Европа
Аеродромот во Брисел бил целосно неподготвен за справување со терористички напад
Аеродромот „Завентем” во белгиската престолнина, кој на 22-ри март годинава беше погоден од самоубиствен бомбашки напад, не бил опремен со акционен план за вонредна состојба, а интеракцијата помеѓу службите за итна помош бил „целосен неуспех”, се вели во извештај на белгиска парламентарна анкетна комисија, пренесуваат тамошните медиуми.
Аеродромот „Завентем” во белгиската престолнина, кој на 22-ри март годинава беше погоден од самоубиствен бомбашки напад, не бил опремен со акционен план за вонредна состојба, а интеракцијата помеѓу службите за итна помош бил „целосен неуспех”, се вели во извештај на белгиска парламентарна анкетна комисија, пренесуваат тамошните медиуми.
Членовите на комисијата препорачале анализа на работата на кризниот центар и констатирале дека мобилната телефонска мрежа била неупотреблива поради преоптовареност. Пожарникарите и болничарите, пак, требало буквално да импровизираат, а според извештаите на медиумите, дури користеле апликации како WhatsApp за да се координираат.
Плановите на „Завентем” за работа при вонредна ситуација биле главно за реакција во случај на авионска несреќа. Во инструкциите немало компонента поврзана со тероризам, и тоа не било нити предвидено во тренинзите на болничарите и пожарникарите на аеродромот, нагласила анкетната комисија.
Известувачите инсистираат на итно ажурирање на планот, односно во него се вклучат и активности во случај на вонредна состојба, која не е поврзана со авионска несреќа. При истрагата било утврдено дека на аеродромските власти располагале само со едно обучено куче за откривање на бомби и експлозиви.
Истовремено, пак, во бриселското метро имало детален план за итни дејства при криза, изготвен по нападите на мадридската железничка станица во 2004-та година и во метрото во Лондон во 2005-та година. Според планот, командниот центар веднаш презел дејства по нападот во метро станица Малбек. Признавајќи дека плановите за акција при криза се пишувани пред 10 години и застарени, во мај белгиските власти одлучија да се подготви „национален план за акција во вонредна состојба при земање заложници или терористички напад”.
Анкетната комисија ќе го поднесе официјалниот извештајот на 21-ви јули, а есента комисијата ќе ја анализира работата на полициските служби и разузнавањето, кои беа обвинети за неспособност во следењето на бомбашите самоубијци, од кои некои биле вклучени и во нападите во Париз, а други биле познати членови на криминалното подземје во Брисел./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.