Европа
Австрија проценува дека влегле 20.000 бегалци, стотина ја пробија границата
Бројот бегалци кои викендов најверојатно влегле во Австрија ќе изнесува дваесет илјади, изјави портпаролот на тамошното министерство за внатрешни работи, а истовремено стотина успеале да се пробијат на премин кој е блокиран.
Местото Никелсдорф крај границата со Унгарија, според прелиминарните процени, до понеделникот ќе прими три четвртини од сите бегалци коишто влегле во Австрија, изјави за агенцијата DPA Александер Марковиц, портпарол на австриското министерство за надворешни работи.
„Тоа претставуваше огромен логистичко предизвик“, вели Марковиц додавајќи дека новиот мигрантски бран дошол ненадејно,поради недостигот од комуникација со унгарските власти.
Откако бројот на бегалците се намали последните денови, полицијата, армијата и Црвениот крст морале извонредно брзо да дејствуваа. „За сите мигранти ќе се погрижиме“, додава Марковиц.
Истовремено, група од стотина мигранти на коишто им би блокиран влезот во Австрија, успеале да ја минат нејзината јужна граница со Словенија, претрчувајќи покрај австриските полицајци во Шпиелсфелд, изјавил полициски службеник.
„Не можевме да ги задржиме, бидејќи налета во толпа“, изјавил признавајќи дека немало доволно полицајци за да може да ги сопрат бегалците на коишто им бил оневозможен влезот во Австрија бидејќи немале пасоши, а ниту побарале азил во Словенија.
Истиот извор на агенцијата рекол дека има информации дека уште 700 бегалци тргнале кон границата, коишто исто така најверојатно ќе настојуваат насила да влезат во Австрија./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.