Европа
Меј негира дека стратегијата за Брегзит е „збунета“, Старџен порачува дека не е можен без Шкотска
Британската премиерка Тереза Меј изјави во неделата дека ќе ја претстави стратегијата за излегувањето на Велика Британија од Европската унија во текот на следните седмици, отфрлајќи ги тврдењата дека во потрагата, како што рече, правниот однос со ЕЅ делувала збунето, додека нејзината шкотска колешка по должноста Никола Старџен порача дека е неприфатливо за Шкотска да не е упатена во тие планови.
Британската премиерка Тереза Меј досега не сé погласните повици особено од деловниот свет, пратениците и опозициските челници дека треба да им ги обелодени деталите од својата стратегија за напуштање на Европската унија, нудејќи речиси ништо освен ветувањата дека ќе го договори најдобриот можен договор за напуштањето на блокот од страна на Велика Британија.
Повтори дека едно од клучните прашања на двете страни од дебатата за ЕУ е дали зауздувањето на имиграцијата во Велика Британија ќе биде поголем приоритет од пристапот кон единствениот европски пазар, ни е „двојајчен избор“, додавајќи дека Британија нема да задржи „парченца“ од европското членство.
„Пред покренувањето на членот 50 (од Лисабонскиот договор за условите за истапување на членка од ЕУ – з.р.), во наредните неколку седмици ќе обелоденам повеќе детали за стратегијата за излегување од ЕУ. Она што сакам да го кажам е дека е погрешно да се мисли дека мораме да избереме дали ќе имаме контрола над имиграцијата или добар трговски договор“, порача Меј.
Европските челници тврдат дека Велика Британија не може да има пристап до заедничкиот пазар со околу 500 милиони потрошувачи, без да го прифати начелото на слободното движење на луѓето.
Истовремено во неделата шкотската премиерка Никола Старџен изјави дека многу малку знае за роковите за излегувањето од ЕУ, што го нарече „неприфатлива“ ситуација шест месеци откако гласачите во Велика Британија се изјаснија за излегувањето.
Како челник на Шкотската национална партија (SNP),Старџен пред референдумот водеше кампања за останувањето на Обединетото Кралство во ЕУ и шкотските избирачи се изјаснија за останување во ЕУ, како и во Северна Ирска, додека Англија и Велс со своите повеќе гласачи го одредија излегувањето.
Страџен за BBC изјави дека британската влада во преговорите со Брисел треба ада се постави за да постигне компромис со Шкотска и да ја придобие, наместо да се фокусира на прашањето на имиграцијата. „Не ја занемарувајте Шкотска“, порача.
„Се чини дека за целите на владата во преговорите денеска не знам нималку повеќе отколку што знаев пред шест месеци, покрај тоа мислам и тоа уше повеќе загрижува, дека ниту владата знае за своите преговарачки цели ништо повеќе отколку што знаеше претходно“, рече Старџен
Меј вети дека до крајот на март ќе го активира членот 50, со што формално ќе започне процедурата за раздружувње од ЕУ, но досега не открива каков договор сака.
Во новогодишната порака Меј истакна дека Британците, и покрај поделбите, ја споделуваат желбата да живеат во посилна, поправедна и побезбедна земја и вети дека ќе осигури напуштањето на ЕУ д биде поволен за сите Британци, а не само за оние коишто гласале за излегувањето./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.