Европа
Австрија до Меркел: Сами донесете си ги мигрантите од Грција
Со сѐ поголем број бегалци кои се трупаат во Грција, откако Австрија и земјите од Западен Балкан ги затвориија своите граници, Виена ја фрли топката во дворот на Германците.
Германија треба да определи дневна квота и потоа да ги донесе бегалците директно од Грција, Турција и Јордан“, вели австрискиот канцелар Вернер Фејман, за весникот Kurier во среда.„Австрија не може и не смее да стане дистрибутивен центар за бегалци. Ова мора да прекине“, вели Фејман.„Не можам да прифатам неколку илјади луѓе да поминуваат секојдневно, а од друга страна Германија да нѐ информира дека денеска ќе прими само 1.000 или 2.000 луѓе во земјата“, додава тој.„Секој што ќе ги затвори границите не придонесува за решавање на кризата со бранот бегалци“, возврати германската канцеларка, Ангела Меркел.Таа долго време се обидува да најде решение во Европската унија за дистрибуција на бегалците откако тие ќе пристигнат во Грција или во Италија.Но, тоа оди тешко, особено ако се знае дека многу национални лидери ја обвинија неа дека Европа привлекува многу бегалци, затоа што Геманија останала на политиката на отворени врати.„Мора да најдеме одржливо решение, кое ќе може да се оправда утре. Покрај сѐ, ни треба решение кое нема да остави некои земји на страна, а товарот да падне само на други земји“, додава Меркел.Во меѓувеме, илјадници луѓе останаа заглавени во Грција, на северната граница со Македонија, која не е земја членка на ЕУ, но беше поканета од Австрија да учествува на конференцијата за бегалската криза минатата недела, откако Македонија ја затвори границата. Бегалците кои се обидоа да ја пробијат капијата на границата во вторник ја повикуваа Меркел да го реши нивниот проблем и да им се дозволи да патуваат низ земјите.„Не знам што чекаат европските земји – колку долго уште додека не ескалира состојбата?“, вели Селман Чалискан, генерален секретар на Амнести Германија, за Neue Osnabrücker Zeitung во среда.Германија чека да го види исходот од самитот на ЕУ-Турција, закажан за 7 март, од каде очекува напредок во протокот на бегалците и нивната контрола.„Никој не разбира како ЕУ прво ја задржа Грција во евро системот давајќи и помош во милијарди, а сега ја подлажува дека ќе ја реши кризата со бегалците во земјата“, вели министерот за правда Хеико Мас, за Rheinische Post во среда.Според него, сликите од грчко – македонската граница треба да бидат поттик за сите да се изнајде европско решение за кризата./крај/тл/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.
Европа
Русија: Ќе ги таргетираме украинските магацини во кои се доставува западното оружје
Русија ќе ги интензивира нападите врз украинските бази за складирање во кои е сместено оружјето доставено од Запад, изјави денеска министерот за одбрана, Сергеј Шојгу, а Соединетите Држави се подготвуваат да одобрат и достават долго одложувана нова воена помош.
Шојгу рече дека Русија „го отфрли митот за супериорноста на западното оружје“ и дека нејзините сили презеле иницијатива на фронтот долг 1.000 километри.
Тој алудира на фактот дека в сабота, по гласањето во Претставничкиот дом, Вашингтон е подготвен да достави нов пакет воена помош за Украина, вреден речиси 61 милијарда долари.
Украинскиот претседател Володимир Зеленски изјави дека Киев набргу ќе добие повеќе ракетни системи со долг дострел ATACMS како дел од ветениот пакет. Американските власти рекоа дека помошта ќе вклучува испорака на муниција и пресретнувачи за системи за противвоздушна одбрана за Украина.
„Со оглед на заканите од САД и нивните сојузници, ние мора да продолжиме да ги подобруваме составот и структурата на вооружените сили и да го зголемиме производството на најпопуларното оружје и воена опрема“, рече Шојгу додавајќи дека руските сили „ќе го зголемат интензитетот на нападите врз логистичките центри и базите за складирање на западното оружје“.
Рускиот министер за одбрана повтори дека Русија овој месец ги освоила селата Первомајске, Бохданивка и Новомихајливка.
Во понеделникот украинскиот командант го негира падот на Новомихајливка велејќи дека неговите војници сè уште држат 15- 20 отсто од селото.
Руското Министерство за одбрана објави дека руските маринци, кои учествувале во заземањето на Новомихајливка, заробиле оружје од западно производство, вклучувајќи шведски фрлачи на гранати, американски противоклопни системи Javelin и системи за електронско војување на НАТО.