто така, Мицотакис објави дека заедно со Цивилната заштита е направен план за итни ситуации во шест региони, вклучувајќи ја и Атика.
Мерките што ќе бидат во сила до понеделник, 9 август, забрануваат движење, поминување или престој во шуми, национални паркови и природни области на целата земја.
Во исто време, сите активности или дејства што може да предизвикаат пожар се забранети. За секој прекршок, освен сериозни кривични санкции, предвидени се глоби од 1.000 до 10.000 евра.
Силниот ветер вчера ги прошири шумските пожари северно од Атина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.