Европа
Од понеделник целосно заклучување во Австрија, состојбата на работ на катастрофа
Австриската влада во разговори со покраините одлучи од понеделник, 22 ноември, сите граѓани, а не само невакцинираните да бидат под клуч.
Состојбата со коронавирусот во Австрија е на работ на катастрофа, без оглед на строгата мерка за затворање на невакцинираните лица, пишуваат тамошните медиуми. Бројот на новозаразени постојано расте и ги руши сите рекорди, а исто е и со болниците кои се пред колапс.
Според медиумите, одлуката за десетдневното заклучување денеска ќе ја соопшти австрискиот канцелар Александар Шаленберг.
Според планот, заклучувањето би можело да се продолжи најмногу за уште 10 дена.
По 20 дена затворање, невакцинираните сè уште ќе бидат во заклучување.
Училиштата нема да работат, ќе имаа само служба за згрижување деца чии родители не можат да се грижат за нив поради работа.
Во своето обраќање до нацијата, Шаленберг ќе побара солидарност од вакцинираните граѓани.
Во Австрија се водат дискусии за воведување задолжителна вакцинација против коронавирус.
Од јануари следната година, според „Кронен цајтунг“, би можел да стапи во сила закон со високи казни за оние кои не сакаат да се вакцинираат. Ова ќе ја направи Австрија првата земја во ЕУ која ќе воведе општа обврска за вакцинација против коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.