Европа
Меркел и Макрон двапати го напуштија самитот: „Нема свест дека целата Унија ќе отиде во пропаст“
Во два наврати лидерите на Франција и Германија, Емануел Макрон и Ангела Меркел, многу незадоволни, нагло ја напуштија четиридневната средба на лидерите на ЕУ во Брисел. Тие го напуштија самитот затоа што оценија дека не постои реална волја меѓу партнерите во ЕУ за солидарност и помош на оние што се најтешко погодени од коронавирусот, како и свесност дека без тоа целата Унија ќе отиде во пропаст.
Но, пред денешната нова рунда состаноци, тие ставија до знаење дека „многу претпазливо се надеваат“ дека е можен договор, затоа што постои рамка за решение за значителна помош за закрепнување на Унијата од тешките економски и социјални последици од епидемијата. Ова за медиумите го пренесоа француски и германски официјални лица на сесијата, додека канцеларката Меркел, доаѓајќи на самитот, изјави дека „е постигнат напредок што дава надеж за договор денеска“.
„Доаѓам со голема решеност да се случи напредок, иако сè уште ништо не е решено“, им рече Макрон на новинарите, кој за време на самитот ја критикуваше „штедливата четворка“ – Холандија, Данска, Австрија и Шведска, на кои им се придружи и Финска, заради нивното барање значително да се намали предложениот фонд на субвенции и заеми и дека неповратната помош за најзагрозените земји да биде условена од структурни реформи.
„Штедливата четворка“ и Финска излегоа со најновиот предлог да се намалат субвенциите од 500 милијарди евра на 350 милијарди евра и да се намали предложениот повеќегодишен буџет на ЕУ од 1 милијарда и 75 милијарди евра со заеми од 250 милијарди.
Другите членки на ЕУ, сметаат официјалните лица во Брисел, можеби би можеле да прифатат конечна спогодба од 390 милијарди евра субвенции, но Берлин и Париз ставија до знаење дека долната граница е 400 милијарди, а Макрон рече дека е „подобро да заминат без договор, отколку со лош компромис“.
Според изворите, францускиот претседател остро го критикувал најтешко во „педесеттата“, холандскиот премиер Марк Руте, како и австрискиот канцелар Себастијан Курц.
„Прашањето е следно“, рече Макрон, „или лидерите на ЕУ, одговорни пред народите на Европа, ќе можат да градат единство и доверба, или со раздор ќе им покажеме дека Европа е слаба, распарчена од недоверба?“
Германскиот весник „Зидојче Цајтунг“ посочи денеска дека „ако не успее проектот за помош од стотици милијарди евра, Европската Унија ќе мора сериозно да ги преиспита своите причини за постоење“.
„Штедливата четворка“ и Финска исто така веруваат дека помошта мора да им се даде на членовите што се најтешко погодени од пандемијата, кои сами не можат да се справат со падот на економската активност заради презадолженост и недостаток на сопствени средства, но само така за да „се потроши само она што е заработено”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.