Европа
Италијанскиот суд го измени изборниот закон, создадени услови за предвремени избори
Уставниот суд на Италија го поништи во средата дел од долго оспоруваниот изборен законик, меѓутоа поголемиот дел од изборниот систем остана на сила, со што се создава можноста за одржување на предвремени парламентарни избори веќе оваа година.
Уставниот суд ја отфрли идејата дека изборите на национално ниво може да се одржат во два круга, но прифати дека партијата којашто ќе освои најмалку 40 отсто од гласови автоматски го освојува парламентарното мнозинство.
Судот, исто така, донесе одлука дека изменетиот изборен законик може веднаш да се применува, доколку бидат распишани избори.
Парламентарните избори во Италија редовно треба да се одржат на почетокот од следната 2018 година, но сега поранешниот премиер Матео Ренци, кој сé уште е претседател на владејачката левоцентристичка Демократска партија, се залага, како и неговите десничарски противници, да се одржат што е поскоро можно.
По одлуката на уставните судии од средата, антиестаблишмент Движењето пет ѕвезди (М5S) кое инаку поединечно имаше најмногу пратеници во двата дома а го води познатиот сатиричар и блогер Бепе Грило, повика предвремените парламентарни избори да бидат распишани веднаш.
„Судот ни укажа што треба да правиме за на земјата да ѝ донесеме изборен законик кој е во согласност со Уставот, сега ние мораме да ги почитуваме одлуките на судот и да ги одржиме изборите“, објави на Facebook сенаторот од редовите на движењето, Никола Мора.
Идејата јавно беше поддржана и од неколку пратеници на водечките опозициски партии./крај/ммф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.