Европа
Ослободен рокерот осомничен за тероризам во Франција
Француските власти во четвртокот го ослободија норвешкиот рокер Кристијан Варг Викернес кој беше уапсен во вторникот под сомневање дека подготвува терористички напад и дека е поврзан со норвешкиот десен екстремист Андерс Брејвик кој е осуден поради убиството на 77 лица пред две лета во Норвешка.
Како што потсетува AFP, 40-годишниот Викернес и неговата 25-годишна сопруга Мари Каше беа уапсени во гратчето Салон-ла-тур во департментот Корез од припадници на Главната управа за контраразузнавање на Франција (DCRI, по барање на антитерористичкото обвинителство во Париз.
Норвежанецот бил неколку години под надзор на француските органи на прогонот, но официјална истрага не била отворена до почетокот на јули годинава. Истрагата особено ја поттикнало тоа што сопругата на Викернес, којашто инаку имала дозвола за оружје, купила четири карабини и едно автоматско оружје. Покрај тоа, самиот музичар не ги криел своите неонацистички ставови, а на интернет поставувал антисемитски и ксенофобични содржини.
Потврдено било, исто така, дека Кристиан Викернес, со уметничко име Варг во минатото добил копија од ултрадесничарскиот манифест на Брејвик во кој ги обвинува левичарските сили за „демографско и етничко изменување на Европа“ и ја изнесува својата идеологија.
Сепак, за време на распитот, инспекторите не можел да утврдат дека Викернес навистина се подготвува за напад, сличен на оној што го изврши Андерс Беринг Брејвик во кој уби 77 луѓе.
Основач и единствен член на блек-метал бендот Burzum, Викернес во 1994 година бил осуден на 21 година затвор во Норвешка за убиство извршено во 1993 година кога со 20 удари со нож го убил својот пријател, музичарот Ејстејн Ошет од групата Mayhem. Во Според норвешкиот печат, тој бил осомничен и за потпалување на неколку цркви. По 16 години затвор, Викернес , во 2009 година е ослободен од затворот и следната 2010 година со жената и трите деца се преселил во Франција. Роден е како Кристијан, на 20-годишна возраст го сменил името во Варг (волк)./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.