Европа
Американскиот амбасадор го разбесни чешкиот претседател
Чешкиот претседател Милош Земан, во последниот период познат по предизвикувањето на трпението кај западните партнери поради неговите различни ставови во однос на кризата во Украина, кои често се совпаѓаат со руските, во неделата жестоко го нападна амбасадорот на САД во Прага и го прогласи за непожелен во неговиот кабинет, бидејќи ја критикуваше неговата објава дека на 9-ти мај ќе присуствува на прославата на 70-годишнината на победата над нацистичка Германија во Втората светска војна во Москва, што ќе ја бојкотираат западните челници.
Чешкиот претседател Милош Земан мината недела за француското радио F1 изјави дека советските војници кон крајот на Втората светска војна во 1945 година во тогашна Чехословачка дошле како ослободители, и потврди дека за разлика од западните челници тој ќе присуствува на парадата во Москва на 9-ти мај.
„По таа изјава, вратата од Прашкиот замок, се затворени за амбасадорот Шапиро“, изјави Земан оваа неделата за интернет весникот Parlamentnilisty.cz. Прашкиот замок, е некогашна резиденцијата на чешките кралеви, а подоцна на претседателите на земјата.
Американскиот амбасадор Ендрју Шапиро кон крајот на март изрази „неразбирање“ за одлуката на Земан да патува во Москва на прославата на крајот од Втората светска војна, кој во Русија се одбележува како Денот на победата со грандиозна воена парада на која се канат светските државници.
„Не можам да замислам дека чешкиот амбасадор во Вашингтон на претседателот на САД би му делел совети каде да патува. Не дозволувам некој амбасадор да учествува во планирањето на моите патувања“, порача чешкиот претседател.
Амбасадорот Шапиро кон крајот на март на чешката телевизија изјави дека претседателот Земан би можел да биде единствениот челник на земја членка на Европската унија на прославата во Москва. „Тоа е помалку непријатно“, рече американскиот дипломат, додавајќи дека не е негова „задача“ да му кажува на претседателот на Чешка што треба да прави.
Најавениот пат на Земан во Москва на 9-ти мај и во самата Чешка предизвика критики. Дел од опозицијата и од владејачките социјалдемократи од CSSD, вклучително и министерот за надворешни работи Лубомир Заоралек ја критикуваа намерата на шефот на државата да присуствува на воената парада во руската престолнина. Причините за овие критики се нападите на Западот врз Русија за нејзината наводна улога во украинската криза, мислење што не го споделува Земан, кој честопати умее да ги критикува прозападните власти во Киев како и европските санкции за Москва.
Критичарите сметаат дека Земан ќе биде единствениот висок претставник на ЕУ на свеченоста во Москва. Тој, пак, на критиките одговори дека сака да потсети на 150-те илјади советски војници кои загинале во текот на ослободувањето на тогашна Чехословачка од нацистите. Покрај тоа, патувањето во Москва е „израз на благодарност“, за тоа што денеска во Чешка не зборуваме германски повтори и во ова интервју Земан.
„Мојата посета на Москва е израз на благодарност за тоа што ние во Чешка сега не треба да зборуваме германски и да викаме ‘Хајл Хитлер!’ или ‘Хајл Хејдрих!“ (првиот човек на протекторатот Бохемија и Моравија во годините на нацистичката окупација на Чехословачка – з.м.). Во септември 1941-та Хејдрих во Прашкиот замок (резиденцијата на чешките кралеви и претседатели), рече дека Чесите на таа територија нема што да бараат“, рече уште Земан во интервјуто за француското радио минатата недела.
Земан потсети дека тој нема закажано средба со рускиот претседател Владимир Путин, но дека можеби токму германската канцеларка Ангела Меркел ќе разговара со рускиот челник, бидејќи ден потоа, на 10-ти мај таа ќе допатува во Москва за истата прилика, на церемонијата на полагање венец на гробот на Незнајниот војник. Според руските медиуми, на парадата ќе присуствуваат и највисоките претставници на Грција и на Кипар, кои исто така, се членки на Европската унија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.