Европа
Во Рим анонимни плакати со навреди за Папата
Плакати кои го обвинуваат поглаварот на римокатоличката црква папата Франциск за напад врз конзервативните католици се појавија во италијанската престолнина Рим во текот на викендот, но градските власти брзо интервенирале и ги прекрија.
Римските власти ги прекрија со бела хартија плакатите со пораката „„илегална реклама“.
Ватикан немаше коментари. Отец Антонио Спадано, исусовец близок на Папата, сепак „тивтуваше“ дека плакатите се знак дека Франциск работи и затоа лути многу луѓе.
Плакатите кои мистериозни активисти ги излепиле во текот на ноќта кон саботата прикажуваат слика на Папата со строг поглед со текстот „Каде е милосрдието?“.
Текстот го обвинува папата Франциск за неколку интервенции против конзервативците, вклучително и она што плакатот го нарекува „обезглавување на Малтешките витези“/
Тоа упатува на стариот католички ред витези кои имаат сега карактер на организација од светски димензии и дејствуваат како своевидна парадржавна институција со своја дипломатија, чиј Голем мајстор минатата седмица поднесе остава по двомесечната јавна кавга.
Плакатите се појавија неколку часа пред Ватикан да го објави личниот претставни на Папата во редот, при што го остави настрана конзервативниот кардинал Рејмонд Лео Бурке, кој бил покровител на редот од 204 година и чест критичар на папата.
Во писмото објавени во саботата во Ватикан, папата Франциск изјави дека надбискупот Анцџело Бесчио ќе биде „исклучив гласноговорник“ на папата во Малтешкиот ред додека не се одржат избори за новиот Голем мајстор за неколку месеци.
Еден месец по судирот меѓу Суверениот малтешки ред и Светата столица, Неговото Високопреосвештенство Големиот мајстор фра Метју Фестинг, на 5-ти јануари се согласи да поднесе оставка по барањето на поглаварот на Римокатоличката црква, папата Франциск.
Метју Фестинг кој во принцип е именуван доживотно, уште мора да го собере својот Суверен совет за оставката да биде потврдена.Фестинг, роден во 1949 година, е Британец, син на Френсис Фестинг кој е фелдмаршал и началник на кралскиот Генералштаб на Велика Британија од 1958 до 1961 година.
Големиот мајстор секогаш е потомок на припадници на Малтешкиот ред на блажениот Адриан Фортескју, маченик од 1539 година.
Неговото Високопреосвештенство Височество или 79-от Кнез и Голем мајстор на Суверениот воен ред на гостопримливите Свети Јован Ерусалимски, Родос и Малта, како што гласи целата титула на Метју Фестинг, на оваа позиција дојде во 2008 година.
Судирот меѓу Ватикан и Малтешкиот ред, според коментаторите кои ги следат случувањата во Светата столица, претставува судир меѓу црковните либерали и конзервативците.Тој и буквално се разгоре минатиот месец кога папата Франциск именуваше петчлен совет за да ги испита околностите на сменувањето на третиот ред на Малтешкиот ред, Германецот Албрехт Фрајхер фон Бузелагер, односно главен канцелар на редот од 2014 до 2016 година.
Малтешкиот ред одби да соработува, порачувајќи му на папата дека неговото сменување е интернат работа на организацијата. Фон Бузелагер наводно е сменет откако дозволи Малтешкиот ред да учествува во програми за делење на бесплатни кондоми со цел да се спречи ширењето на СИДА-та.
Конзервативците велат користењето на кондомите ја крши црковната поук, но аргентинскиот папа Франциск, како и неговиот германски претходник Бенедикт Шеснаесетти, велеа дека неговото користење може да се оправда во контекстот на борбата против ширењето на СИДА-та./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.