Европа
(Видео) ЕУ воведе санкции за Белорусија, мајката на киднапираниот новинар тврди дека тој се бори за животот
Европската Унија синоќа одлучи да воведе нови санкции кон Белорусија и да го затвори европскиот воздушен простор за авионите од таа земја откако Минск изврши принудно слетување на авионот на „Рајанер“ за да го уапси опозицискиот новинар Роман Протасевич.
Според написите во светските медиуми, одлуката за нови санкции против Белорусија дојде зад затворени врати, тоа е многу брз и остар одговор на скандалозниот потег на белорускиот диктатор Александар Лукашенко, кој испрати борбен авион „миг“ да го пресретне патничкиот авион во кој беше новинарот. Голем број европски лидери остро го осудија потегот на Белорусија, а некои го квалификуваа како киднапирање.
❗❗Raman Pratasevich, obviously beaten, says Lukashenka's thugs treat him "correctly" and "lawfully". He is in the Minsk Detention Center #1. Terrifying video. pic.twitter.com/d7Iuj9X4MD
— Franak Viačorka (@franakviacorka) May 24, 2021
Протасевич се појави на видео на социјалните мрежи, кое беше објавено и на државната телевизија. Во видеото, за кое не е познато каде е направено, тој рече дека стои зад минатогодишните протести и немири во Минск и дека соработува со властите во тој поглед. Тој исто така на видеото вели дека во затворот се однесувал добро и дека извештаите за срцеви проблеми од кои страдал биле лажни. Со оглед на тоа дека Протасевич, според другите патници на летот, бил уапсен насилно веднаш по слетувањето во Минск и е под контрола на белоруската полиција, многу е веројатно дека признанието било изнудено, пренесуваат медиумите.
Неговите сојузници веднаш реагираа тврдејќи дека изјавата ја дал под присила.
„Вака изгледа Роман кога е под психолошки и морален притисок. Барам итно ослободување на Роман и на сите политички затвореници“, порача лидерот на белоруската опозиција, Светлана Тиханускаја, на „Твитер“. Непосредно пред објавувањето на снимката неговата мајка рече дека Протасевич е во болница во Минск и дека неговата состојба е критична. Таа вели дека не може да ги потврди информациите што ги добила од здравствената служба, но потврди дека нејзиниот син има проблеми со срцето.
„Поради неговите проблеми со срцето, тој не беше однесен во војска и еднаш беше во состојба на прединфаркт. Ако му се случи нешто, може да добие срцев удар“, рече таа.
Белорускиот претседател, Александар Лукашенко, се соочи со најголемиот предизвик во своето 27-годишно владеење кога избувнаа масовни протести по неговата контроверзна победа на минатогодишните претседателски избори. Европските лидери се заканија дека ќе го ограничат меѓународниот воздушен сообраќај над Белорусија, но потенцијално и копнениот сообраќај на земјата откако авион на „Рајанер“ мораше да направи принудно слетување.
Европската комисија (ЕК) го покани белорускиот амбасадор на разговори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.