Контакт

Европа

Ирците на референдумот го одобрија европскиот фискален договор

Објавено пред

Ирците со 60,3 отсто гласови го одобрија европскиот фискален договор на плебисцитот, објави во петокот претставничката на изборната комисија Риона Ни Флангхајл,

dobivaj vesti na viber

За договорот со „да“ гласале 955.091 гласач, наспроти 629.088 коишто гласале против на референдумот на кој Ирците ги повика премиерот Енда Кенеди, потсетувајќи дека тоа претставува нивна должнсот.

„Станува збор за голема доверба. Така тоа ќе биде гледано од странство“, реагираше ирската министерка за социјална грижа Џоан Бартон, директорка на кампањата за референдумот во лабуристичката партија, која е членка во владината коалиција.

Ирска е единствената земја Европската унија којашто организираше референдум за европскиот буџетски договор, кој предвидува строги мерки за штедење, во спротивно се закануваат санкции. Победата на противниците на договорот немаше да го спречи применувањето на текстот на договорот, кој треба да биде ратификуван 12 од 17-те земји на еврозната за да стапи на сила, но би испратил многу негативна порака во периодот кога во еврозната беснее должничката криза.

Земјите коишто ќе го ратификуваат договорот ќе може да добијат помош од Европската унија доколку се најдат во тешкотии прекуи Европскиот механизм за стабилност, кој ќе стапи на сила во јули.

Ирска е единствената земја којашто одржа национален плебисцит за фискалниот договор, кој го потпишаа 25 од 27-те земји членки на Европската унија, освен Велика Британија и Чешката Република, па овие резултати со големо внимание се следат во другите земји членки. За да стапи на сила, фискалниот пак кој целосно го носи називот Договор за стабилност, координација и управување во Економската и монетарната унија, мора да го ратификуваат 12 од 17-те членки на еврозоната.

Надворешниот долг на Ирска во моментов изнесува на 2,4 трилиони долари, а земјата е многу зависна од средствата што ги добива од Меѓународниот монетарен фонд (ММФ). Доколку биде ратификуван договорот за буџетската стабилност, долгот нема да биде избришан, односно Даблин ќе мора да продолжи да воведува мерки за да го намали. Меѓутоа, истовремено со тоа Ирска, којашто беше меѓу најтешко погодените земји во периодот на колапсот на банкарскиот систем во 2008 година, во случај на нова криза ќе може да смета на надворешна финансиска помош од Механизмот за финансиска стабилност (ISF).

До 2014 година, Ирска се надева дека ќе се врати на меѓународните кредитни пазари, но тоа не е гаранција дека овојпат ќе биде во можност тоа да го стори без меѓународна поддршка. Така, резултатите од референдумот ќе бидат клучни за спроведување на овие планови.

Според одредбите од документот, за надминување на буџетскиот дефицит на земјите за повеќе од 3 отсто од БДП-то, се воведува автоматски систем на санкции до 0,1 отсто од БДП-то. Средствата собрани од земјите на еврозоната, ќе бидат внесени во постојаниот Механизам за финансиска стабилност (ISF).

Договорот, исто така, предвидува и воведување правила за ткн балансиран буџет, што претполага практично буџетскиот дефицит да е на нула или суфицит во која и да е од земјите членки на ЕУ. Нема да се смета дека одредена држава го прекршила договорот, доколку годишниот структурен дефицит не надминува 0,5 отсто од БДП-то според пазарните цени. Во случај на нарушување на ткн „златно правило“, ќе се покрене автоматскиот корективен механизам, за секоја земја посебно.

Фискалниот пакт прва во март го ратификуваше Грција, а по неа во април Португалија и Словенија, и во мај Романија. Процесот на ратификација на договорот е во тек во Шведска, Данска, Шпанија, Италија, Полска и Латвија (Летонија). Сѐ уште не е познат датумот на неговата ратификација во Австрија, Белгија, Бугарија, Кипар, Естонија, Финска, Унгарија, Литванија, Луксембург, Холандија и Словачка. Во ниту една од овие земји не се очекуваат проблеми, иако ратификацијата во Белгија ќе потрае, бидејќи согласноста мора да ја дадат сојузниот и петте регионални парламенти.

Како потенцијално проблематични се сметаат ратификациите во Франција и Германија.

Францускиот претседател Франсоа Оланд стравува дека пактот ќе воведе трајно штедење. Во текот на неговата предизборна кампања тој се залагаше за нови преговори за фискалниот пакт за потоа да изјави дека би можел да се согласи на додатоци во вид на одредби за поттикнување на економскиот раст.

