Европа
Германскиот шеф на дипломатијата во Москва повика на разоружување во Европа
Германскиот министер за надворешни, Зигмар Габриел, повика во четвртокот во текот на неговата посета на руската престолнина Москва, европските сили да преземат конкретни чекори во разоружувањето, по повеќегодишните тензии со Русија околу судирите во Украина.
„Стравуваме дека влегуваме во нова трка во вооружувањето“, рече германскиот министер за надворешни работи Зигмар Габриел пред својот руски колега Сергеј Лавров.
„Ние сме загрижени дека нова спирала на трката во вооружување може да се појави во Европа”, рече тој, како што е наведено од страна на агенцијата ТАСС. „Премногу е рано да се каже како и во која насока би можеле да делуваме за да се спречи ова“, додаде Габриел
„Германија покажа дека е сигурен партнер. Ние зборуваме и го правиме она што го велиме. Тоа важи и за сложени одлуки. Германија го исполнува своето ветување, и тоа е неопходно за цела Европа“, го цитира RT Габриел. кој додава дека неговата земја придава голема важност на односите со Русија.
Русија и Германија треба да се стремат кон разоружување во Европа, и покрај можноста за продолжување на трката во вооружување, смета Габриел.
„Германија и Русија знаат подобро од многу други дека трката во вооружување не им одговара на интересите на луѓето во нашите земји. И покрај сите сложени проблеми и несогласувања, мора да се стремиме кон целта за разоружување во Европа. Оваа цел и понатаму останува едно од главните прашања во Европа“, рече германскиот министер.
НАТО, чијашто членка е Германија, распореди околу 4.000 војници во балтичките и Полска, оправдувајќи го тоа со одговор на тензиите со Русија околу Украина. Во меѓувреме Русија одговори со префрлање на илјадници војници на своите западни граници и разместување на напредни ракетни системи, што предизвика дополнителни стравувања во европските престолнини дека стануваат потенцијални цели.
Шефот на германската дипломатија Габриел претходно во средата во Полска, пак, изјави дека јакнењето на силите на НАТО на истокот е оправдано, имајќи го предвид трупањето на руските војски, пренебрегнувајќи го фактот дека тоа е всушност одговор на Москва.
„Кога ќе видите големо количество оружје коешто се наоѓа на спротивната страна тогаш мислам дека не може да се каже дека НАТО или Западот ја започнале трката во вооружување“, изјави Габриел во Полска, потсетува AFP.
Пред посетата на Москва, германскиот министер повика да се обнови функционирањето на Советот НАТО – Русија за да се избегнат можни судири. НАТО во април 2014 година ги прекина односите со Русија, откако руското и рускојазично население и малцинството на кримските Татари на црноморскиот полуостров Крим незадоволни од односот на властите кои по политичкиот преврат дојдоа на власт во Киев во март со огромно мнозинство со еден референдум ја повратија автономијата којашто украинските власи ја укинаа по стекнувањето на независноста во 1990-те и изгласаа присоединување на Руската Федерација, што Западот го смета за нелегална руска анексија на украинска територија. /крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.
Европа
Столтенберг: НАТО работи на испорака на повеќе „Патриоти“ во Украина
НАТО работи на испраќање повеќе системи за противвоздушна одбрана во Украина, изјави генералниот секретар Јенс Столтенберг, додавајќи дека доцнењето во обезбедувањето таква помош им наштетува на напорите на Киев да се спротивстави на руските напади.
„Собравме податоци за различните системи за противвоздушна одбрана што ги имаме во НАТО и се фокусиравме на системите „Патриот“. И ние работиме со сојузниците за да се осигураме дека тие прераспоредуваат некои од нивните системи во Украина“, изјави тој за новинарите на маргините на состанокот на министрите за надворешни работи на Г7 во Италија.
„Работиме на можноста за испорака на повеќе батерии „Патриот“ за Украина. Водиме дијалог со некои земји“, рече Столтенберг, нарекувајќи го снабдувањето на „Патриотите“ „критично“, бидејќи тоа е најнапредниот одбранбен систем на кој алијансата може да смета.
Столтенберг рече дека други одбранбени системи, вклучително и ракетниот систем земја-воздух НАСАМС, може да и бидат доставени на Украина. Тој додаде дека состанокот на Советот НАТО-Украина ќе се одржи утре и дека се очекува виртуелно да учествува украинскиот претседател Володимир Зеленски.
„Охрабрен сум од посветеноста и одлучноста на сојузниците во НАТО да застанат во одбрана на Украина“, им рече тој на новинарите, додавајќи дека има охрабрувачки знаци дека американскиот Конгрес наскоро би можел да го отклучи пакетот помош од 60,84 милијарди долари за Украина.
Европа
(Видео) Катастрофални поплави во Русија, куќи под вода, илјадници евакуирани
Поради последиците од големите поплави, во Русија се поплавени околу 18.000 домови, додека реката Тобол во областа во близина на границата со Казахстан се заканува да се искачи на рекордно ниво. Државната новинска агенција Тасс објави дека од вчера се поплавени уште 1.700 куќи. Илјадници луѓе се евакуирани во последните неколку дена.
Massive flood after the water level in the Ural River risen in Orenburg, Russia 🇷🇺 (13.04.2024)
TELEGRAM JOIN 👉 https://t.co/9cTkji5aZq pic.twitter.com/SXxuuoAmI1
— Disaster News (@Top_Disaster) April 13, 2024
Регионот Оренбург јужно од планината Урал и регионот Курган во Сибир беа најтешко погодени од катастрофални поплави во близина на јужната граница со Казахстан. Во главниот град на регионот, Курган, реката Тобол порасна за метар и половина за само 24 часа. Курган се подготвува за рекорден водостој и за големи поплави, изјави министерот за вонредни состојби Александар Куренков, кој рече дека нивото на водата се зголемува и во блиската област Тјумен во Сибир.
1/10🌊🇷🇺 #RussiaIsCollapsing
While the Russians fight in #Ukraine 🇺🇦, #Russia is sinking
📍#Kurgan the risk of another dam failure is high
As in #Orenburg & #Orsk, residents leave their homes, leaving dogs chained to deter looters. They won’t survive it. #floods #Rosja #Russie pic.twitter.com/JMURpr5Rbv
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweetforAnna) April 18, 2024
Во моментов има приближно 94 села каде живеат 34.000 луѓе во опасност од поплави. Во четвртокот властите евакуираа 1.500 луѓе од Тјумен и ги транспортираа на безбедно. По обилните дождови и невообичаено снежната зима, Русија оваа година се бори со исклучително тешки сезонски поплави.
Жителите на погодените подрачја ги обвинуваат властите дека доцна преземаат мерки за нивна заштита и дека не реагираат доволно брзо. Слични поплави ги погодија областите преку границата во соседен Казахстан, каде властите претходно почнаа да ги евакуираат луѓето. Досега од таа област се евакуирани повеќе од 100.000 жители.