Европа
(Видео) Ураган ја погоди Италија, има загинати, пороите уништуваат сè пред себе
Силна бура пустоши во јужна Италија втор ден по ред и однесе најмалку еден живот, поплавувајќи патишта, полиња и предизвикувајќи лизгање на земјиштето, соопшти полицијата.
Телото на 67-годишно лице е пронајдено во грмушка, далеку од местото каде што последен пат бил виден откако неговиот автомобил се заглавил во вода и кал југозападно од градот Катанија на Сицилија.
#flood #flooding #floods #FlashFlood #disaster #heavyrain #HeavyRains #tormenta #thunderstorm #rainfall Heavy rains cause flooding in Scordia, Sicily, #Italy pic.twitter.com/8KIbiZUo9K
— Aleksander Onishchuk (@Brave_spirit81) October 25, 2021
По неговата сопруга сè уште се трага, соопштија итните служби.
Италијанскиот метеоролошки сајт објави дека делови од Сицилија и соседна Калабрија биле погодени од редок медитерански ураган, познат како Медикен, со ветрови кои би можеле да дуваат и до 120 километри на час.
Здружението на фармери на Сицилија објави дека во неделата за само неколку часа паднале над 300 милиметри дожд во близина на градот Катанија, што е речиси половина од просечната количина на врнежи што годишно паѓаат на медитеранскиот остров.
Heavy rains cause flooding in Scordia, Sicily Italyhttps://t.co/kRglLeQ08I#alluvione #scordia #floods #maltempo #italy #sicily #flashflood #alluvionescordia pic.twitter.com/P4cFlgTsaF
— Unbelievable Events (@UnbelievableEv1) October 24, 2021
Телото за итна цивилна заштита објави највисоко црвено предупредување за северот на Сицилија и јужниот дел на Калабрија и предупреди на потенцијална опасност по живот и материјална штета во тие области.
Училиштата се затворени во многу села и градови, десетици летови се пренасочени од областа, а фериботите меѓу јужните острови се откажани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.