Европа
Челникот на мисијата на ОБСЕ го повика Киев да не ги користи термините ‘сепаратист' и ‘терорист'
Шефот на мисијата на Организацијата за безбедност и соработка во Европа (ОБСЕ) во Украина, Жоао Соареш ги повика властите во Киев и во источните проруски региони на дијалог и, како и да ги избегнуваат термините „сепаратист” и „терорист”, оти според него киевските власти си дозволиле низа грешки во однос на регионите, меѓу кои ги наведе „позицијата на Врховната Рада (парламентот) во однос на рускиот јазик”, што всушност беше иницијалната каписла за сегашната криза.
„Лично не се согласувам со тоа. Јас не сум Украинец, и генерално, не сум должен да се согласувам или не со одделни решенија, Но рускиот јазик е еден од националните во Украина. Да се намалува неговото значење, претставуваше голема грешка”, изјавил првиот човек на мисијата на ОБСЕ во Киев за агенцијата РИА Новости.
Двете области, Доенцк и Луганск, со повеќе од седум милиони жители, мнозинството од населението над 70 отсто се етнички руси или русофони, кои не ги признаваат прозападните власти во Киев, а особено се побунија откако кон крајот на февруари веднаш по уривањето на претседателот Виктор Јанукович беше укинат законот за јазиците со кој јазиците на малцинствата, вклучително и рускиот, го загубија статусот на службени јазици.
„За мене, исто така, е јасно дека регионите треба да добијат поголема автономија. И, најважното, мора да има дијалог, дури и со оние кои ги нарекуваат сепаратисти. Некои ги нарекуваат и терористи. Јас апелирам да не се употребуваат овие термини, Да се сетиме на големиот пример на Нелсон Мандела за целиот свет. Повеќе од дваесет години него го нарекуваа терорист. Потоа излезе од затвор и буквално следниот ден беше избран за претседател на Јужна Африка. (…) Но ја познавам филозофијата на Советот на Европа, Европскиот парламент и на НАТО. Таа се разликува од позицијата на ОБСЕ”, изјави Соареш.
Притоа во разговорот тој истакнува дека не ја признава легитимноста на рефереднумите одржани во Донецк и во Луганск, на кои огромното мнозинство гласаа за независност. „Доколку мнозинството жители од тие области се противат на властите во земјата, тие треба да ја изразат таквата позиција на избори. Тоа ќе биде очигледно при пребројувањето на гласовите”, изјавил специјалниот координатор на мисијата на ОБСЕ во Украина./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Европа
Орбан: Западот е на чекор од испраќање војници во Украина, Брисел си игра со оган
Западот е на чекор од испраќање војници во Украина и во Брисел владее провоено мнозинство, најави унгарскиот премиер Виктор Орбан.
„Во Европа расположението е војна, а во политиката доминира логиката на војната. Гледам подготовки за војна од сите страни. Генералниот секретар на НАТО сака да формира украинска мисија на НАТО. Европските лидери веќе влегоа во војна, разговарам со нив, ги слушам, тие ја гледаат оваа војна како нивна и така ја водат“, истакна Орбан.
Унгарскиот лидер укажа на постепено зголемување на помошта на Европа за Украина, почнувајќи од испраќање воена опрема и воведување санкции кон Русија до испраќање оружје и пари, објави HirTV.
Пари, пари, оружје, но состојбата не се подобрува, всушност се влошува. На чекор сме од Западот да испрати војници во Украина. Ова е вител на војна што може да ја одвлече Европа во длабочините. Брисел си игра со оган – предупреди Орбан и нагласи дека Будимпешта нема да биде вовлечена во руско-украинскиот конфликт.