Европа
Австрија: Министерот за внатрешни работи се срами за повторувањето на изборите
– Волфганг Соботка, австриски министер за внатрешни работи
Австрискиот министер за внатрешни работи Волфганг Соботка изјави во саботата дека се срами откако Уставниот суд во петокот пресуди дека вториот круг од претседателските избори мора да биде повторен поради утврдените неправилности, вклучително и со пребројувањето на гласовите испратени по пошта, на што се жалеше крајно десната Слободарска партија (FPOe) чиј кандидат иако имаше уверливо водство во првиот круг загуби со помалку од половина процентен поен во полза на кандидатот на Зелените, поддржан од другите етаблирани партии.
Австрискиот министер за внатрешни работи Волфганг Соботка изјави во саботата дека се срами откако Уставниот суд во петокот пресуди дека вториот круг од претседателските избори мора да биде повторен поради утврдените неправилности, вклучително и со пребројувањето на гласовите испратени по пошта, на што се жалеше крајно десната Слободарска партија (FPOe) чиј кандидат иако имаше уверливо водство во првиот круг загуби со помалку од половина процентен поен во полза на кандидатот на Зелените, поддржан од другите етаблирани партии.
„Разочаран сум, се срамам. Таа негрижа и тоа извртување на законите длабоко ме потресоа“, изјави австрискиот министер за внатрешни работи Волфганг Соботка за државното радиот.
Толкуваше дека е збунет, поради тоа што наводно не било утврдено крадење на гласовите, ниту манипулации, туку низа грешки во збирот на гласовите на 22-ри мај, што ја доведе во прашање валидноста на изборниот процес.
Одлуката на судот покажува дека Австрија е банана република, веројатно единствената која покрај Африка и Казахстан не може да ги собере гласовите, остро реагираше во саботата таблоидот Oesterreich.
Дневниот весник Kurier, пак, извести дека Соботка сака набљудувачи од Организацијата за безбедност и соработка во Европак (ОБСЕ) да бидат присутни на следните избори кои ќе се одвиваат есенва,/
Поранешниот челник на австриските Зелени кој имаше големо заостанување по првиот изборен круг, Александер Ван дер Белен, на вториот круг на 24-ти мај тесно го победи Норберт Хофер од FPo, кој за малку пропушти да стане првиот претседател од крајната десница во Европа. Со 50,3 отсто од гласовите, откако во првиот круг освои 21,3 проценти, по пребројувањето на гласовите пристигнати по пошта, Ван дер Белен за 0,6 отсто, или 31.026 гласови, го победи Хофер кој освои 49,7 отсто, а во првиот круг имаше убедливо водство од 35,1 отсто од гласовите.
Во петокот австрискиот Уставен суд во образложението соопшти дека во својата пресуда ги користел строгите стандарди за спроведување на изборните правила. Пред судот на јавно сослушување се појавија околу 90 сведоци во изминатите две седмици, а тие зборувале за неправилностите во начинот на кој се пребројувани гласовите,к вклучително и гласовите.
Слободарската партија тврди дека начинот на кој се броени гласовите кои пристигнувале по пошта се само една од неправилностите коишто кулминирале со пораз на Хофер за разлика помала од 31.000 гласови.
Првите резултати и од вториот изборен круг покажуваа дека Хофер има предност, но таа се истопила откако биле пребројани околу 700.000 гласови кои пристигнале по пошта. Слободарската партија тврди дека има докази дека гласале лица под 16 години како и странски државјани./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.