Европа
Атина се обврза на низа реформи
Министрите за финансии на еврозоната се договорија во петокот на вонредниот состанок во Брисел за продолжување на програмата за надворешна финансиска помош за Грција за уште четири месеци, со тоа што до понеделник или вторник Атина треба да ги претстави чекорите што ќе ги преземе.
Во заедничката изјава Советот на министрите за финансии на земјите од еврозоната – Еврогрупата, се истакнува дека „грчките власти најдоцна до понеделник 23-ти февруари треба да го изложат првиот список од реформските мерки“. Потоа „институциите“ ќе ја дадат својата првична оцена, дали тие мерки се доволно сеопфатни. Изразот „институции“ сега се користи наместо досегашниот „тројката“, кој многу и’ пречеше на Грција, којашто ја сочинуваат Европската комисија, Европската централна банка (ECB) и Меѓународниот монетарен фонд (ММФ).
Договорот ќе важи само доколку грчкиот документ добие зелено светло на почетокот од следната седмица, или како што изјави претседателот на Еврогрупата, Јероен Дијлселблом, во понеделник или најдоцна до вторник наутро. Во спротивно, грчкото барање за продолжување на програмата ќе биде закопано, што го призна и грчкиот министер за финансии, Јанис Варуфакис. „Доколку нашиот предлог не биде прифатен, договорот е мртов. Но, тоа нема да се случи“, рече Вариуфакис на прес-конференцијата по завршувањето на вонредната седница на Еврогрупата, доцна ноќта во петокот.
Во заедничката изјава на министрите се наведува и дека грчките власти изразиле “силна приврзаност на поширокиот и подлабок реформски процес кој има цел трајно да го подобри растот и изгледите за вработувања, да осигури стабилност и отпорност на финансискиот сектор и да ја зголеми социјалната правда“.
Грчката влада, и покрај противењата, сепак направи значителни отстапки во однос на своите почетни позиции. „Грчките власти се обврзаа дека ќе се воздржат од отфрлањето на едностраните промени на политиките и структурните реформи, коишто негативно би влијаеле врз фискалните цели, економското заздравување или финансиската стабилност“, се истакнува натаму во заедничката изјава не Еврогрупата.
Грција, исто така, недвосмислено се обврзала дека ќе ги почитува своите финансиски обврски кон доверителите и ќе ги исполнува во целост и навремено. Кога станува збор за фискалниот суфицит, во изјавата се вели дека за оваа година, институциите ќе ги земаат предвид економските околности, со што делумно е почитувано барањето на Атина. Според досегашната програма за помош, Грција за оваа година требаше да има буџетски суфицит од 3 отсто од бруто домашниот производ (БДП), кој треба да го поткрепи растот на нејзината економија.
Еврозоната, од своја страна, се обврза дека ќе и’ дава на Грција поддршка сé додека таа не може повторно да се финансира на финансиските пазари и се додека ги почитува своите обврски во рамките на догореното.
Од Европската народна партија (ЕРР) веднаш се огласија со соопштение во кое го поздравуваат фактот дека „Грција ги прифаќа правилата на еврозоната“ и дека грчкиот премиер, инаку радикален левичар Алексис Ципрас, ќе мора на своите гласачи да им ја каже вистината./крја/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.