Европа
Австрија подигна обвинение против непознат сторител за шпионажа, тензии во владата на Меркел
Австрија поднесе тужба против непознат сторители и бара од Германија образложение по написите во медиумите дека во полза и по налог на САД нејзините функционери ги шпионирала германската разузнавачка служба BND.
Пред државното обвинителство во Виена во вторникот е поднесена тужба поради „шпионирање на штета на Австрија“, изјавила за агенцијата APA, министерката за внатрешни работи Јохана Микл-Лејтнер.
Германските медиуми од минатата седмица пишуваат повикувајќи се на доверливи документи кои ја обвинуваат германската разузнавачка служба BND дека во полза на американската разузнавачка Агенција за национална безбедност (NSA) шпионирала европски компании, дека ги следела комуникациите на европските функционери и на Европската унија, како и на француското министерство за надворешни работи и кабинетот на претседателот на Франција, односно Елисејската палата. Притоа, во еден од написите на германскиот весник Bild се споменува и шпионирањето на австриски функционери.
Австрија бара „исцрпни појаснувања“ од својот голем и влијателен сосед, и во таа цел ќе ги употреби и „дипломатските средства“, истакнува Микл-Лејтнер. „Двата начина се важни и исправни“, додава министерката.
Споменатите откривања за шпионирањето на германското разузнавања поттикнаа во вторникот и тензии во коалициската влада во Берлин, каде што социјалдемократите од SPD првпат јавно го поставија прашањето за улогата на канцеларката Ангела Меркел. Претседателот на SDP и воедно министер за економија, Зигмар Габриел, кој не се огласуваше досега од крајот на април откако беа објавени првите информации за оваа афера, потврди за медиумите дека двапати ѝ го поставил на канцеларката прашањето за случајот.
„Ова што во моментов ни се случува е афера, скандал во кој се вмешани тајните служби и кој може да предизвика многу голем потрес“, изјави Габриел во понеделникот во седиште на SPD во Берлин. Габриел, кој истовремено е и вицеканцелар во ткн голема коалиција во која мнозински партнер е христијанско-демократската унија CDU/CSU на Меркел./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.