Кога, пак, станува збор за Германија, пактот бара измени на уставот на државата, а за тоа е потребно двотретинско мнозинство во долниот дом од парламентот, што подразбира и гласови од опозицијата. Проблемот е во тоа што социјалдемократите во замена за поддршката бараат отстапки, на пример воведување мерки за поттикнување./крај/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа

Кремљ за евентуалното блокирање на „Телеграм“: „Сè повеќе станува алатка во рацете на терористите“

Објавено пред

Портпаролот на Кремљ, Дмитриј Песков, денеска изјави дека во моментот не се планира блокирање на социјалната мрежа „Телеграм“ во Русија.

dobivaj vesti na viber

„Не, во моментот нема такви планови“, изјави Песков за каналот „Шот“ на прашањето дали Русија планира да го блокира „Телеграм“.

Тој додаде дека основачот на оваа платформа, Павел Дуров, треба повеќе да внимава како се користи оваа социјална мрежа.

„Секако, би очекувале поголемо внимание од Павел Дуров бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација сè повеќе станува алатка во рацете на терористите, се користи за терористички цели“, рече портпаролот на Кремљ, пренесува „РИА новости“.

Како што изјави во средата за „РИА новости“ извор запознаен со ситуацијата, сторителите на терористичкиот напад во предградието на Москва биле регрутирани преку каналот на „Телеграм“, „Глас Хорасан“, сопственост на авганистанското крило на Исламската држава.

Пратеникот на државната Дума од Обединета Русија, Олег Морозов, денеска оцени дека е неопходно да се развие механизам за автоматско блокирање на каналите на „Телеграм“, кои регрутираат терористи користејќи клучни зборови користејќи вештачка интелигенција.

Прикажи повеќе...

Европа

Шолц: Мирот во Украина е можен во секој момент, само ако Путин ги повлече своите војници

Објавено пред

Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, варварска кампања и ги повлече војниците.

dobivaj vesti na viber

Шолц за „Маркише Агемајне цајтунг“ изјави дека секогаш имало иницијативи за посредување.

„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.

Како што тврди, токму тогаш на виделина излегле масакрите во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.

„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.

Тој изјави дека имало разговори и за безбедноста во нуклеарната централа „Запорожје“ и за размена на затвореници.

„Голем број земји, вклучително и Украина, во моментот разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата варварска кампања и да ги повлече трупите“, истакна Шолц.

Прикажи повеќе...

Европа

В недела голем тест за Ердоган: ќе успее ли „султанот на Турција“ повторно да ја освои власта во Истанбул и Анкара

Објавено пред

В недела во Турција ќе се одржат општински избори, а во оваа пригода партијата на претседателот Реџеп Таип Ердоган (АКП) ќе се обиде да ја врати контролата врз Истанбул и Анкара, градови што гласаа против АКП во 2019 година.

dobivaj vesti na viber

Аналитичарите тврдат дека овие избори ќе бидат мерка за поддршка на Ердоган на национално ниво, но и за силата на опозицијата, особено на градоначалникот на Истанбул, Екрем Имамоглу. Според „Ројтерс“, се очекува тесна трка за градот Босфор, кој е дом на повеќе од 16 милиони луѓе и придонесува повеќе од една четвртина од националниот БДП.

На последното локално гласање во 2019 година главната опозициска Републиканска народна партија (ЦХП) го изненади Ердоган кога преовлада во Истанбул и Анкара ставајќи крај на повеќе од две децении владеење на АКП и нејзините исламистички претходници.

Главниот противник на актуелниот градоначалник на Истанбул, пратеникот на ЦХП, Имамоглу, е членот на АКП, Мурат Курум, поранешен министер во кабинетот, а анкетите покажуваат мала предност за Имамоглу. Анкетите велат дека актуелниот градоначалник на Анкара, Мансур Јавас, е далеку пред противникот на АКП, Тургут Алтинок, поранешен претседател на општина во тој град.

Речиси 11 милиони луѓе имаат право на глас во Истанбул, според Врховниот изборен совет. Одѕивот на општите и локалните избори е многу висок во Турција, речиси 90 проценти. Минатиот мај Ердоган беше реизбран за претседател и неговата алијанса освои мнозинство во парламентот на тесни општи избори, резултат што, според „Ројтерс“, ја поделил и деморализирал алијансата ЦХП и другите опозициски партии.

Буџетот на Истанбул е многу поголем од сите други 80 града во земјата со 516 милијарди лири (16,05 милијарди долари) во 2024 година вклучувајќи ги и нејзините подружници, а буџетот за главниот град Анкара, од друга страна, е 92 милијарди лири.

Освен во Истанбул и Анкара, резултатите се очекува да бидат блиски и во градовите Бурса, Адана и Анталија. В недела Турција ќе гласа и во другите 79 провинции во земјата за лидери и окружни шефови на провинции, окружни совети и локални администратори.

Прикажи повеќе...

Најново

Македонија3 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет4 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет4 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија4 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион4 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет4 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет4 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија19 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија20 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија22 часа

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија23 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија23 часа

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...