Европа
Полското обвинителство го товари Туск за врски со Кремљ и поврзаност со смртта на претседателот Качински
Претседателот на Европскиот совет и поранешен полски премиер Доналд Туск е поканет на разговор во Окружното обвинителство во Варшава, пренесуваат полските медиуми.
Шефот на ЕУ се очекува да даде изјава во врска со покренатиот предмет против поранешните раководителите на полската Воена контра-разузнавачка служба, кои се осомничени за контакти со руската тајна служба ФСБ, кои наводно бил остварени без одобрение на властите на земјата.
Случајот е крајно сомнителен. Во декември 2016 година, Обвинителството покрена обвинение против двајца поранешни раководители на КОС – генералите Јануш Носек и Петра Питеља за “злоупотреба на службената положба”: Наводно тие соработувале со странски специјални служби без одобрение на шефот на владата.
Во врска со скандалот, полските медиуми посочуваат на некои детали, како на пример, на склучениот договор помеѓу КОС и на ФСБ од април 2010 година. Тој бил потпишан, веднаш по авионската несреќа на претседателскиот авионот Ту-154M, кој падна кај Смоленск.
Тогаш загинаа полскиот претседател Лех Качински, неговата сопруга, речиси целиот воен врв на државата, како и многу политичари и јавни личности – вкупно 88 патници и девет членови на екипажот.
Договорот , меѓу другото, се занимава со разни видови на технички прашања и формална соработка, со цел да не се дозволи таква катастрофа во иднина. Телевизијата TVN објави дека условите на договорот се однесуваат и на повлекувањето на полскиот воен контингент од Авганистан, кој мина преку територијата на Русија.
“Договорот направи мошне ефикасно и безбедно да се повлечат полските војници и опрема”, велат извори за TVN.
Некои новинари отидоа многу понатаму во своите своите коментари. Полска Газета тврди дека контра-разузнавањето го следел полскиот обвинител Марек Пасенко, кој ја водеше истрагата за случајот на авионската несреќа. Контраразузнавачите биле заинтересирани за контактите на Пасенко со официјални лица и експерти на воздухопловна техника на САД. Мониторингот, наводно се вршел во интерес на ФСБ.
Покрај тоа, според тврдењата на новинарите, членови на ФСБ, слободно, без никакви ограничувања се шетале низ седиштето на КОС. Но, овој вид на работа тешко дека е остварен, бидејќи Полска не ја сака Русија.
Во програмата на радио RMF, генерал Јанош Носек изјави дека договорот не можел да биде потпишен без согласност на Туск – кој во тоа време беше премиер на Полска.
“На овој начин, аферата добива политички карактер. Таа има за цел да се дискредитира раководството на тајната служба во време на владеењето на “Граѓанската платформа”, односно непосредно поранешниот премиер”, вели пензионираниот генерал.
Ако Туск дал такво одобрение и тоа го изјавил пред истражните органи, правните обвинувања против КОС ќе бидат безначајни, но затоа ќе можат да го обвинат Туск за врските со Кремљ и со ФСБ.
Без разлика што договорот кој бил скучен пред седум години, се однесувал на безбедноста на летовите и на повлекувањето на полската војска од Авганистан. Сепак во овој момент, обвинението ќе добие на цена, бидејќи постојат големи тензиите меѓу Москва и Брисел, а тоа ја зазгрозува кариерата на Туск./крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Украинскиот план е бесмислен, вклучува повлекување на нашата армија од освоените територии
Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на неприфатливи идеи како што е повлекувањето на Москва од териториите што ги окупирала.
Во интервју за московскиот весник „Известија“, Лавров рече дека мировниот самит предложен од Украина нема да успее додека не се променат неговите основни постулати, вклучително и тоа дека на него треба да биде дозволено учество на Русија.
„Во секој случај, ние сме подготвени да разговараме, но не врз основа на „мирната формула“ на Зеленски“, рече Лавров.
Тој, исто така, се прашуваше како некој сериозен политичар во Вашингтон, Брисел, Лондон, Париз или Берлин „може да каже дека нема алтернатива за формулата на Зеленски“.
Лавров ги отфрли како неприфатливи одредбите од украинскиот мировен план, со кои, меѓу другото, се бара Русија да се повлече од териториите што ги окупираше, вклучувајќи го и Крим, анектиран во 2014 година.
Украинскиот претседател Володимир Зеленски отфрла каква било помисла за преговори со Москва на која било основа освен мировен план, забележува Ројтерс.
Лавров рече дека се сретнал со официјални претставници и дипломати од Швајцарија кои го увериле дека мировниот самит, на кој Берн се согласи да биде домаќин, ќе ја вклучи Русија и ќе се одржи под „реални услови“.
„Ние разбираме дека ништо не може да се реши без вас, тоа е неправедно“, ги цитира Лавров зборовите на швајцарските претставници.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.